Pavlodar oblysynda 12 jastaǵy qyz ana boldy.  Oǵan qatysy bar degen jetkinshektiń týysy ustaldy, dep habarlaıdy @Pavlodarnews.kz.

– Jábirlenýshiniń týysy kúdikti dep tanyldy. Qamaýǵa alyndy, – dedi  Pavlodar oblysy boıynsha bala quqyqtary jónindegi óńirlik ýákilSáýle Shákeneva.

Qyzdy zorlaý faktisi boıynsha Qylmystyq kodekstiń 120-baby 4-bóligi boıynsha sotqa deıingi tergeý júrgizilýde. İs sáýir aıynda tirkelgen. Qazirgi ýaqytta sot-psıhıatrıalyq saraptama júrgizilýde. QİJK-niń 201-baby negizinde basqa da málimetter jarıa etýge jatpaıdy.

Oblystyq bilim berý basqarmasynyń málimetinshe, oqıǵa 19 shildede Sharbaqty aýdanynda bolǵan. Buǵan deıin qyzdyń otbasyn Galkın aýyldyq okrýgi ákimdiginiń jedel áreket etý toby kópbalaly jáne az qamtylǵan otbasy retinde anyqtap, ataýly áleýmettik kómek taǵaıyndalǵan. Ákesi Galkın mektebine jumysqa ornalastyrylǵan.

–  Qyz atalǵan oqý ornynda oqıdy. Júktilik faktisin mektep ákimshiligi oqýshylardyń kóktemgi demalysynan shyqqannan keıin anyqtady. Bekitilgen algorıtmge sáıkes atalǵan fakti týraly aqparat tıisti organdarǵa berildi. Qyz ben anasy birden aýrýhanaǵa jetkizildi, – deıdi basqarmada. 

Qazirgi ýaqytta Sharbaqty aýdanynyń ishki ister organdary tergeý júrgizýde. Tergeý sheńberinde aqparat tergeý is-sharalary aıaqtalǵanǵa deıin jarıa etilmeıdi. Sharbaqty aýdany bilim berý bóliminiń basshysy qatań sógis aldy. Eńbek sharty bir jylǵa uzartylǵan mektep dırektory zeınetkerlikke shyqqannan keıin mektepte jumys istegen. Jazda eńbek sharty merzimi aıaqtalǵan kezde óz qalaýy boıynsha ótinish jazyp, jumystan shyqqan. 

Pavlodar oblysy densaýlyq saqtaý basqarmasynyń aqparaty boıynsha, oqýshy 19 shildede oblystyq perınataldyq ortalyqqa túsken, 20 shilde kúni bosanǵan. Ana men balanyń jaǵdaıy qanaǵattanarlyq dep baǵalanady.