Ol jynystyq qatynas ózara kelisim boıynsha bolǵanyn alǵa tartty. Bul týraly Ulys oblystyq qylmystyq ister jónindegi mamandandyrylǵan aýdanaralyq sot baspasóz qyzmetine silteme jasap habarlaıdy.
«Aıyptalýshy kinásin moıyndaǵan joq, jábirlenýshimen jynystyq qatynas ózara kelisim boıynsha bolǵanyn alǵa tartty. Sondyqtan onyń áreketin onsha aýyr emes bapqa – qylmystyq kodekstiń 122-baby 1-bólimi, atap aıtqanda 16 jasqa tolmaǵan adammen jynystyq qatynas retinde qaıta saralaýdy surady», – delingen habarlamada.
Jaýapkerdiń kinási jábirlenýshiniń, kýálardyń aıǵaqtarymen, saraptamalardyń qorytyndylarymen jáne sotta zerttelgen basqa da dáleldemelermen dáleldendi.
«Eki asa aýyr qylmystyń jasalǵanyn eskere otyryp, sot túpkilikti 17 jyl merzimge bas bostandyǵynan aıyrý jazasyn taǵaıyndady. Sondaı-aq qylmysker ómir boıyna pedagogıkalyq jáne kámeletke tolmaǵandarmen jumys isteýge baılanysty laýazymdardy atqarý quqyǵynan aıyryldy», – deıdi baspasóz ortalyǵynda.
Úkim zańdy kúshine engen joq.