Ózbekstan Respýblıkasy Mınıstrler Mekemesinde eldiń Eýrazıalyq ekonomıkalyq odaqpen (EAEO) yntymaqtastyǵynnyń jan-jaqty baǵalaý boıynsha sońǵy nátıjelerin talqylaýǵa jáne tıisti usynystardy «Olıı Majlıs» palatalaryna engizý máselesine arnalǵan jıyn ótti. Bul týraly uza.uz agenttigi habarlaıdy.
Osyǵan deıin Prezıdent Shavkat Mırzıaev Parlamentke jasaǵan kezekti joldaýynda osy ózekti máseleni jan-jaqty talqylap, zerttep, túbegeıli qarap shyǵýyn aıtyp bastysy bul jóninde tolyq toqtamǵa kelýde eń áýeli halyqtyń qalaýyna júginerin aıtqan bolatyn.
Ózbekstannyń EAEO-pen yntymaqtastyǵyn jan-jaqty zertteý jáne tereń taldaý jasaýǵa arnalǵan arnaıy jumysshy toby eldiń eń iri 16 ekonomıkalyq sektorynda ekonomıkalyq ıntergrasıa jóninde zertteýler júrgizip, sheteldik jáne jergilikti sarapshylardyń bergen usynys qorytyndylary men EAEO aıasyndaǵy ónerkásip, syrtqy saýda saıasaty, kedendik-tarıftik retteý tetikteri, eńbek kóshi-qony t.b. máseleler boıynsha barlyq jaǵdaı zerttelip Ózbekstannyń odaqpen baılanysy eldiń ulttyq ekonomıkasyna áserin kompleksti úırený nátıjesinde tıisti mınıstrlikter men vedomstvalar Eýrazıalyq ekonomıkalyq odaqpen baqylaýshy el mártebesinde yntymaqtastyq jasaý týraly usynysy maquldandy.
Jıyn qorytyndysy boıynsha analıtıkalyq jáne jan-jaqty baǵalaý negizinde jasalǵan qorytyndylar men usynystardy «Olıı Majlıs» palatalaryna berý týraly sheshim qabyldandy.
Ortalyq Azıa memleketteri basshylarynyń ekinshi Konsýltatıvtik kezdesýi 29-qarasha kúni Tashkentte ótedi. Bul týraly Ózbekstannyń syrtqy ister mınıstri Abdýlazız Kamılov aıtty.
Elimizdiń Syrtqy ister mınıstrligi baspasóz qyzmetiniń habarlaýynsha, Tashkentte Ortalyq Azıa elderiniń Syrtqy ister mınıstrleriniń kezdesýi ótti. Oǵan Qazaqstan, Qyrǵyzstan, Tájikstan, Túrikmenstan jáne Ózbekstan Syrtqy ister mınıstrleri qatysqan. Olar Tashkentte ótetin Ortalyq Azıa memleketteri basshylarynyń ekinshi Konsýltatıvtik kezdesýine daıyndyq barysyn talqylady. Mınıstrler Ortalyq Azıa memleketteriniń basshylary konsýltatıvtik kezdesýiniń kún tártibin, birlesken málimdemesi men reglamentiniń jobalaryn naqty qarady. Sondaı-aq óńirlik ózara is-qımyldy odan ári nyǵaıtýdyń jaı-kúıi men perspektıvalary talqylandy.
Ortalyq Azıa baǵytyndaǵy mańyzdy ortaq jetistigi retinde Qazaqstannyń Tuńǵysh Prezıdenti – Elbasy Nursultan Nazarbaevtyń bastamasymen 2018 jylǵy 15 naýryzda Nur-Sultan qalasynda ótken OA memleketteri basshylarynyń Jumys (konsýltatıvtik) kezdesýi boldy. Bul – kóp jyldar ishindegi mundaı formattaǵy alǵashqy kezdesý bolyp, onyń barysynda óńir elderiniń kóshbasshylary besjaqty yntymaqtastyqtyń negizgi basymdyqtaryn anyqtap, bolashaqqa josparlar belgiledi.
QR Syrtqy ister mınıstri Muhtar Tileýberdi óz sózinde Ortalyq Azıa elderimen jan-jaqty kooperasıalyq baılanystardy damytý jáne óńirdiń mańyzdylyǵyn nyǵaıtý Qazaqstannyń syrtqy saıasatynyń negizgi basymdyqtarynyń biri bolyp tabylatynyn atap ótti.
Kezdesý qatysýshylary ózbek tarapyna is-sharany sapaly uıymdastyrǵany jáne Ózbekstannyń aımaqtyq ıntegrasıany odan ári damytýǵa baǵyttalǵan kúsh-jigeri úshin alǵys bildirdi.
Sýretter mfa.gov.kz saıtynan alyndy.
Búgin Aqtaý qalasynda baýyrlas Ózbekstannyń Bas konsýldyǵy ashyldy. Saltanatty sharaǵa Mańǵystaý oblysynyń ákimi Serikbaı Turymov pen Ózbekstannyń Qazaqstandaǵy elshisi Saıdıkram Nıazhodjaev qatysyp, quttyqtaý sóz sóıledi. Bul Mańǵystaý jerinde ashylyp otyrǵan besinshi konsýldyq. Buǵan deıin Túrkıa, Iran, Ázirbaıjan jáne Túrikmenstan elderiniń konsýldyǵy ashylǵan edi.
Aıtýly kún tarıhta, 1991 jyl 31 tamyz kúni Ózbekstan Respýblıkasynyń memlekettik táýelsizdik negizderi týraly Zańy qabyldanyp, oǵan sáıkes Ózbekstan Respýblıkasynyń Joǵarǵy Keńesinde SSR Ózbekstandy, budan ári Ózbekstan Respýblıkasy dep atap, 1 qyrkúıekti Táýelsizdik kúni, dep jarıalaǵan.
Búgin Ózbekstan Respýblıkasy Táýelsizdigine 31 jyl toldy. Bıylǵy mereıtoıly merekelik sharalar ashyq alańdar men saıabaqtarda atap ótildi.