Nurlan Noǵaev Qazaqstan Respýblıkasynyń Túrikmenstandaǵy tótenshe jáne ókiletti elshisi laýazymyna taǵaıyndaldy, dep habarlaıdy Aqorda.
"Memleket basshysynyń Jarlyǵy boıynsha, Nurlan Asqaruly Noǵaev Qazaqstan Respýblıkasynyń Túrikmenstandaǵy tótenshe jáne ókiletti elshisi laýazymyna taǵaıyndaldy", - delingen habarlamada.
Asqar Tájibaev Túrikmenstandaǵy tótenshe jáne ókiletti elshi qyzmetinen bosatyldy.
Noǵaev Nurlan Asqaruly 1967 jyly 30 shildede Aqtóbe oblysy, Muǵaljar aýdany, Qandyaǵash qalasynda dúnıege kelgen. 1993 jyly I.Gýbkın atyndaǵy Máskeý memlekettik munaı jáne gaz akademıasyn taý-ken ınjeneri mamandyǵy boıynsha bitirdi. 1999 jyly Qazaq memlekettik basqarý akademıasyn «halyqaralyq ekonomıkalyq qatynastar» mamandyǵy boıynsha jáne 2006 jyly RF SİM Máskeý memlekettik halyqaralyq qatynastar ınstıtýtyn (Ýnıversıtet) iskerlik ákimshilik magıstrin bitirdi.
Eńbek jolyn Aqtóbe oblysy Oktábrsk qalasynyń Qandyaǵash stansasynda elektromonter bolyp bastaǵan.
Máskeý qalasynda munaı ónimderi jónindegi aǵa sarapshy, «Gılı-Pasker» JSHS-nyń bólim bastyǵy (1993-1995). Almaty qalasynda «Otyrar Ltd» shaǵyn kásiporny bas dırektorynyń orynbasary (1995-1996).
1996-2006 jyldary aralyǵynda marketıń jónindegi ınjener, «Qazaqtúrikmunaı» JSHS-nyń marketıńi, munaı jáne munaı ónimderin satý bóliminiń bastyǵy, bas dırektory qyzmetterin atqarǵan.
2006 jylǵy aqpan-tamyz aralyǵynda «QazMunaıGaz «Ulttyq kompanıasy» AQ-nyń atqarýshy dırektory boldy. 2006 jyldyń tamyzynan bastap Qazaqstan Respýblıkasy Energetıka jáne mıneraldyq resýrstar mınıstrliginiń Munaı ónerkásibi departamentiniń dırektory bolyp jumys istedi.
2007 jyldyń qyrkúıeginen bastap Batys Qazaqstan oblysy ákiminiń ekonomıka, qarjy jáne munaı-gaz sektory máselelerine jetekshilik etetin orynbasary boldy.
2012 jyldyń 20 qańtarynda Batys Qazaqstan oblysynyń ákimi bolyp taǵaıyndaldy.
2016-2019 jyldary aralyǵynda Atyraý oblysynyń ákimi.
2019 jylǵy 18 jeltoqsan - 2021 jylǵy 7 qyrkúıekke deıin Energetıka mınıstri.
2021 jyly 7 qyrkúıekte Mańǵystaý oblysynyń ákimi bolyp taǵaıyndaldy.
2024 jyly 16 mamyrda Prezıdent Jarlyǵymen Mańǵystaý oblysynyń ákimi qyzmetinen bosatyldy.