L.N.Gýmılev atyndaǵy Eýrazıa ulttyq ýnıversıtetiniń rektory Erlan Sydyqovtyń buıryǵymen Nurjan Qýantaıuly jýrnalısıka jáne áleýmettik ǵylymdar fakúltetiniń dekany qyzmetine taǵaıyndaldy. Tájirıbeli maman 22 jyldan beri BAQ salasynda eńbek etip keledi. Bul týraly Ulys EUÝ silteme jasap habarlaıdy.
Nurjan Qýantaıuly 1993 jyly KazUÝ-dy úzdik dıplommen bitirip, eńbek jolyn Qazaq radıosynda aǵa redaktor, sholýshy bolyp bastady. EUÝ jýrnalısıka jáne áleýmettik ǵylymdar fakúltetiniń dekany qyzmetine taǵaıyndalǵanǵa deıin Ál-Farabı atyndaǵy Qazaq ulttyq ýnıversıtetiniń jýrnalısıka fakúltetinde aǵa oqytýshy, dosent bolyp dáris bere júrip, respýblıkalyq «Jas alash» gazetiniń sholýshysy, «Aq jol - Qazaqstan» gazetiniń ádebıet bóliminiń meńgerýshisi, «Aıqyn» gazetiniń saıası sholýshysy bolyp qyzmet etti. Keıin QazUÝ-dyń jýrnalısıka fakúlteti men Shyǵys Qazaqstan oblystyq ákimdigine qarasty «Shyǵys aqparat» medıa-holdıngin basqardy.
Nurjan Qýantaıuly 2000 jyly «Júsipbek Aımaýytovtyń kósemsóz murasy jáne Alash Orda baspasózi» atty kandıdattyq dısertasıa qorǵady.
Fılologıa ǵylymdarynyń kandıdaty kóptegen ǵylymı jáne ǵylymı-kópshilik eńbekterdiń, sondaı-aq Web of Science jáne Scopus derekter qoryndaǵy maqalalardyń avtory.
Prozashy, aqyn, Memlekettik «Daryn» syılyǵynyń laýreaty, Qazaqstan Jastar odaǵy syılyǵynyń laýreaty, Qazaqstan Jýrnalıser odaǵynyń Smaǵul Sadýaqasov atyndaǵy syılyǵynyń ıegeri.
«Qaraózek» atty romannyń, birneshe áńgimelerdiń, úsh jyr jınaǵynyń avtory.
«Adyrna», «Kúmbir», «Qaraózek», «Alash Orda baspasózi jáne Júsipbek Aımaýytuly», «Qolshatyr» atty kitaptary jaryq kórgen.
Fakúltetke arnaıy baryp, jańa dekandy ujymǵa tanystyrǵan EUÝ rektory Erlan Sydyqov osy qyzmette 14 jyl qyzmet etken jýrnalısıka jáne áleýmettik ǵylymdar fakúltetiniń eks-dekany Qaırat Saqqa kóp jylǵy eńbegi úshin alǵys aıtyp, aldaǵy jumysyna tabys tiledi. Q.Saq Alǵys hatpen marapattaldy.
