Qazaqstan men Ispanıanyń birlesken jobasy – «Bitim» (La Tregua) fılminiń túsirilimderi bastaldy. Bul týraly Qaraǵandy oblysy ákimdigi málimdedi.
1930–1950 jyldar aralyǵyndaǵy Karlagtaǵy adamdardyń aýyr taǵdyrlaryn sýretteıtin týyndy Netflix platformasyna arnaıy ázirlenýde.
Fılmniń rejıseri – tanymal «Býmajnyı dom» serıaly arqyly kórermenge belgili Mıgel Anhel Vıvas. Ol túsirilim barysynda akterlerdiń kásibıligi men shynaıy emosıalaryn erekshe nazarǵa alǵan.
«Basty rólderdi ıspandyq akterler Mıgel Erran («Býmajnyı dom» serıalyndaǵy Rıo) men Aron Pıper («Elıta» dramasyndaǵy Ander) somdaıdy. Olarǵa qazaqstandyq akterler Dına Tasbýlatova, Altynaı Nógerbek, Sergeı Ýfımsev jáne Farabı Aqqozov seriktes bolmaq», - delingen habarlamada.
Fılm tarıhı shyndyqqa negizdelip, kórermenge Karlagta ótken aýyr jyldardyń beınesin jetkizýge baǵyttalǵan.
