Qazaqtardyń kishi quryltaıynyń negizgi taqyryby QR Tuńǵysh Prezıdenti – Elbasynyń «Uly dalanyń jeti qyry» maqalasynyń jáne «Rýhanı Jańǵyrý» baǵdarlamasynyń erejeleri kontekstinde yntymaqtastyqty damytý bolyp otyr.
Quryltaıdyń birinshi kúniEýropa elderindegi (Shvesıa, Germanıa, Fransıa) qazaqtar qaýymdastyqtarynyń basshylarymen ótken kezdesýde aldaǵy mindetter men josparlar talqylandy.
Kishi quryltaıdyń resmı ashylý sharasy aıasynda«Otandastar qorynyń» júzege asyryp jatqan «Mádenı-iskerlik úıi» Qazaq úıi» jobasy keńinen tanystyrylyp, Dúnıejúzi qazaqtary qaýymdastyǵy tarapynan daıyndalǵan beınebaıandar kórsetildi.
Quryltaıdyń spıkerleri qatarynda Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov, «Otandastar qorynyń» vıse-prezıdenti Maǵaýıa Sarbasov, Evropadaǵy Qazaq qaýymdastyqtarynyń jáne Shvesıada Qazaq qaýymdastyǵynyń tóraǵasy Murat Ermısh bar.Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov óz sózinde: «Búgingi Eýropa jerinde ótkizilip otyrǵan Kishi Quryltaı ulttyq «Rýhanı Jańǵyrý» baǵdarlamasyna ózindik úles qosady dep senemin. Bul álemdik qaýymdastyqqa qazaq ultynyń birligin jáne Qazaqstan Respýblıkasynyń shet elderde turatyn qazaq dıasporalaryna erekshe qoldaýy men qamqorlyǵyn kórsetedi»-dedi.
Ulttyq biregeılikti saqtaýǵa, qazaq dıasporasyna qatysty memlekettik saıasatty qalyptastyrýǵa jáne shetelde turatyn etnıkalyq qazaqtardy shoǵyrlandyrýǵa járdemdesý maqsatynda «Otandastar qory» men Eýropadaǵy qazaq mádenı ortalyqtarymen ózara túsinistik jáne áriptestik týraly memorandýmdarǵa qol qoıyldy.
Olar:
- Shvesıanyń Qazaq Asosıasıasy men «Otandastarqory» KEAQ arasyndaǵy ózara yntymaqtastyqty damytý týraly memorandým;
- Germanıadaǵy qazaqtar qaýymdastyǵy men «Otandastarqory» KEAQ qory arasyndaǵy ózara yntymaqtastyqty damytý týraly memorandým;
- Lúksembýrg «KazakhstanLuxembourg Cooperation a.s.b.l» qazaq qoǵamy men «Otandastarqory» KEAQ arasyndaǵy ózara yntymaqtastyqty damytý týraly memorandým;
- Keln qazaq mádenı ortalyǵy men «Otandastarqory» KEAQ arasyndaǵy ózara yntymaqtastyqty damytý týraly memorandým;
- UlybrıtanıaQazaq ulttyq-mádenı birlestigi men «Otandastarqory» KEAQ arasyndaǵy ózara yntymaqtastyqty damytý týraly memorandým;
- Venadaǵy qazaq qoǵamy men «Otandastarqory» KEAQ arasyndaǵy ózara yntymaqtastyqty damytý týraly memorandým;
- Fransıa qazaq mádenı ortalyǵy men «Otandastarqory» KEAQ arasyndaǵy ózara yntymaqtastyqty damytý týraly memorandým.
Sonymen qatar, Quryltaı aıasynda Eýropadaǵy qazaq mádenı ortalyqtarynyńqyzmetterin uıymdastyrýdyń ózekti máseleleri talqylanyp, Sheteldegi qazaqtarǵa arnalǵan bilim alý baǵdarmalary jáne «Otandastar qorynyń» mádenı-gýmanıtarlyq jobalarynyń tanystyrylymy bolyp ótti.Quryltaıdyń kelesi kúnderi Qazaqstan Respýblıkasy joǵarǵy oqý oryndarynyń tanystyrylymy, jastarmen beıresmı kezdesý, bıznes forým jáne dástúrli fýtbol týrnıri ótkiziledi.
Jalpy, kishi quryltaıdyń jumysyna qazaq dıasporasynyń 100-den astam ókili, sondaı-aq, Qazaqstannyń mádenıet qaıratkerleri men kásipkerleri qatysýda.
