Parıj prokýratýrasy Pavel Dýrovqa taǵylýy múmkin 12 epızodty jarıalady. onyń ishinde quzyrly organdarǵa aqparat berýden bas tartý, alaıaqtyq pen esirtki satýǵa qatysynyń bolýy, balalardyń pornografıalyq vıdeolaryn saqtaýǵa, kıberqylmystarǵa, aqsha jylystatýǵa qatysýy jáne t. b. bar. 

Prokýratýra 8 shildede ashylǵan isti Kıberqylmyspen kúres ortalyǵy men Ulttyq alaıaqtyqpen kúres basqarmasy (ONAF) tergep jatqanyn aıtty.

Álemge koronavırýstyń jańa túri – HES tarap jatyr. Bul burynǵyǵa qaraǵanda qaýiptirek, dep habarlaıdy BBS..

«Kovıdtiń bul túri alǵash ret maýsym aıynda Germanıada paıda bolǵan. Keıin Ulybrıtanıa, AQSH, Danıa elderinen tabyldy», - dep jazdy Scripps Research ınstıtýtynyń dırektory, amerıkalyq ǵalym Erık Topol tvıtter paraqshasynda.

Onyń aıtýynsha, HES jańa ǵana bastalyp jatyr, birneshe apta men bir-eki aı ótken soń, kúshine minip, syrqattyń jańa tolqyny týady.

Mýtasıalanǵan HES ótken kovıd vırýsyna qaraǵanda tezirek taraıdy. Ǵalymdar qazirgi qoldanysta bar vaksınalar bul vırýstan keletin eń aýyr zardaptardyń aldyn alady dep otyr.

Ulybrıtanıa ǵalymy Fransýa Balýdyń sózinshe, aldaǵy qysta HES koronavırýstyń negizgi túrine aınalýy bek múmkin.

1 qazan keshkisin Iran Izraıldi raketamen atqylady. Bul týraly BBC jazdy.

Shabýyl kezinde búkil Izraıl aýmaǵynda dabyl qaǵylyp, turǵyndarǵa qaýipsiz jerge tyǵylýǵa buıryq berildi.  Izraıl áskeri Iran 180 raketa jiberdi deıdi. Al Iran Islam revolúsıasy saqshylar korpýsynyń arnaıy jasaǵy bul shabýyldy HAMAS lıderi Ismaıl Hanıanyń, "Hezbolla" lıderi Hasan Nasrallanyń jáne Iran jasaǵynyń komandıri Abbas Nılfrýshanyń ólimine jaýap dep málimdedi.

Izraıl premer-mınıstri Bınámın Netanáhý el aýmaǵyn balıstıkalyq raketalarmen atqylaǵan Iran "úlken qatelik jasady, buǵan jaýap beredi" dep málimdedi.