Jýyrda Astanada «Jýrnalısik etıka. Faktchekıng jáne manıpýlásıa» taqyrybynda ótken is-sharada jýrnalısik etıkany saqtaý jáne medıada faktchekıng júrgizýge qatysty salanyń ózin-ózi retteýi máseleleri qaralyp, daýly taqyryptardaǵy jýrnalısıka, medıa ókilderiniń biliktiligin arttyrý, sondaı-aq oqytý trenıńterin uıymdastyrý múmkindikteri talqylandy, dep habarlaıdy Ulys.
Sıfrlyq tehnologıalar damyp, aqparattyń jyldam taralýy qarqyn alǵan kezde etıkalyq standarttardy saqtaý tek qajettilik emes, sonymen qatar qoǵamnyń medıa salasyna degen senimin arttyrýmen qatar, medıa salasy mamandarynyń kásibıligin saqtaýdyń da mańyzdy quralyna aınaldy. «Qazaqstan Medıa Alánsy» QB jáne «Ádil sóz» sóz bostandyǵyn qorǵaý halyqaralyq qory aıqyndyq pen ashyqtyq saıasatyna, sondaı-aq azamattardyń saıası jáne qoǵamdyq ómirge belsendi túrde atsalysýyna oń yqpal ete otyryp, jýrnalısıka men sóz bostandyǵyn damytýdy qoldaıdy.
Talqylaý qorytyndysy boıynsha is-shara qatysýshylary kelesi usynymdardy ázirledi:
1. Medıadaǵy faktchekıng – jarıalanatyn aqparattyń durystyǵyn qamtamasyz etýdiń mańyzdy quraly. Osyǵan baılanysty medıa uıymdarda faktchekıng bólimderin qurý jáne ony barynsha damytý, sondaı-aq faktilerdi tekserýde ozyq tehnologıalardy paıdalaný mańyzdy.
2. Jýrnalıser men redaktorlar joǵary etıkalyq standarttardy ustanyp, qoǵamǵa zıanyn tıgizýi múmkin sensasıa qýýdan aýlaq bolýy kerek.
3. Jýrnalıser men medıa salasynyń basqa da mamandarynyń faktchekıng, medıaetıka, daýly taqyryptardaǵy jýrnalısıka boıynsha arnaıy kásibı trenıńterden ótýi jáne únemi biliktilikti arttyrýy asa mańyzdy
4. «Qazaqstan Medıa Alánsy» QB jáne «Ádil sóz» sóz bostandyǵyn qorǵaý halyqaralyq qory faktchekıng jáne jýrnalısik etıka daǵdylaryn jetildirýge baǵyttalǵan qosymsha bilim berý baǵdarlamalary men kásiptik kýrstardy ázirleýdi jáne engizýdi qoldaıdy.
5. Tehnologıalardyń qarqyndy damýyna baılanysty etıkalyq standarttardy sıfrlyq orta men áleýmettik medıaǵa beıimdeý qajettiligi týyndady. Osyǵan baılanysty jasandy ıntellekt qoldanysynyń keń taralýyn eskere otyryp, medıaetıka máselesin talqylaýdy jalǵastyrý asa mańyzdy.
6. Qoǵamdyq ınstıtýttar jáne azamattardyń pikiri men olardyń keri baılanysyn eskere otyryp, medıa salasyndaǵy uıymdar, baspasóz qyzmetteri qoǵamdyq ınstıtýttar jáne azamattarmen tıimdi ózara árekettestik ornatýy asa mańyzdy.
7. Qazaqstandyq medıa sala ókilderi arasyndaǵy daýly jaǵdaılar BAQ ımıjine teris áser etetini sózsiz. Osyǵan baılanysty «Qazaqstan Medıa Alánsy» QB alańynda medıasıa mehanızmderiniń yqtımal tetikteri qaraldy.