Asqar Mamınniń kabıneti tolyq jasaqtalyp boldy. Búgin Úkimet úıinde jańa Premer-Mınıstr Asqar Mamın Úkimettiń jańa quramdaǵy alǵashqy uıymdastyrý otyrysyn ótkizip, «bizdiń quram aıqyn nátıjelerge baǵdar alǵan naqty ister Úkimetine aınalýy tıis», -dedi. Bul týraly Premer-Mınıstrdiń saıtynda jazyldy.

Mamın Úkimettiń jańa quramy Memleket basshysynyń joǵary senimin aqtaýy kerektigin aıryqsha aıtty. Prezıdent Úkimet aldyna halyqtyń tabysy men turmys deńgeıin arttyrý, ekonomıkany odan ári ártaraptandyrý, tıimdi jańa jumys oryndaryn qurý, shaǵyn jáne orta bıznesti damytý boıynsha birinshi kezektegi mindetterdi qoıyp otyrǵany belgili. «Halyqtyń turmys sapasyn jaqsartýǵa yqpal etetin naqty nátıjeler alýymyz kerek», — dedi Premer-Mınıstr. Erteń «Nur Otan» partıasynyń sezinde Úkimetke biraz mindet júkteleri sózsiz.   

Otyrys sońynda «Qazaqstan Respýblıkasynyń Úkimeti týraly» Konstıtýsıalyq zańdy oryndaý úshin Úkimet quramyna alǵash kirgenderdiń: bilim jáne ǵylym mınıstri K. Shámshıdınovanyń, ındýstrıa jáne ınfraqurylymdyq damý mınıstri R. Sklárdyń, ulttyq ekonomıka mınıstri R. Dálenovtyń ant berý rásimi ótti.

Mamın úkimetine júkteler jaýapkershilik óte zor. Ekonomıkalyq ósimdi turaqty ustaý, shaǵyn jáne orta kásipkerlikti damytý men kóleńkeli ekonomıkamen kúres, sıfrlandyrýdy arttyrý men aýyl sharýashylyǵy salasyn damytý bolsa, bolmasyn negizgi mindetter. Eń bastysy - sońǵy jyldary qoǵamda qordalanǵan máselelerdi jedel sheshý kerek. Ásirese, áleýmettik salada dúmpý týǵyzǵan jáne týǵyzýy múmkin problemalardy dereý rettep, áleýmettik saıasatqa zamanǵa saı ózgerister engizýi tıis.   

Sonymen, Memleket basshysynyń Jarlyqtarymen bekitilgen kezekti Úkimet quramynyń tizimi mynadaı boldy:

Qazaqstan Respýblıkasynyń Premer-Mınıstri —  Asqar Uzaqbaıuly Mamın;

Premer-Mınıstrdiń Birinshi orynbasary – qarjy mınıstri — Álıhan Asqanuly Smaıylov;

Premer-Mınıstrdiń orynbasary — Gúlshara Naýshaqyzy Ábdiqalyqova;

Premer-Mınıstrdiń orynbasary — Jeńis Mahmuduly Qasymbek;

Bilim jáne ǵylym mınıstri — Kúlásh Noǵataıqyzy Shámshıdınova;

Ulttyq ekonomıka mınıstri — Rýslan Erbolatuly Dálenov;

Indýstrıa jáne ınfraqurylymdyq damý mınıstri — Roman Vasılevıch Sklár;

Aýyl sharýashylyǵy mınıstri — Saparhan Kesikbaıuly Omarov;

Syrtqy ister mınıstri — Beıbit Bákiruly Atamqulov;

Qorǵanys mınıstri — Nurlan Baıuzaquly Ermekbaev;

İshki ister mınıstri — Erlan Zamanbekuly Turǵymbaev;

Aqparat jáne qoǵamdyq damý mınıstri —  Dáýren Áskerbekuly Abaevtyń kandıdatýras

Ádilet mınıstri — Marat Bakytjanuly Beketaev;

Energetıka mınıstri — Qanat Aldabergenuly Bozymbaev;

Densaýlyq saqtaý mınıstri — Eljan Amantaıuly Birtanov;

Mádenıet jáne sport mınıstri — Arystanbek Muhamedıuly;

Eńbek jáne halyqty áleýmettik qorǵaý mınıstri — Berdibek Mashbekuly Saparbaev;

Sıfrlyq damý, qorǵanys jáne aeroǵarysh ónerkásibi mınıstrligi— Asqar Qýanyshuly Jumaǵalıev;

Qazaqstan Respýblıkasy Ulttyq Bankiniń Tóraǵasy— Erbolat Asqarbekuly Dosaev;  

Aqtóbe oblysynyń ákimi— Ońdasyn Seıiluly Orazalın.

Foto: primeminister.kz