Londonda ótken «IV Golden Time Talent» atty festıvalinde qazaqstandyq ónerpazdar top jardy, dep habarlaıdy Ulys.
Atalmysh festıválge álemniń 71 elinen ónerpazdar bolyp, 29 memleketten qazylar alqasy boldy. «IV Golden Time Talent» baıqaýynda Gúlimaı Talap fortepıanodan júldeli 3-oryn, al dombyra tartý ónerinen qazaqstandyq jas órender Nurbaqyt Talap pen Dinmýhammed Talap júldeli 1-oryndy ózara bólisip, elimizdiń kók baıraǵyn kókke jelbiretti.
Dinmýhammed pen Nurbaqyt jáne Gúlim bir úıdiń balalary. Daryndy balalar Astanada dúnıege kelgen. Olar kishkentaıynan bilimge zerek, ónerli, bilim ozaty. Oǵan qosa, barlyq mektepshilik sharalarda belsendilik tanytyp júredi. Máselen, Dinmýhammed 2020 jyly Bilimqumar balalarǵa arnalǵan respýblıkalyq «Úrker» zıatkerlik marafonynyń sertıfıkat ıegeri. «Baldaýren» respýblıkalyq balalar men jasóspirimder saıty uıymdastyrǵan 1-11 synyp oqýshylary arasynda ótken olımpıadadan matematıka páni boıynsha İ oryn alǵan. Uly Abaıdyń týǵanyna 175 jyl tolýyna arnalǵan «Týǵan elimniń kóktemi» atty respýblıkalyq qashyqtyq konkýrsynyń jeńimpazy retinde İ oryndy qanjyǵasyna baılaǵan.
Nurbaqyttyń da jetistikteri jeterlik. 2019 jyly Halyqaralyq PONI (Znaıka) saıysynyń jeńimpazy. «Qar karnavaly» respýblıkalyq ınternet baıqaýynyń İİ dárejeli dıplomymen marapattalǵan. 2020 jyly «Chelovek ı prıroda» Halyqaralyq oıyn baıqaýynyń júldeli İİİ orynǵa ıe bolǵany úshin dıplommen marapattaldy. 2022 jyly Ǵajaıyp juldyzdar Respýblıkalyq baıqaýynyń dombyra aspaby boıynsha júldeli İİ orynǵa ıe boldy. «Terbesin beıbit el aspanyn, Elimniń ónerli jastary!» atty İİ Respýblıkalyq onlaın óner jáne shyǵarmashylyq baıqaýyna dombyradan qatysyp, júldeli İİİ orynǵa ıe boldy. «Orken Star-2022» halyqaralyq baıqaýnyń İİİ oryn ıgeri. Jalpy aıta berse jas daryndardyń jetistikteri jeterlik.
«IV Golden Time Talent» baıqaýynda taǵy da top jarǵan Talap Gúlimaı fortepıanodan júldeli 3-oryn alǵan.
Gúlimaı halyqaralyq óner jáne bilim akademıasy uıymdastyrǵan «Jańa jyldyq sulýlyq» atty İ Halyqaralyq mýzykalyq aspapta oınaý baıqaýyna qatysyp, İ orynǵa taban tiredi. «Táýelsizdik – meniń elimniń erlik joly» atty respýblıkalyq shyǵarmashylyq baıqaýynyń «Ádebı shyǵarmashylyq» nomınasıasy boıynsha İ oryn jeńimpazy. Ol respýblıkalyq onlaın olımpıada men konkýrstar saıtynyń aǵylshyn tili páninen uıymdastyrǵan onlaın olımpıadaǵa qatysyp, İ dárejeli dıplomymen marapattaldy. Qazaq tili páninen oqýshylar arasynda ótkizgen olımpıadasyna belsendi qatysyp, joǵary nátıje kórsetkeni úshin dıplommen marapataldy. «Baldáýren» respýblıkalyq balalar men jasóspirimder saıty uıymdastyrǵan 1-11 synyp oqýshylary arasynda ótken olımpıadadan qazaq tili men matematıka pánderi boıynsha İ oryn ıegeri atandy. 2021-2022 jyldyń qorytyndysymen «HİH ǵasyr kóshbasshysy» medalimen marapataldy.
Aıta ketsek, Golden Time Talent - halyqaralyq talanttar festıvali. Festıvaldiń basty maqsaty - erekshe talanttardy tabý jáne olarǵa ózderin kórsetýge múmkindik berý. Latvıa, Lıtva, Ýkraına, Grýzıa, Polsha, Bolgarıa, Armenıa, Reseı, Ózbekstan, Qazaqstan jáne basqa da kóptegen elder qatysatyn atalmysh festıvál vokalıstter men mýzykant, bıshiler men akterlar jáne sýretshiler arasynda ótedi.