Qazaqstanda agroónerkásiptik keshen salasyndaǵy eń aýqymdy kórme ótip jatyr. 18 shilde kúni Qazaqstannyń AÓK-degi eń aýqymdy jáne kópten kútken is-sharalardyń biri - «Jańa Dala / Green Day 2024» mamandandyrylǵan halyqaralyq kórmesi-demonstrasıasy bastalady. Dástúrli «Dala kúni» formatynda ótip jatqan kórme is-sharasynda týrızm jáne sport baǵyttary da tys qalmady. İs-sharanyń resmı bólimine Qazaqstan Respýblıkasy Týrızm jáne sport mınıstri Ermek Marjyqpaev qatysty.
Dala mádenıeti kóshpendiler dástúriniń negizi ekenin biledi. Osyndaı messedjdi 5-shi Dúnıejúzilik kóshpendiler oıyndary da qoldady. Óz kezeginde, oıyndarǵa jaýapty Dıreksıa «Jańa Dala / Green Day 2024» aıasynda agroforýmda ekspozısıalyq kórme uıymdastyrdy. Uıymdastyrýshylardyń arnaıy shaqyrtýymen Naıl Nýrov basshylyq etetin 5-shi Dúnıejúzilik kóshpendiler oıyndaryn daıyndaý jáne ótkizý jónindegi Dıreksıa mamandary eki kúndik forýmda agroónerkásip kesheni mamandaryn Oıyndarmen tanystyryp, jyldyń mańyzdy básekesinde birge bolýǵa shaqyrdy.
İs-shara Aqmola oblysynyń Aqkól aýdanynda, Eńbek aýylynda, óńirdiń eń tehnologıalyq jabdyqtalǵan sharýashylyqtarynyń biri – «Eńbek» JSHS demonstrasıalyq alańdarynda ótedi.
Aıta keterligi, alqap kúni formatyndaǵy dástúrli agroforým 2013 jyldan beri ótkizilip keledi. Respýblıkadaǵy qazirgi zamanǵy aýyl sharýashylyǵy tehnologıalarynyń, joǵary ónimdi tehnıkanyń, sondaı-aq agrarlyq óndiris pen agrotýrızm salasyndaǵy ınovasıalyq ázirlemelerdiń eń iri demonstrasıalyq alańy bolyp tabylady.
Eske sala keteıik, 8-13 qyrkúıekte Astana qalasynda etnıkalyq sport túrlerinen ótkiziletin halyqaralyq sport jarystary – 5-shi Dúnıejúzilik kóshpendiler oıyndary ótedi. İs-sharaǵa 89 elden 2000-nan astam qatysýshy qatysady dep josparlanýdaAstanadda ótetin Dúnıejúzilik kóshpendiler oıyndarynda barlyǵy 21 sport túrinen 97 medal jıyntyǵy sarapqa salynady.