Valúta baǵamy
  • USD -

    451.7
  • EUR -

    488
  • RUB -

    5.07
KASPII QUBYR JELİSİNİŃ QAZAQSTANDA BALAMASY JOQ - SARAPSHY
23 naýryz 2022
KASPII QUBYR JELİSİNİŃ QAZAQSTANDA BALAMASY JOQ - SARAPSHY

Kaspıı qubyr konsorsıýmynyń júıesine zaqym kelýine baılanysty Qazaqstan úkimeti munaı eksporty kólemin balamaly baǵyttar boıynsha ulǵaıtý múmkindikterin pysyqtap jatyr.

Qazaqstan munaıynyń 80 paıyzǵa jýyǵy eksporttalatyn Kaspıı qubyr konsorsıýmynyń qubyr júıesinde aqaý bolyp, búginnen bastap Kaspıı qubyr jelisi arqyly munaı tasymaldaý tolyq toqtatyldy.

Bul aqparatty reseılik TASS agenttigi taratty.

Reseılik BAQ-tyń jáne QR Energetıka mınıstrliginiń málimeti boıynsha, Novorossıısk aýmaǵynda qatty daýyl bolyp, bul Kaspıı qubyr konsorsıýmy termınaly jumysyna áser etken.

22 naýryzdaǵy kezekten tys tekserý barysynda arnaıy úshinshi jabdyqtyń tiregi ornynan jyljyp ketken, sondaı-aq arnaıy ekinshi jabdyqtyń júıesine zaqym kelgeni belgili boldy. Osyǵan baılanysty Kaspıı qubyr jelisin tıisti jóndeý júrgizý úshin atalǵan jabdyqtardyń jumysyn ýaqytsha toqtata turý týraly sheshim qabyldaǵan.

Reseıdiń energetıka mınıstri orynbasary Pavel Sorokınniń sózine qaraǵanda jaǵdaı óte kúrdeli.
Konsorsıýmnyń jyljymaly aılaq qurylǵylary munaıdy tankerlerge jóneltý úshin paıdalanylady. Zaqymdalǵan jerdi jóndeýge qajetti qurylǵylar tek batys elderinen ákelinendi. Olarǵa sanksıa salynǵan.

Bul oqıǵaǵa qatysty QR Energetıka mınıstrligi: «Qazirgi ýaqytta Energetıka mınıstrligi Kaspıı qubyr konsorsıýmymen teńiz termınalynyń jumysyn qalpyna keltirý merzimderi boıynsha konsýltasıalar ótkizip jatyr. Bul rette munaı eksportyn balamaly baǵyttar boıynsha ulǵaıtý múmkindikteri pysyqtalyp jatyr», - dedi.

Alaıda sarapshylar Qazaqstanda Kaspıı qubyr jelisine balama baǵyt joq deıdi.

 «Kaspıı qubyr konsorsıýmy sıaqty munaı tasymaldaýdyń balama baǵyty joq jáne bul turaqty joldardyń biri bolyp keldi. Bul qubyr arqyly Teńiz, Qashaǵan, Qarashyǵanaqtaǵy munaıdy óndirip otyrǵan sheteldik kompanıalarǵa tıesili  ónimder jóneltiledi. Jáne osy kompanıalar Kaspıı qubyr konsorsıýmynyń negizgi aksıonerleri bolyp tabylady. Ortaq múddeler máseleni jyldam sheshýge  tyrysady», - deıdi munaı-gaz salasynyń sarapshysy Oljas Baıdıldınov Ulys-qa bergen málimetinde.

Onyń aıtýynsha, qazirgi kezde bul másele boıynsha dúrbeleńge salynbaǵan durys.

«Men bul máselege baıyppen qarap otyrmyn. Áli aqparat az. Aqaýdy joıý úshin ýaqyt qajet. Ázirge aýa raıy jaǵdaıy tolyq qarap, baǵalaýǵa múmkindik bermeı otyr. Jyldam basqa baǵytqa beıimdelý qıyndaý. Sondyqtan buǵan jan-jaqty baǵa berý úshin ýaqyt qajet», - deıdi «Baıdıldınov. Neft» avtorlyq baǵdarlamasynyń júrgizýshisi Oljas.

Aıta ketsek, Kaspıı qubyr konsorsıýmy – iri halyqaralyq munaıjúrgizý júıesi, ol Qazaqstan batysynan (negizinen Teńiz, Qarashyǵanaq jáne Qashaǵan ken oryndarynan) Qara teńizdegi Novorossıısk (Reseı) portyna jaqyn ornalasqan termınaldarǵa munaıdy jetkizý úshin soǵylǵan.   

Munaı tasymaldaýy 2001 jyly bastalǵan, uzyndyǵy 1500 km. qubyr júıesi jańa qubyr segmentterinen, jańa teńiz termınaldarynan jáne jańartylǵan qubyrdan turady. Keńeıtý jobasyna deıin jobalyq qýaty jylyna 28.2 mıllıon tonna munaı bolatyn. 2017 jyly keńeıtý jobasy aıaqtalǵannan soń, qubyr júıesiniń ótkizý qabileti jylyna 67 mıllıon tonna munaıǵa deıin  ósti.
Avtory: Saıagúl Jarylqasyn

RELATED NEWS
TÚRKİNİ TUTASTYRǴAN «TÁRJİMAN»
02 jeltoqsan 2018
TÚRKİNİ TUTASTYRǴAN «TÁRJİMAN»

Taǵdyry men tarıhy uqsas, túbi bir túrki halyqtarynyń tutasý prosesinde til men din erekshe ról atqarady desek, bul turǵyda zıaly qaýym ókilderiniń eńbekteri ólsheýsiz. Basqaǵa qaraǵanda, ulttyq sanasy erterek oıanǵan tatar halqy qazaq, ózbek, qyrǵyz, túrkimen, t.b. ulttarǵa úlgi-ónege kórsetti. Qazan, Qyrym jerleriniń túlekteri búkil túrki halyqtarynyń saıası-áleýmettik, azattyq úshin kúresteriniń aldyńǵy qatarynan kórindi. Bul rýhanıat salasynda da óz izin qaldyrdy.

Reseı musylmandary zıalylaryna aıryqsha áser etken, oı-sanasyna tyń kózqaras qalyptastyrǵan kórnekti ǵalym, qoǵam qaıratkeri Ismaıl Gasprınskıı boldy.

Alash kósemi Álıhan Bókeıhan óziniń jazbasynda Qyrym tatary Ismaıl Gasprınskıı týraly bylaı dep jazady: «Ismaıyl myrza Mustafa oǵly Qyrymda 1851-inshi jyly «Ǵaspra» degen aýylda týǵan. «Ǵasprınskı» degen famılıa sodan qalǵan. Ata-anasy burynǵy Qyrym handary násilinen kelgen hanzada balalary bolǵan. Ismaıyl myrza alǵashqy oqýyn aýyl mektebinde oqyp, onan keıin Máskeý gımnazıasyna baryp túsken».

Ismaıl Gasprınskıı 1883 jyly 10 sáýirden bastap «Tilde, pikirde, iste – birlik» degen uranmen – «Tárjiman» gazetin shyǵardy. Gazet Reseıdiń túkpir-túkpirine taratylyp qana qoımaı, Shyǵys elderi men Orta Azıanyń musylmandar qaýymynyń da qolyna tıdi. Bolashaǵyn baǵdarlaı bilgen kóregen saıasatkerdiń gazetiniń atyn «Tárjiman» qoıýy da tegin emes. Gasprınskıı orys memleketiniń túrli qıyndyqtar týǵyzatynyn biletin. Gazettiń alǵashqy sanynda maqsatynyń orys basylymyn kemshiliksiz jáne qateliksiz aýdarý ekenin aıtýy jaýapty adamdardy aldaý úshin qoldanǵan aılaly qadamy bolatyn.

Baspa úıin ashý, qaǵaz ben sıa satyp alý, maqala jazý, gazetti basý bir basyna júkteledi. Ol týraly Á.Bókeıhan: «Ismaıyl myrza «Tárjiman»-dy ózi jazǵan, baspahanada haripti ózi tizgen, máshınáda ózi basqan, gazetany ózi búktegen, shahardaǵy alýshylarǵa ózi úlestirgen. Sóıtip beınettenip júrip «Tárjiman»-nyń bir jaǵyn oryssha, bir jaǵyn túrikshe toltyryp, jeti saıyn shyǵaryp, taratyp turǵan», – dep onyń gazetti ońaıshylyqpen shyǵarmaǵanyn, gazet shyǵarý úshin qansha beınettengenin atap ótse, ǵalym Dıhan Qamzabekuly «Túrkistan alqasy» eńbeginde bylaı deıdi: «Patsha ókimeti tarapynan jańa kózqaras qatań baqylaýǵa alynyp otyrǵan shaqta jalǵyz qaıratkerdiń osynshama batyl isterdi úzbeı júrgizýi úshin táýekelshildik qana emes, tereń bilim, syndarly oı, kórkem sabyr, aq-adal júrek qajet bolsa, ol qasıetti qudaı I.Gasprınskııge darytqan edi».

  «Tárjiman» bastapqyda aptasyna bir ret shyqsa, keıinnen kún saıyn shyǵa bastaıdy. Kishigirim kólemmen jáne azdaǵan danamen jaryq kórgenimen, osy kishigirim qaǵazdyń el ishine júrgizgen yqpaly zor edi. Gazet shyǵa bastaǵan kezde kópshilikti qyzyqtyratyn, ózekti máselelerdi tereń taldap, halyqqa jarıalaıdy. Aqıqatty bultartpasyz jazatyn jáne halyqty oılanýǵa shaqyratyn gazet úkimet jaýaptylaryna unaı qoımady. Baspa úıi men basýshyny tekserýler, jazalaý, tintýler sırek bolǵan joq. Biraq, bular Ismaıl myrzany toqtata alǵan joq, qaıta jigerin janyp, kúshine kúsh qosty.

  «Tárjiman» gazeti Reseı musylmandarynyń ǵana emes, búkil shyǵys elderine tanymal bedeldi basylym boldy. Ol sol tustaǵy búkil túrki halyqtarynyń basyn quraǵan ortalyqtyń rólin atqardy. Bul basylymnyń quryltaıshysy ári redaktory – Ismaıl beı túrki jurtynyń tutastyǵyna jol bastap, onyń til, din, birligindegi aıqyndamasyn jasady.

Al, tutasý, birigý arqyly azattyqqa aparatyn bul dańǵyl joldy túrkilik túlekter jappaı qýattady. Olar ult múddesi turǵysynan oı órbitip, Reseı quzyryndaǵy musylman halyqtaryna qatysty ortaq máselelerdiń sheshimin kún tártibine qoıdy. Ulttyq zıalylar mádenı-aǵartý oryndaryn kóbeıtý, baspasóz isin damytý, halyqtyń ekonomıkalyq jaǵdaıyn jaqsartý sıaqty ózekti máselelerdi kóterip, til, din bostandyǵyn talap etti.

Ismaıl Gasprınskıı til týraly túsinikteri turaqty túrde «Tárjiman» gazetinde basylyp turdy. «Túrik tiliniń ereksheligi» (1888), «Memlekettik til týraly» (1891), «Túrik tili týraly» (1892), «Álipbı tarıhynan» (1893), «Daýystap oqý ádisi týraly» (1899), «Til, til jáne til» (1905), «Túrik tili jáne qoǵamǵa úlesi» (1907), «Durys jazý týraly» (1913) sıaqty kóptegen maqalalar jarıalady.

Onyń maqalalarynda alǵa tartqan pikirleri arada bir ǵasyr ýaqyt ótse de bul tilderdiń saıası jáne áleýmettik damý tarıhtarynyń taǵdyrlas bolýy jáne keri ketýiniń uqsaýyna baılanysty kóptegen máseleni aıqyndaı alady. Bul maqalalardaǵy oı-tujyrymdar túıininiń búgingi memlekettik mártebege qoly jetken qazaq, ózbek, qyrǵyz, túrikmen, tatar tilderi aldynda turǵan kúrdeli mindettermen ushtasyp jatýy kim-kimdi de oılandyrýy tıis, óıtkeni arada bir ǵasyrlyq ýaqyt keńistigi jatsa da, bul tilderdiń saıası-áleýmettik damý tarıhy taǵdyrlas, toqyraýy men qojyraýy uqsas bolyp kelýi kóp jaıdy ańǵartsa kerek.

Gazet kótergen ózekti taqyryptar túrki halyqtarynyń taǵdyr-taýqymeti, olardyń tili, dini, dili, ádet-ǵurpy, jer-sýy, ótken tarıhy men aýyz ádebıeti úlgileriniń nusqalary, sheshendik óneri men aqyn-jyraýlary, eldik salty men dana ǵulamalary, handar men batyrlary, taǵy basqa mańyzdy máselelerdi qozǵady. Baspasóz betinde áıel adamnyń bilim berý isine aralasýy syndy ol kezdegi sırek kezdesetin jaǵdaılar basylyp otyrdy. Bul máselelerdiń kópshiligi qazirdiń ózinde mańyzyn joǵaltpaǵan jáne ózekti taqyryptar edi. Kedergi qoıylǵanyna qaramastan «Tárjiman» qazaq halqynyń mádenıeti men tarıhymen de aınalysty.

«Tárjimanda» qazaq halqynyń mádenıeti men tarıhyna, ekonomıkasyna qatysty kóptegen materıaldar jarıalandy. «Qazaqtar», «Torǵaı hám Oral oblystaryndaǵy qazaqtardyń jaǵdaıy», «Orys qonystanýshylary men jergilikti qazaqtardyń quqy», «Qazaqtar jáne otarlaý saıasaty», «Tutas halyqtyń qyrǵyny», «Túrkistandy orystardyń basqarýy», «Orys qonystanýshylary qazaqtardy shuraıly jerlerinen yǵystyrýda», «Túrkistannyń jańa tarıhy», t.b. maqalalary Gasprınskııdiń qazaq halqynyń taǵdyryna baýyrlastyq janashyrlyqpen qaraǵanyn tanytady.

Ismaıl Gasprınskıı – aqyldy, bilimdi, jan dúnıesinde búkpesi joq taza adam bolǵan. Ol barlyq dáýirlerdiń basty máselelerin qolǵa ustatqandaı ashyq túsindire alatyn naǵyz saıasatker, búkpeleýdi bilmeıtin, kórip turǵan bolashaqtan qandaı qıyndyqtar kezdesse de taısalmaıtyn bahadúr jan edi.

I.Gasprınskııdiń taǵy bir ereksheligi – onyń birneshe tildi meńgergendigi. Barlyq túrik tilderimen qatar orys jáne fransýz tilin de jetik biletin. Birneshe tilden aýdaryp «Tárjimanda» jarıalaǵan birqatar habarlary arqyly bulaı jasaı almaǵan baýyrlaryna kóp kómek tıgizdi.

Onyń búkil túrkige túsinikti ortaq tilde «Tárjiman» gazetin shyǵarýy, sóıtip, osy negizde, túp, til, din birligine jol ashýy – rýhanı turǵydaǵy alǵashqy qadam edi. Bul jóninde ǵalym R.Berdibaı bylaı deıdi: «Otarshyldyqtyń zulmatyna dýshar bolǵan túrik halyqtarynyń ortaq muńyn sóılegen Ismaıl Gasprınskıı (1851-1914) shyǵarmalary ulttyq sananyń oıanýyna kúshti yqpal jasady... Túrik halyqtarynyń ózara aıyrmashylyqtarynan góri olardyń jaqyndyqtaryn nasıhattaýdy, rýhanı birlestikti kúsheıtýdi udaıy maqsat etip ustaný «Tárjimannyń» negizgi baǵyty bolǵan».

Ol óte myqty sóz sheberi bolatyn, onyń jetekshiligimen gazettiń qarapaıym, qysqa da nusqa ári aıqyn stıli qalyptasty. Ol osy til arqyly búkil musylman álemin biriktirgisi keldi. Qazan tóńkerisine deıin «Tárjiman» sekildi uzaq merzim, ıaǵnı 35 jyl boıy basylǵan basqa túrik-musylman gazeti joq. Gazet bul jyldary túrik jurtyna qyzmet etip, 1918 jyly 23 aqpanda jabyldy.

 

 

Oljas SÚLEIMENOV, túrkitanýshy

TikTok-qa 14,1 mln qazaqstandyq tirkelgen - depýtattar oǵan shekteý qoıýdy usyndy
22 sáýir 2024
TikTok-qa 14,1 mln qazaqstandyq tirkelgen - depýtattar oǵan shekteý qoıýdy usyndy

Búginde adamzat balasynyń turmys-tirshiligin ınternet quraldarynsyz elestetý múmkin emes. Onyń ishinde áleýmettik jeliler qoǵam ómirine dendep endi. Mysaly, elimiz boıynsha Instagram-ǵa – 12,1 mln, Facebook-qa – 2,6 mln., al nebári eki jyldyń ishinde TikTok-qa – 14,1 mln., azamat tirkelgen. Olar árbir jannyń ajyramas bóligine aınaldy. Bul – búgingi ómir shyndyǵy! Dese de, taıaqtyń eki ushy bolatyny sekildi, olardyń paıdaly jaqtarymen qatar, zıany da jetkilikti. Áleýmettik jelige besikten beli shyqpaǵan balalar men áli oń-solyn tanyp úlgirmegen jasóspirimderimizdiń úıir bolýy ata-analardy qatty alańdatady. Bul týraly Májilistiń jalpy otyrysynda depýtat Erlan Saırov málim etti.

Ol Úkimet basshysy Oljas Bektenovtiń atyna joldaǵan depýtattyq saýalynda shekteýsiz taratylymdaǵy áleýmettik jeliler paıdaly bilim alyp, únemi qozǵalysta bolýy tıis balalardyń altyn ýaqytyn urlaǵanymen qoımaı, olardyń densaýlyǵyna, psıhıkasyna da teris áser etýde. Ásirese, balalar arasynda keń tanymaldylyqqa ıe TikTok-tyń jastarymyzǵa rýhanı zıany artyp kele jatqanyn aıtqan.

«Ókinishke qaraı, búgingi jastar ata-baba tálimimen emes, negizinen «tık-tok» arqyly tárbıelenip jatyr. Onda paıdaly kontentpen qatar, balany jaǵymsyz ádetter men teris qylyqtarǵa bastaıtyn beınematerıaldar da jetkilikti. Túrli oıyndardy jarnamalaý, onlaın kazıno, strımder arqyly ádepsiz áreketter kórsetý, tipti pornografıa, sýısıdke shaqyrý, bylapyt sózder men beıádep kórinisterge toly rılstar da osy TikTok arqyly taralýda.Olardy balalar tek qarap qana qoımaı, zorlyq-zombylyqtyń qurbany da bolyp, oıynqumarlyq dertine ushyraýda. Bizdermen kóptegen ata-áje, áke-analar kezdesken saıyn osy máseleni jıi kóteretin boldy. Haıp qýyp, prank degen jeleýmen ar-uıattan attaý ádetke aınaldy. Qoǵamda janashyrlyq, meıirim, qamqorlyq, aıanysh, obal men saýapty bilý, qanaǵat pen qaıyrym, iltıpat pen izet ornyna qatygezdik, aıaýsyz ozbyrlyq, aldap, arbaý, ótirik, ósek, maqtanshaqtyq etek alyp barady. Mektep oqýshylary arasynda bir-birine álimjettik jasap, qatygezdik jasaý faktileri de áleýmettik jeliler arqyly keń taralýda», - deıdi depýtat.

          Onyń aıtýynsha jeliniń osyndaı zıandy saldarlaryn eskere otyryp, birqatar álem elderi TikTok-qa shekteý qoıǵan. Mysaly, Úndistan ulttyq qaýipsizdigimizge qater tóndiredi dep, 2020 jyldan bastap TıkTokqa tolyqtaı tyıym saldy. Indonezıa 2018 jyldan bastap ýaqytsha shekteý qoıdy. Baýyrlas Ózbekstan 2021 jyldan bastap Tık-Tokqa tyıym saldy. Qyrǵyz eli de shekteý engizdi.

          Al AQSH Úkimeti TikTok-qa ishinara shekteý engizdi. Eýrodaq elderi de óz sheneýnikteriniń telefondaryna TikTok ornatýǵa tyıym saldy. Al, TikTok-ty oılap tabýshy, ıaǵnı Qytaıdyń ózi de kámelettik jasqa tolmaǵan balalarǵa «arnaıy bala – TikTok» kontentin uıymdastyrǵan. Qytaıdyń ózinde balalar tıktoktyń tolyq formatyn paıdalana almaıdy, naqty shekteý qarastyrylǵan.

«Jalpy, memlekettiń bolashaǵy bizdiń jetkinshek urpaqtyń rýhanı, moraldyq bet-beınesine baılanysty. Sondyqtan bolashaq urpaqty ulttyq qundylyqtar negizinde tárbıelep, syrttan kelgen moraldyq qaýip-qaterge tótep berip, ulttyq kodymyzdy saqtaýdyń tetigin qoǵam memleket bolyp birge qalyptastyrý kerek. Bul – bizdiń bolashaq urpaqty rýhanı quldyraýdan saqtap, ultymyzdy jańa deńgeıde qalyptastyratyn Uly kúres! Sondyqtan atalǵan áleýmettik jeliniń ulttyq qaýipsizdigimizge, jastarymyzdyń moraldyq bet-beınesine, densaýlyǵy men psıhıkasyna tóndiretin qaýpin eskere otyryp, el Úkimeti kelesi sharalardy qolǵa alýdy qajet:

1. Jýyrda qabyldanǵan onlaın platformalar zańyna sáıkes TıkToktaǵy adamzattyń moraldyq jáne taǵy basqa qundylyqtaryna qarsy keletin, ıaǵnı zańǵa qaıshy barlyq kontentterge shekteý qoıý.

 2. Balalardyń sanasyn ýlaıtyn, túrli teris aǵymdarǵa eliktirip áketetin, olardyń sanasynda qoǵam týraly túsinikti durys qalyptastyrmaıtyn kontentterdi buǵaýlaý.

3. TıkTokty kámelettik jasqa tolmaǵan balalar úshin qatań shekteý nemese Qytaı tájirıbesindegideı balalarǵa arnalǵan balama formatyn ǵana qoldanýdy engizý», - dep tolyqtyrdy E. Saırov.

ARMANY NAZARBAEV JÚIESİN TÚBEGEILİ ÓZGERTÝ EDİ...
16 tamyz 2022
ARMANY NAZARBAEV JÚIESİN TÚBEGEILİ ÓZGERTÝ EDİ...

76 jasqa qaraǵan shaǵynda belgili saıasatker, qazaq opozısıasy serkeleriniń biri, memleket jáne qoǵam qaıratkeri Baltash Tursymbaev júrek talmasynan máńgilikke attandy. 

Baltash Moldabaıuly Omby oblysynyń Kishi Borankól aýylynda dúnıege kelgen. Táýelsizdiktiń alǵashqy jyldarynan bastap memlekettiń qalyptasýyna zor úles qosty. Atap aıtqanda, 1991 jyldan bastap -1999 jylǵa deıin premer-mınıstrdiń orynbasary, aýyl sharýashylyǵy mınıstri, Qostanaı oblysynyń ákimi, qaýipsizdik keńesiniń hatshysy, Syrtqy ister mınıstrliginiń arnaýly tapsyrmalar jónindegi elshisi, sondaı-aq Qazaqstannyń Túrkıadaǵy tótenshe jáne ókiletti elshisi qyzmetterin atqardy.

Ol elshilikte júrgen kezdiń ózinde bılik basyndaǵylardy qatań synap otyrdy. Marqumnyń óziniń sózinshe, burynǵy prezıdent Nursultan Nazaraev 1995 jyly referendým arqyly Ata zańǵa ózine sheksiz múmkindik beretin ózgerister engizgennen bastap onyń áreketteri men qylmystaryn synaı bastaǵan. 

1998 jyly  Nursultan Nazarbaev ony qaıtadan premer-mınıstrdiń orynbasary qyzmetine taǵaıyndap, 1999 jyly qańtarda prezıdent saılaýy ótkennen keıin qyzmetinen bosatady.  

Sodan beri Baltash Tursymbaev  opozısıalyq kúshter qataryna qosylyp, burynǵy Prezıdenti Nursultan Nazarbaevqa, áýletine jáne  jemqorlyq  jaılaǵan júıge qatysty óziniń ótkir pikirlerin ashyq aıtyp, halyqtyń saıası saýatynyń artýyna úles qosty. «Bılik ádil básekeden qorqady,  Bılik óz halqyna senbeıdi» degen ustanymdaryn turaqty túrde bildirip keledi. 

Marqum jer satýǵa qarsy  qurǵan  "El men Jer" qozǵalysyn úsh aı buryn  saıası partıaǵa aınaldyratynyn aıtyp, baǵdarlamasymen de tanystyrǵan bolatyn. Áli de irgeli maqsattary bar edi... 

Prezıdent Qasym-Jomart Toqaev memleket jáne qoǵam qaıratkeri Baltash Tursymbaevtyń otbasy men týystaryna kóńil aıtty.

Qazaq eli búgin aıaýly ulyn sońǵy saparǵa shyǵaryp saldy.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.