Jezqazǵanda munaı bazasy jarylyp, birneshe adam zardap shekti

Oqıǵa

Foto: vıdeodan skrınshot 25 qańtar 2025

Jezqazǵanda munaı bazasy jarylyp, birneshe adam zardap shekti

Jezqazǵan qalasyndaǵy munaı bazasynda órt shyǵyp, arnaıy maqsattaǵy úsh avtokólik órtendi, dep habarlaıdy Ulys QR Tótenshe jaǵdaılar mınıstrligine silteme jasap.

«Órt kezinde gaz-aýa qospasy jarylyp, angar qulap túsken. Órt shyqqannan keıin TJM bólimsheleri oqıǵa ornyna sanaýly mınýtta jetken. Oqıǵa ornynda qurylǵan jedel shtab janǵysh otynǵa toly rezervýardy qorǵaý jáne ony salqyndatý boıynsha shuǵyl sheshim qabyldady. Órt sóndirýshiler avtosısternalardy órt sóndirý gıdranttaryna ornalastyryp, kóbikti qoldaný arqyly 100 sharshy metr aýmaqtaǵy órtti sóndirdi», — dep jazylǵan habarlamada.

Sonymen qatar Ulytaý oblysynyń densaýlyq saqtaý basqarmasynyń málimetinshe, órtten munaı bazasynyń 4 qyzmetkeri aýrýhanaǵa jatqyzylǵan.

rt saldarynan munaı bazasynyń tórt qyzmetkeri jaraqat alyp, aýrýhanaǵa jatqyzyldy. Órttiń shyǵý sebebi anyqtalyp jatyr.

RELATED NEWS

Oqıǵa

26 jeltoqsan 2024

Aqtaý mańynda qulaǵan ushaqty reseılik zymyran zaqymdaǵan - Euronews

Aqtaý mańynda qulaǵan Azerbaijan Airlines áýe kompanıasynyń ushaǵyn reseılik «zemlá-vozdýh» zymyrany atyp túsirgen. Bul týraly Euronews Ázirbaıjan úkimetindegi derekkózge silteme jasap habarlady.

Euronews taratqan habarlamaǵa qaraǵanda, ushaq Groznyıǵa qonbaq bolǵan kezde zymyran ushyrylǵan, sol kezde olar dronnyń shabýylyn toıtaryp jatqan.

Boljam boıynsha, zymyran ushaqtyń janynda jarylyp, onyń synyqtary ushaqty zaqymdaǵan.

Euronews aqparat kózderine silteme jasaı otyryp, ushqyshtardyń apatty jaǵdaıda qoný týraly ótinish bildirgenin málimdedi. Alaıda ushaqtyń zaqymdanǵanyna qaramastan Reseıdiń eshbir áýejaıy qonýǵa ruqsat bermegen.

Eske salsaq, keshe Aqtaý mańynda ushaq qulap, 40-qa jýyq adam kóz jumdy. Onyń ishinde qazaqstandyq 6 adam boldy.

Oqıǵa

11 qazan 2024

Qostanaı oblysynda bir úıdiń 5 balasy órtenip ketti

Qostanaı oblysyndaǵy Jitiqara qalasynda qaıǵyly oqıǵa bolǵan. Úı shatyry opyrylyp qulaǵan kezde onda eresekterdiń qaraýynsyz qalǵan 2011, 2016, 2018, 2019, 2022, 2023 jyly týǵan balalar bolǵan. Ókinishke qaraı, úıindilerdi tazalaý kezinde bes balanyń denesi tabyldy. 2011 jyly týǵan balalardyń úlkeni zardap shekken joq. Bul týraly Ulys TJM silteme jasap habarlaıdy.

«Búgin saǵat 04:29-da Jitiqara qalasyndaǵy jeke sharýa qojalyǵynyń aýmaǵynda órt shyǵyp, saldarynan turǵyn úıdiń shatyry opyrylyp tústi. Qutqarýshylar oqıǵa ornyna 7 mınýt ishinde jetti, úı tolyǵymen órtke orandy. Jalyn saǵat 06:08-de aýyzdyqtalyp, tolyǵymen sóndirildi. Aldyn ala málimet boıynsha, balalardyń anasy keshkisin tanysyna ketken. Kúıeýi túrmede otyr», - dep habarlady oblystyq TJD.

Oqıǵanyń sebepteri anyqtalyp jatyr. Órt-tehnıkalyq zertteý taǵaıyndaldy. Apattar medısınasy ortalyǵy fılıalynyń psıhologtary týystaryna qajetti psıhologıalyq kómek kórsetip jatyr.

Oqıǵa

26 jeltoqsan 2024

Aqtaý mańynda qulaǵan ushaqta bolǵan qazaqtandyqtardyń esimi jarıalandy

Tótenshe jaǵdaılar mınıstrligi Aqtaý qalasy mańyndaǵy áýe apatynan mert bolǵan qazaqstandyqtardyń aty-jónin jarıalady.

Ushaq apaty kezinde mert bolǵan Qazaqstan Respýblıkasynyń azamattary týraly aqparat:

— Tólesinov Sándibek Ekibaıuly, 16.11.1988 jyly týǵan, týǵan jeri: Mańǵystaý oblysy, Jańaózen qalasy;
— Jumaǵulov Baýyrjan Jumabaıuly, 30.09.1985 jyly týǵan, týǵan jeri: Mańǵystaý oblysy, Jańaózen qalasy;
— Mahsýdova Galına Rastambekovna, 12.01.1978 jyly týǵan, týǵan jeri: Mańǵystaý oblysy, Aqtaý qalasy;
— Shaımerdenova Gaýhar Jumaǵatqyzy, 17.07.1975 jyly týǵan, týǵan jeri: Almaty qalasy, Astana qalasynyń turǵyny;
— Jumaǵat Eldar 23.08.2013 jyly týǵan, Astana qalasynyń turǵyny;
— Djýtaeva Salıma Amanjolqyzy, 21.02.1995 jyly týǵan, týǵan jeri: Qostanaı oblysynyń týmasy, turǵan jeri Qaraǵandy qalasy.

Eske salsaq, Bakýden Reseıdiń Groznyı qalasyna baǵyt alǵan áýe kemesi Qazaqstan aýmaǵynda apatqa ushyrady.

Jańalyqtar

04 aqpan 2025