Valúta baǵamy
  • USD -

    505.9
  • EUR -

    525
  • RUB -

    5.51
Jetisýda  Prezıdentiniń balalarǵa arnalǵan shyrsha merekesi ótti
Foto: Jetisý obl ákimdigi 24 jeltoqsan 2024
Jetisýda Prezıdentiniń balalarǵa arnalǵan shyrsha merekesi ótti

Búgin Taldyqorǵanda el Prezıdentiniń balalarǵa arnalǵan «Qosh keldiń, Jańa jyl!» atty Jańa jyl shyrshasy ótip, onda aýdan-qalalardan kelgen 200 balany oblys ákimi Beıbit Isabaev quttyqtady, dep habarlaıdy Jetisý oblysy ákiminiń baspasóz qyzmeti.

«Jastar» Sport saraıynda ótken merekelik sharaǵa kóp balaly, az qamtylǵan, tolyq emes otbasylarynan shyqqan balalar, jetim balalar, erekshe qajettiligi bar balalar, oqý ozattary, ónerli órender keldi.

Merekelik shara fleshmob bıimen bastaldy. Munan soń ekranda el Prezıdentiniń fotosy men balalardy Jańa jylmen quttyqtaýy kórsetildi.

Balalarǵa quttyqtaý tilegin jetkizgen oblys ákimi:

- Jańa jyl kóńilge qýanysh, júrekke úmit syılaıtyn, ıgi arman-tilekter eselenetin mereke. Sondyqtan árqashan armandaryń asqaq, alar asýlaryń bıik bolsyn degim keledi. Memleket basshysy Qasym-Jomart  Kemeluly Toqaev  ózderińdi ystyq yqylaspen quttyqtap, jaqsy tilegin bildirýde. Men óz zamandastarynyń ishinde mol bilimimen, jarqyn ónerimen alda júretin jetisýlyq búldirshinderdiń bolashaqta el ıgiligi úshin aıanbaı qyzmet etetin azamat bolyp ósetindigine senimim mol, - dedi ol.

Budan ári shyrsha shamy jaǵylyp, oblys ákimi balalarmen birge shyrshany aınalyp, qýanyshtaryn bólisti. Balalarǵa Prezıdenttiń atynan Jańa jyldyq syılyqtar, atap aıtqanda planshet, rúkzak, jańa jyldyq táttiler, quttyqtaý hatyn tapsyrdy.

Túrli óner ujymdary, anımatorlar, kolýndar, ertegiler men múltfılmder keıipkerleri merekelik qoıylymdaryn kórsetti. Balalarǵa túrli oıyndar uıymdastyrylyp, tátti dámder usynyldy.

Búgingi merekege kelgen balalar tamasha kóńil kúıde pikir bildirdi.

- Men kóp balaly otbasynan shyqqan oqý ozatymyn. Úıde 8 qyzbyz, bárimiz bir-birimizben tatýmyz. Búgingi Prezıdenttiń jańa jyl merekesi óte kóńildi ótip jatyr. Barsha dostarymdy jańa jyl merekesimen quttyqtaımyn, - dedi Panfılov aýdany Basqunshy aýylyndaǵy mekteptiń oqýshysy Aısha Aljanbek.

«Aınalaıyn» balalar úıiniń tárbıelenýshisi Lúdmıla Kım:

- Búgingi mereke maǵan óte unady. Kópshiliktiń aldyna shyǵyp, tilegimdi aıttym. Bizge Jańa jylǵa planshet syıǵa tartty. Shyrsha toıy bizge kóterińki kóńil kúı syılady, - dedi ol.       

Sáken Ábilmansur, Taldyqorǵan qalasynyń № 16 mektep-gımnazıasynyń 4 synyp oqýshysy:

- Men «Altyn saqa», «Aqbota», «Kengýrý» olımpıadalarynyń jeńimpazymyn. Búgingi merekege qýana-qýana keldim. Aıaz Atamen, Aqshaqarmen, túrli ertegi keıipkerlerimen birge án aıtyp, bılep, oıyn oınap, Jańa jyldy kóterińki kóńil kúımen toıladyq, - dedi.

 

RELATED NEWS
Mańǵystaýdaǵy aýyz sý máselesi: Aýyldarda  shaǵyn zaýyttar salynyp jatyr
27 jeltoqsan 2024
Mańǵystaýdaǵy aýyz sý máselesi: Aýyldarda shaǵyn zaýyttar salynyp jatyr

Mańǵystaý oblysynda aýyzsý máselesi áli de túıindi bolyp qalýda. Ázirese jaz mezgilinde aýyz sý tapshylyǵy turǵyndardy áýrege salyp jatady. Prezıdenttiń tapsyrmasymen atalǵan máseleni kezeń-kezeńmen sheshý jumystary qarqyndy júrgizilýde. Mańǵystaý oblysynda aýyz sý máselesin sheshý baǵytynda 10 joba iske asýda.

 2025 jylǵa deıin jalpy sý tushshytý qýaty qýaty 140,5 myń tekshe metrdi quraıtyn 10 jobany júzege asyrý josparlanǵan. Onyń ishinde: Qarajanbas ken ornynda táýligine 17 myń tekshe metr sý tushshytý zaýyty iske qosyldy. Nátıjesinde «Astrahan - Mańǵystaý» sý qubyrynan bosaǵan 15 myń tekshe metr aýyz sý Jańaózen qalasy, Beıneý, Jetibaı aýyldary turǵyndarynyń ıgiligine paıdalanylýda.

«Kaspıı» sý tushshytý zaýytynyń qýatyn 40 myń tekshe metrge deıin jetkizýdiń 2-shi kezeńi boıynsha jumystar jalǵasýda. Bıyl jyl aıaǵyna deıin bul jumystardy tolyqtaı aıaqtaý kózdelip otyr.

Aqtaý qalasynda jeke ınvestor esebinen qýattylyǵy táýligine 7 000 tekshe metr sý tushshytý zaýytyn salý jumystary júrgizildi. Qazirgi tańda zaýyt táýligine 5 myń tekshe metr aýyz sý berip otyr.

Saıyn Shapaǵatov aýylynda jeke ınvestor tarapynan qýattylyǵy táýlingine 6500 tekshe metr sý tushshytý qondyrǵysy ornatyldy. Búgingi kúni qondyrǵy 4000 mshekshe metr aýyz sý óndirip, Aqshuqyr, Saıyn Shapaǵatov aýyldaryn aýyz sýmen qastamasyz etip otyr.

Qondyrǵynyń qýaty aldaǵy ýaqytta arttyrylatyn bolady.

 «Bıyl Fort-SHevchenko qalasynda táýligine 5 myń tekshe metr, «MAEK» aýmaǵynda 24 myń tekshe metr jáne Kendirli aımaǵynda 50 myń tekshe metr sý tushshytý qondyrǵylaryn salý jumystary bastaldy. Zaýyt qurylysy «Qazmunaıgaz» ulttyq kompanıasynyń qoldaýymen júzege asyrylýda jáne atalǵan jobalardy 2025 jylǵa deıin aıaqtaý úshin barlyq qajetti sharalardy qabyldaıtyn bolamyz»,- dedi jýyrda OKQ ótken baspasóz máslıhatynda Mańǵystaý oblysynyń ákimi Nurdáýlet Qılybaı.

Sý resýrstarynyń balamaly kózderiniń biri – Aqtaý qalasynan 43 shaqyrymda ornalasqan «Quıylys» ken orny. Búginde qubyr tolyǵymen eskirgen. Sondyqtan osy ken ornynyń sýyn ıgerý úshin «Kaspıı» sý tushshytý zaýytyna deıin sý qubyry jańartylýda eken.

«Kaspıı» sý tushshytý zaýytyn jańǵyrtý jumystaryna jaýapty merdiger mekeme - «Kaspıan Konstrýktors Trast» kompanıasy. 

Merdiger mekemeniń jumysty kesheýildetýine baılanysty, qondyrǵyny iske qosýda irkilis boldy. Merdiger kompanıa basshylary qarasha aıynyń sońyna deıin 10 000 tekshe metrlik qondyrǵyny iske qosýǵa ýáde berip otyr. 

Jalpy zaýytty modernızasıalaý jumystary úsh jyldan beri júrgizilýde. Joba boıynsha zaýyttyń óndiristiń qýatyn 40 000 m3-qa deıin arttyrý kózdelgen.

-Tehnologıalyq tártipke sáıkes, qondyrǵylardy iske qosqannan keıin, on kúndeı sý daıyndalady. Onyń ishinde qosý-retteý jáne zalalsyzdandyrý jumystary bar. Bekitilgen josparǵa sáıkes, qalaǵa 20 qarasha kúni birinshi 5000 m3 sý beriledi. Al qarasha aıynyń sońyna deıin zaýyt qondyrǵy arqyly 10 000 m3-qa jýyq sýdy berýdi josparlanyp otyr, - dedi «Kaspıı» sý tushshytý zaýyty JSHS dırektory Serik Gýsman.

Sondaı-aq, Aqtaýda Quıylys ken ornynan «Kaspıı» sý tushshytý zaýytyna deıingi uzyndyǵy 47 shaqyrym sý qubyry salynýda. Merdiger mekeme – «Aláns LTD» JSHS. Qurylys jumystaryna 15 arnaıy tehnıka jáne 32 qyzmetker jumyldyryldy. Atalǵan joba qaladaǵy aýyz sý jetispeýshiligi máselesiniń rettelýine septigin tıgizedi.

-Quıylys ken ornynan «Kaspıı» sý tushshytý zaýytyna deıingi uzyndyǵy 47 shaqyrym, dıametrleri 900 mm quraıtyn sý qubyry salynýda. Jumystar qarqyndy júrgizilýde. Atalǵan jumystar aıaqtalǵannan keıin, jartylaı ýchaskesinde qubyrdy sýmen toltyrýǵa qoıatyn bolamyz, - dedi oblystyq energetıka jáne TKSH basqarmasynyń bólim basshysy Anvar Týlákov.

Budan bólek Qaraqıada sý tushshytý zaýytynyń qurylysy júrip jatyr. Qaraqıa aýdany prokýratýrasynyń qadaǵalaý aktisi negizinde aýdan ákimdigimen ınvestorǵa, ıaǵnı «Aleka» JSHS-ne táýligine 5000 m³ aýyz sý óndiretin zaýytyn salý maqsatynda Quryq aýylynda 5 ga jer ýchaskesi berilgen.

Mańǵystaý oblysynyń prokýratýrasynyń habarlaýynsha, qazirgi tańda «Sý tushytý» zaýytynyń 20 uńǵymasy qazylyp, sýdyń tuzdylyǵyn tekserý jumystary júrgizilýde. Buǵan deıin, aýyl turǵyndaryn Aqtaý qalasynda ornalasqan «Kaspıı» sý tushshytý zaýyty» JSHS aýyz sýmen qamtamasyz etip kelgen. Mamandar aldaǵy ýaqytta másele tolyq sheshimin tabady dep otyr. Jalpy b
ul jumystar Memleket basshysynyń jiti baqylaýynda tur.

 

 

Qazaqstanda tek shetel azamattaryna arnalǵan kazıno ashylmaq
20 jeltoqsan 2024
Qazaqstanda tek shetel azamattaryna arnalǵan kazıno ashylmaq

Mańǵystaý oblysynda tek shetel azamattaryna arnalǵan kazıno ashylmaq. Bul týraly atalǵan oblys ákimi Nurdáýlet Qılybaı OKQ ótken baspasóz máslıhatynda aıtty, dep habarlaıdy Ulys.

Ákimniń aıtýynsha kazınoǵa Qazaqstan azamattarynyń barýyna tyıym salynatyn bolady.

-  Oıynhanaǵa adamdar tek sheteldik tólqujatpen kire alady, ıaǵnı sheteldikter ǵana bara alady. Mundaı tájirıbe álemde bar. Mysaly, jalaqy alyp, sosyn oıynhanaǵa baryp utylyp qaldyńyz, árıne renishti. Bul kimge kerek? Bizdiń maqsat shetelden keletin adam Qazaqstan ekonomıkasyna aqsha qaldyryp ketýi kerek, — dedi Nurdáýlet Qılybaı.

 

 

Taldyqorǵan turǵyndar úshin jaıly qala bolmaq
26 jeltoqsan 2024
Taldyqorǵan turǵyndar úshin jaıly qala bolmaq

Jetisýda sońǵy eki jyl ishinde oblys búdjetiniń basym bóligi aýdandardaǵy aýyl halqynyń turmys deńgeıi men ál-aýqatyn arttyrýǵa baǵyttaldy. Bul týraly búgin Taldyqorǵan qalasynyń turǵyndarymen kezdesýi kezinde oblys ákimi Beıbit Isabaev málimdedi,  dep habarlaıdy Jetisý oblysy ákiminiń baspasóz qyzmeti. 

Endi aldaǵy eki jylda oblys ortalyǵyn damytýǵa erekshe kóńil bólinetin bolady. Osyǵan baılanysty 2025-2026 jyldarǵa qala búdjetin orta eseppen 30%-ǵa ulǵaıtý josparlanyp otyr. 

Oblys ákimi óz baıandamasynda qala basshylyǵyna qysqa merzimde aldaǵy eki jylǵa arnalǵan keshendi damý josparyn bekitýdi tapsyrdy.

- Eń aldymen turǵyn úı qurylysyna, ınjenerlik ınfraqurylymdy jańǵyrtýǵa, sonyń ishinde jylý, sýmen jabdyqtaý, sý burý, gazben jabdyqtaý jelilerine jáne jol qurylysyna basty nazar aýdarylýy tıis. Sondaı-aq, aýlalardy abattandyrý, turǵyn úılerdiń qasbetteri men shatyrlaryn jańartý, kóshelerdi jaryqtandyrý jumystaryn jalǵastyrý qajet. Jalpy Taldyqorǵandy turǵyndar úshin jaıly, ári qolaıly qalaǵa aınaldyrýymyz kerek. Ásirese qalanyń shetki aımaqtarynda turatyn azamattar zamanǵa saı, jaıly turmys jaǵdaılaryn sezinýi tıis, - dedi B. Isabaev.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.