Jaýapkershilik júgi jeńil bolmaıdy

Suhbat

Foto: Aikyn 11 aqpan 2025

Jaýapkershilik júgi jeńil bolmaıdy - Berik Ýálı

Qazaqstan Respýblıkasy Prezıdentiniń keńesshisi- Baspasóz hatshysy Berik Ýálı Aikyn gazetine suhbat berdi.

– Berik Ýálıuly, jýyrda Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótti. Memleket basshysy atalǵan jıynda elimizdiń damý maqsattaryna saı keletin kóptegen mindetti belgiledi. Onyń ishinde qandaı mańyzdy bastamalardy atap aıtar edińiz?

– Bul – jyl saıyn dástúrli túrde ótetin óte keń formattaǵy basqosý. Jıynda Úkimet músheleriniń aldaǵy jyly atqaratyn qyzmetiniń negizgi baǵyt-baǵdaryna basymdyq beriledi. Sondyqtan keńeıtilgen otyrystaǵy Prezıdenttiń kez kelgen tapsyrmasy men bastamasy elimizdiń damýy úshin asa mańyzdy. Qasym-Jomart Kemeluly saıasattaǵy utqyrlyqty áleýmettik-ekonomıkalyq damýdaǵy naqty qadamdarmen úılestirýdi jón sanaıdy. Iaǵnı, túbegeıli ózgeristerge jol ashqan reformalardyń oryndalýy elimizdiń ál-aýqatynan da kórinis tabýǵa tıis. Osy rette bir jyl buryn jańadan jasaqtalǵan Úkimetke óte úlken jaýapkershilik júktelip otyr. Óıtkeni Prezıdentimiz aıtqandaı, qazirgi kezeń jahan jurtshylyǵyna jeńil tıip otyrǵan joq. İri derjavalar arasyndaǵy ártúrli teketires, sonyń ishinde ekonomıkalyq sanksıalar saıasatyn kúsheıtý, ár jerde mazdaǵan kıkiljińder men beıbit turǵyndardyń mazasyn qashyrǵan qarýly qaqtyǵystar búginde álem elderin qatty alańdatady. Sondaı-aq sońǵy jyldary klımattyq ózgerister de anyq baıqala bastady. Tehnologıalyq jarys nátıjeleri buryn-sońdy bolmaǵan básekelestik týdyrdy. Mine, osy ispetti syn-qaterler elimizdi barlyq salada betpe-bet keletin kúrdeli kúrmeýlerdi der kezinde, tipti aldyn ala sheship otyrýǵa mindetteıdi. Shıyryp aıtqanda, kórpege qaraı kósiletin ýaqyt keldi. Memleket basshysy búdjet qarajatyn ońtaıly jumsaý, memlekettik qurylymnyń tıimdiligin arttyrý, artyq shyǵyndy boldyrmaýǵa basa mán berý keregin qadap aıtty. Prezıdent baıandamasynyń negizgi júlgesi osyǵan saıady.

– Memleket basshysy bıylǵy baıandamasynda da ekonomıkalyq damý máselelerine kóp toqtalǵanyn baıqadyq...

– Ekonomıka – memlekettik damýdyń negizgi ózegi. Álbette, otandyq ekonomıka, joǵaryda aıtqandaı, kúlli álemde oryn alyp jatqan túrli tartystyń saldaryn sezinip otyrǵany belgili. Óıtkeni bizdiń basty qaǵıdatymyz boıynsha, Qazaqstan – álemdik qaýymdastyqtyń belsendi múshesi. Bul ekonomıkaǵa da tıesili ustanym. Sondyqtan jahandyq saýda tizbegine keltiriletin qandaı da bir nuqsan bizdiń ekonomıkamyzǵa da áser etpeı qoımaıdy. Osy jaǵdaıda ornyqty damýdy qalaı qamtamasyz etemiz degen oryndy saýal týady. Bul jóninde Prezıdent buǵan deıin de aıtyp keledi. Úkimettiń keńeıtilgen otyrysynda osy baǵyttaǵy strategıany taǵy da pysyqtap, Úkimet pen quzyrly organdar basshylary úshin negizgi máselelerdi qaıtara eske saldy. Máselen, el ekonomıkasyn ártaraptandyrý – óte mańyzdy baǵyt. Sonyń ishinde osyǵan deıin oń ósim tirkelip kele jatqan óńdeý ónerkásibine barynsha jaǵdaı jasalyp jatqanyna toqtaldy. Erekshe nazar aýdaratyn dúnıe, iri ónerkásip jobalarynyń iske asyrylýy baıaý júrip jatqanyn synǵa aldy. Ony elden shyǵarylǵan zańsyz aktıvterdi qazynaǵa qaıtarý isimen qatar júrgizý qajettigin aıtty. Úkimetke orta býyndaǵy kásiporyndar shoǵyryn qalyptastyrý týraly tapsyrma berdi. Qazir álemde kóptegen el tıimdi paıdalanyp otyrǵan týrızm salasynan da qarjy tabýdy jón sanaıtynyn jetkizdi. Agroónerkásip kesheniniń áleýetin arttyrý baǵytyndaǵy mańyzdy bastamalar bar. Ekinshi deńgeıli bankterdiń ekonomıkany qarjylandyrýy turǵysynan naqty mindetter júktedi. Igerilýi kúrdeli ken oryndaryn ekonomıkalyq aınalymǵa qosý týraly oıymen bólisti.

Taǵy bir mán beretin másele bar: Úkimettiń keńeıtilgen otyrysynda qosymsha qun salyǵyn kóterýge qatysty usynys aıtylǵany barshaǵa aıan. Bul jaıt qoǵamda qyzý talqylandy. Qarapaıym jurtshylyqtan bastap sarapshylarǵa deıin osyǵan qatysty oılarymen bólisti. Prezıdent te atalǵan máselege jiti kóńil bólip, ótken aptada otandyq bıznes ókilderimen kezdesýde óziniń pikirin jetkizdi. Memleket basshysy kez kelgen reformany jan-jaqty saraptap, baıyppen júrgizgen jón ekenin atap ótti. Prezıdent bul tarapta túrli nusqany qarastyryp, qosymsha qun salyǵynyń mólsherlemesi saralanyp belgilenýge tıis ekenine erekshe mán berdi. Úkimettiń bul baǵyttaǵy jumysy bıznes, qoǵam, sarapshylar men depýtattardyń, ıaǵnı barlyq taraptyń pikiri eskerile otyryp jalǵasýy keregin qadap aıtty.

Osylaısha, Memleket basshysy strategıalyq baǵyttardy belgilep, jeldiń qaı jaqtan soǵatynyn, oǵan qarsy amaldardy sanamalap aıtyp berdi. Endi Úkimet músheleri men basqa da tıisti organdar osy mindetterdi oryndaýǵa jan-tánimen kirisip, búkil kúsh-jigerin jumyldyrýy kerek. Bul rette Prezıdent ekonomıkanyń barlyq salasyna ınvestısıa tartýdyń óte ózekti ekenin atap kórsetti.

– Shynynda, Qasym-Jomart Toqaev shetelden ınvestısıa tartý jóninde jıi aıtty. Jalpy, elimizde qazirgi ınvestısıalyq klımat qandaı?

– Memleket basshysynyń bastamasymen elimizde Investısıalyq shtab qurylǵanyn jaqsy bilesizder. Bul búrokratıalyq kedergilerge, toptyq múddelerge qarsy turatyn, quqyqtyq turǵydan ınvestordy qorǵaı alatyn qabiletke ıe ınstıtýtqa aınalýǵa tıis. Shtabtyń tıimdi jumys isteýine qajetti barlyq jaǵdaı jasalyp, onyń oryndalýyn Qasym-Jomart Kemeluly tikeleı baqylaýynda ustap otyr. Degenmen Prezıdent Úkimettiń mindeti ınvestorlardyń jekelegen máselelerin shuǵyl sheshý ǵana emes, elimizdegi jalpy ınvestısıalyq ahýaldy jaqsartý ekenin erekshelep aıtty. Byltyr jyl sońynda respýblıkalyq basylymdarǵa jazǵan maqalamyzda da atap ótkenbiz, Prezıdent 2024 jyly jıyrmadan astam memleketke saparmen bardy. Kóptegen halyqaralyq jıynǵa qatysty. Sonyń bárinde eń áýeli memleketter basshylarymen jáne sheteldik bıznes ókilderimen kezdesip, elimizdegi sheshimin tappaı jatqan salalarǵa qarajat tartýǵa tikeleı bastamashy bolyp keledi. BUU málimetterine sáıkes, Qazaqstan ekonomıkaǵa ınvestısıa tartý kórsetkishteri boıynsha aıtarlyqtaı tabysqa qol jetkizdi. Biraq Prezıdent oǵan toqmeıilsýge bolmaıtynyn jetkizdi. Óıtkeni birinshiden, elimizde búdjet tapshylyǵy oryn alyp otyr. Investısıanyń azaıýyn búdjet esebinen óteý qysqamerzimdi ǵana nátıje beretinin tilge tıek etti. Sol sebepti óńirlerge, Almaty qalasyna quıylatyn shetel ınvestısıasyn arttyrý mindeti qoıyldy. Úkimetten barlyq deńgeıde, ıaǵnı ortalyq bolsyn, iri qalalarymyz bolsyn, óńirlerimiz bolsyn, ınvestor ákelýge qolaıly jaǵdaı jasaıtyn birtutas ekojúıe qurý talap etiledi. Ekinshiden, qazir álemde sırek kezdesetin metaldardy óndirý men óńdeýge artyp kele jatqan suranysty tıimdi paıdalaný kerek. Osy maqsatta elimizdiń áleýetin durys iske asyrǵan jón. Máselen, Úkimet basshysy elimizde atalǵan baǵytta 17 ken orny ashylǵanyn aıtty. Onyń ishinde lıtııdiń orny erekshe. Mine, osy salaǵa ınvestısıa tartylsa, ozyq tehnologıalar kelse, sheteldik jáne otandyq ınvestorlarǵa birdeı jaǵdaı jasalsa, elimizdegi ınvestısıalyq klımatty aıtarlyqtaı jaqsarta túsetini anyq. Qazir bul tarapta geologıalyq barlaý jumystaryn júrgizý úshin ınvestorlarǵa úlken múmkindik berilip otyr. Iaǵnı, olar óz shyǵyndary esebinen ári barlaý júrgizedi, ári jer qoınaýyn paıdalaný quqyǵyna ıe bolady. Osy rette elimizde Jer qoınaýyn paıdalaný boıynsha reforma júrgizilip, onyń zańnamalyq platformasy ázirlenip jatyr. Jalpy byltyrǵy quıylǵan qarjy kólemi aldyńǵy jylmen salystyrǵanda sheteldik ınvestısıanyń birshama kemigenin kórsetedi. Bul – túsinikti. Sebebi qazir dúnıejúzi boıynsha ınvestısıaǵa talas júrip jatyr. Eldiń ornyqty damýyn qamtamasyz etýde ınvestısıanyń róli óte úlken. Memleket basshysy ekonomıkaǵa ınvestısıa tartý elimizdiń álemdik kartadaǵy ornyn anyqtaıtynyn aıtyp, bul istiń máni zor ekenin jetkizdi.

– Infraqurylymdy damytý máselelerinde aıtylǵan jobalar qanshalyqty oryndalady?

– Keıingi jyldary elimizdiń birqatar qalasynyń jylý júıeleri qystyń kózi qyraýda apatqa ushyraǵany qoǵamǵa málim. Mundaı oqıǵalardyń eldiń bedeline nuqsan keltiretini de kúmánsiz. Osy oraıda Prezıdent naryq talabyna saı tarıf saıasatyn qaıta qaraýdy tapsyrdy. Óıtkeni TMD elderindegi baǵa bizdiń naryqtan áldeqaıda joǵary. Bul – kontrabandalyq qylmysty órshitetin jaǵdaı. Tipti, shekara baǵandarynyń astynan tonnel qazyp, janar-jaǵarmaı tasyǵan oqıǵalar oryn alǵanyn quzyrly organdarymyz anyqtady. Sondyqtan energıaǵa, jylýǵa, sýǵa qatysty tutyný baǵalaryn ózgertý komýnaldyq nysandardy der kezinde jańa standarttarǵa beıimdeýge múmkindik beretinin umytpaǵan lázim. Prezıdent aıtqandaı, eskirgen energetıkalyq nysandardy ınovasıalyq stansalarmen almastyrý kerek. Qýat kózi tapshylyǵy artqan saıyn atom energıasyn paıdalanýǵa suranys kúsheıedi. Bul turǵyda Qazaqstan atom ónerkásibine qajetti otyn kóziniń úlken qoryna ıe ekeni belgili. Iaǵnı, ýranǵa baı elmiz. Sonymen qatar elektr jelilerin biriktirý, gaz-bý qondyrǵylary men qubyr jelileriniń qurylysyn aıaqtaý týraly naqty tapsyrmalar júkteldi.

Qazaqstan sońǵy jyldary kólik-tranzıt ınfraqurylymy boıynsha óte aýqymdy jobalardy júzege asyryp jatyr. Qytaıdan Eýropaǵa jetkiziletin júk tasymalynyń Qazaqstan aýmaǵy arqyly ótýin qamtamasyz etý úshin avtokólik joldarymen birge temir joldar, teńiz arqyly tasymaldaý isi jolǵa qoıylyp, kóptegen nysan paıdalanýǵa berildi. Memleket basshysy Úkimettiń keńeıtilgen otyrysynda Transkaspıı baǵdaryn damytý aıasynda «Moıynty – Qyzyljar» baǵytynda jańa temir jol qurylysyn bastaýdy, Qyzyljar beketinen Aqtaý portyna deıingi kúre joldyń kóptegen ýchaskesin jańǵyrtýdy tapsyrdy. Sonymen qatar «Altynkól – Jetigen» temir jolyn keńeıtý mindetin júktedi. Munyń bári Qytaı men Ortalyq Azıanyń arasyndaǵy kólik dálizin damytýǵa septigin tıgizbek. Byltyr elimizdiń birqatar qalasynyń áýe termınaldary jańadan salynyp, paıdalanýǵa berildi. Osy oraıda el aýmaǵynda halyqaralyq áýe habyn qurý isi qolǵa alynǵanyn atap aıtý kerek. Prezıdent júk jáne jolaýshylar termınaldaryn, logıstıkalyq ortalyqtaryn, zamanaýı qyzmet kórsetý oryndarymen qamtylǵan tolyq ekojúıeni qurýdy mindettep otyr. Bul salalarda da Qazaqstan óziniń ekonomıkasyna tıesili paıdadan qaǵylmaýy qajet. Qaýipsizdik Keńesiniń aldaǵy otyrysy osy kólik-tranzıt, logıstıkalyq áleýetti damytý taqyrybyna arnalady.

– Sıfrlandyrý salasynda jetekshi rólge ıe bola alamyz ba?

– Qazir álemdik saýda elektrondy júıege kóshkeni belgili. Elimiz memlekettik qyzmet kórsetý salasyn sıfrlandyrý baǵytynda úlken jetistikke jetip otyr. Bul tarapta kóptegen damyǵan elderdiń sıfrly júıesinen ozyq ekenimizdi maqtanyshpen aıtýǵa bolady. Degenmen bul sát saıyn damıtyn sala bolǵandyqtan, aqparattardy qorǵaý, atalǵan ekojúıeni udaıy damytý isi óte ózekti. Aqparat quraldarynan amerıkalyq jáne qytaılyq platformalardyń ózara básekesi týraly oqyp, bilip otyrmyz. Aıtalyq, Qytaı tarapy bar-joǵy 6,5 mıllıon dollarǵa DeepSeek platformasyn jasady. Onyń tıimdiligi mıllıardtaǵan dollar jumsalǵan platformalardan asyp tústi. Mine, osyndaı qazirgi zamannyń suranysyn jetik bilip qana qoımaı, ony Qazaqstan qoǵamyna dendep engizý maqsatynda Memleket basshysy jasandy ıntellekti salasyndaǵy ozyq oıly tulǵalarmen jıi kezdesedi. Jýyrda ǵana osy saladaǵy qytaılyq kásipker Lı Kaı Fýdy qabyldaǵan bolatyn. Úkimettiń keńeıtilgen otyrysyndaǵy sózinde de qytaı tájirıbesin keńinen zerdeleý jóninde tapsyrma berýi beker emes. Bul salada biz baǵyndyratyn bıikter áli alda. Jalpy, sıfrlandyrý salasyna myńdaǵan maman daıarlaýdan bastap, elordada Al-Sana jasandy ıntellektini oqytý ortalyǵyn ashýǵa deıin bul baǵytta júıeli jumys júrgizilip jatyr deýge bolady. Sonymen qatar jańa qaýip-qaterler de bar. Qazirgi kezde kıberalaıaqtyqtan qorǵaný máselesi óte mańyzdy. Osy qylmystyq isterdiń 80 paıyzynyń áshkerelenbeı qalýy arnaıy quzyrly organdarymyzdyń sıfrly áleýetin áli de jetildirýin qajet etedi. Óıtkeni memleket úshin azamattardyń qaýipsizdigi eń basty orynda bolýy kerek.

– Áleýmettik salada memleket qoldaýymen iske asyrylyp jatqan jobalar týraly naqty ne aıtar edińiz?

– Prezıdent memlekettiń áleýmettik mindettemelerdi oryndaýyna basa mán beredi. Budan burynǵy nesıelerdiń belgili bir bóligin óteý, ataýly áleýmettik kómek berý, járdemaqy berýdi júıeleý syndy halyq kóńilinen oryn alǵan bastamalarynan bólek, qazirgi kezde densaýlyq saqtaý men bilim jáne ǵylym salalaryndaǵy jobalardy ádil qarjylandyrýǵa nazar aýdaryp otyrǵanyn atap aıtý kerek. Onyń barlyǵy zańnamalyq turǵydan negizdeldi. Aýyldarda alǵashqy dárigerlik kómek kórsetetin 460 nysan paıdalanýǵa berildi. Taǵy 200-ge jýyq nysan jyl sońyna deıin beriledi. Bıyl 32 aýrýhanaǵa jóndeý júrgizilmek. Prezıdent osy aýqymdy jumysty shıratýǵa tapsyrma berdi. Sonymen qatar kelesi jyly barlyq aýdandyq aýrýhanalarǵa jańǵyrtý jumystary júrgiziledi. Osyǵan deıin el kóńilinen oryn alǵan «Jaıly mektep» jobasy bıyl aıaqtalady. Onyń basym bóligine sybaılas jemqorlyq faktilerinen óndirilgen qarjy paıdalanylǵany belgili. Úsh jyl ishinde Prezıdent tapsyrmasymen taǵy 1 300 mektep jańǵyrtylady. Eń bastysy, bıyl «Jumysshy mamandyqtary jyly» dep jarıalandy. Ataýly jyl aıasynda suranysqa ıe kadrlar daıarlaýǵa, eńbek adamynyń abyroıyn arttyrýǵa úlken mán beriledi. Memleket basshysy azamattardyń ótinishine qulaq asý qajettigin aıtty. Óıtkeni ár ótinishtiń artynda adam taǵdyry bar. Bul rette memlekettik apparattyń tıimdiligin arttyrý mindeti qoıylyp otyr.

– Prezıdent baıandamasynda kópshiliktiń nazaryn aýdarǵany – elimizdi laqap atpen ataýshylarǵa qatysty sózi. Memleket basshysy eldiń bet-beınesin qalyptastyrýda qoǵamdaǵy barlyq úderisti qadaǵalaıtynyn baıqadyq...

– Álbette. Qazir adamdar áleýmettik jelilerdegi qajetti-qajetsiz aqparat tasqynynan ózin qorǵaı almaı, sana súzgisinen ótkizbeı, ártúrli oıdyń jetegine ońaı ilesetinin baıqaýǵa bolady. Bul, ókinishke qaraı, keıbir azamattarymyzdyń altyn ýaqytyn tıimdi paıdalana almaıtynyn, jeńil-jelpi bósteki sózge úıir ekenin meńzegennen aıtylǵan pikir bolatyn. Memleket azamattardyń qalaýyn shektemeıdi. Biraq áleýmettik jelini de tıimdi paıdalanyp, tabys tabýǵa, qoǵamdyq oı-sanany ozyq etý úshin úles qosýǵa bolady. Sondyqtan áldekimderdiń qaraý nıetinen, tipti qoǵamdyq pikirdi manıpýlásıalaýdan týatyn, memleket bedeline nuqsan keltiretin arzan sózderdi qoǵam bolyp tyıǵan lázim. Prezıdent osyǵan úndedi. Elimizdiń jaqsy atyn el azamattary shyǵarady. «Zań men tártip» qaǵıdaty da osyǵan negizdelgen. Biz ózimizdiń quqyǵymyzdy qalaı qorǵasaq, memleketimizdiń de bedelin solaı syılaýǵa ári qorǵaýǵa tıispiz. Sonda ǵana elimizdiń eńsesi kóteriledi. Sol úshin bir-birimizdi beker jábirlemeı, ortaq ıgi iske jumylyp, memleketshildik sanany ornyqtyra bergenimiz jón. Qadyr Myrza Áliniń «Táýelsizdikti sát saıyn qorǵaý kerek» degen qanatty sózi bar. Memlekettiń ar-namysy ár azamatynyń uıaty men ojdanyna aınalýy kerek.

RELATED NEWS

Suhbat

29 qazan 2025

Úmittiń utysy: shymkenttik kúzetshi Álibektiń 54 mıllıon teńgelik jeńisi

Úmittiń utysy: shymkenttik kúzetshi Álibektiń 54 mıllıon teńgelik jeńisi

Shymkenttiń qarapaıym kóshesi. Aspan kókshil tartyp, kún baıaý ǵana batyp barady. Sol sátte bir adam jumystan qaıtyp bara jatyr. Kún saıyn kúzet ornynda otyrǵan sol jigittiń júregi búgin erekshe dúrsildep tur. Ol — Álibek.

Keshe bári birqalypty edi, búgin ómiri basqa arnaǵa buryldy. Sebebi ol — 54 000 000 teńge utyp alǵan adam.

— Salamatsyz ba, Álibek?
— Salamatsyz ba.
— Utysyńyz qutty bolsyn.
— Rahmet.
— Siz LOTO 6/49-da 54 mıllıon teńge utyp aldyńyz .
— Durys pa?
— Dál solaı, — dedi Álibek, senim men kúdik arasyndaǵy kúıde.

Ol — Shymkent qalasynyń týmasy. Qalanyń shetinde ornalasqan shaǵyn mekemede kúzetshi bolyp eńbek etedi. «Kúndelikti jumys qalaı?» deseńiz, ol sabyrmen jaýap beredi:túnde kúzet, kúndiz tynyshtyq.
Biraq dál osy qarapaıym adamnyń ómirinde úlken ózgeris bastaldy.

— Utys týraly qalaı bildińiz? — dep suradyq.
— Maǵan habarlasyp, utyp alǵanymdy aıtty. Áýelde sengen joqpyn. Keıin bárin tekserip, rastalǵan soń ǵana qýandym, — deıdi ol.

Qatysa bastaǵanyna shamamen bir jarym – eki jyldaı bolǵan eken.
— Buǵan deıin usaq sommalardy utqanmyn. Sol jeńister maǵan senim berdi, — deıdi.

Bıletti eki jolmen alady: jumysta otyrǵanda onlaın, demalys kezinde qaǵaz bılet.

— Kóbinese ózim sandardy tańdaımyn. Súıikti sandarym bar, biraq ol qupıa, — deıdi Álibek kúlimdep.

Shymkent pen sáttilik: lotereıa jeńimpazdarynyń mekeni

Shymkent sońǵy jyldary «joly bolǵan jandar» shyqqan óńirlerdiń biri.

Buǵan deıin taǵy bir shymkenttik turǵyn TeleBingo-da páter utqan, al taǵy biri 5/36lotereıasynda 12 mıllıon teńge utyp alǵan edi.

Al keıde joly bolǵandarmen qatar, joldan jańylǵandar da tabyldy. Bir turǵyn Instagram-da «jalǵan lotereıa» uıymdastyryp, 96 mıllıon teńge zańsyz tabys tapqan. Taǵy bir bloger zańsyz utys oınatyp, sot úkimimen aıyppul tólegen.

Bul — lotereıaǵa qatysty úmit pen senimniń shynaıy bet-beınesi ǵana emes, sonymen qatar jaýapkershilik pen zań turǵysynan sabaq bolar jaıt.

Qarapaıym adamnyń úlken armany

Álibektiń jeńisi — jaı ǵana aqsha emes, senimniń jeńisi.
Kúzet ornynda otyrǵan talaı túninde ol oıǵa shomyp, «bir múmkindik bolsa ǵoı» dep ishteı tilegen bolar. Sol múmkindik búgin esik qaqty.

Bul utys — taǵdyrdyń tosyn syıy emes, úmitin úzbegenniń sybaǵasy.

Joly bolmaı júrgen adamnyń joly ashylýy úshin aldymen senimi ashylý kerek.

Álibektiń senimi ashyldy — sońy jeńiske ulasty.

Jeńis jaıly habar kelgende, onyń kóńil-kúıi kúrt ózgergen.

— Alǵash estigende senińkiremedim. Biraq bári rastalǵan soń ǵana qýandym, — deıdi ol.

Kúmán men qýanyshtyń arasyndaǵy sol sát — ár adam bastan keshetin ishki arpalystyń aınasy sıaqty.

Búgin Álibek — sabyrly. Otbasyna bul jańalyqty áli aıtpaǵan.
— Ýaqyty kelgende bólisemin, — deıdi.

Bul sózdiń artynda da úlken parasat jatyr. Óıtkeni, qýanyshtyń da óz ýaqyty, óz sabyry bolady.

Jeńis — joldyń sońy emes

Kóp adam utysty ómirdiń sharyqtaý shegi dep qabyldaıdy. Al shyn máninde — ol jańa baǵyttyń basy. Álibek te sony túsinip otyr.

— Bul jeńis ómirimdi jeńildetse de, jaýapkershilikti arttyrady, — deıdi ol.

Qarapaıym kúzetshiden úlken jeńimpazǵa aınalǵan ol — «sáti túskenniń» emes, «sengenniń» úlgisi.
Onyń hıkaıasy ár qazaqqa oı salarlyq:
eńbek pen úmit qatar júrse, nátıjesi mindetti túrde bolady.

«Júz utys, bir kólik: LOTO 6/49-da altyn kúzi»

Kúz — tek japyraqtyń sarǵaıýy men aspannyń surlanýy emes. Bul joly ol — altyn múmkindik pen jańa úmittiń maýsymy.
LOTO 6/49 lotereıasy osy qarashany naǵyz halyqtyq merekege aınaldyryp otyr: 20 000 000 teńge kólemindegi 100 aqshalaı syılyq pen jańa krosover — osy maýsymnyń basty oljasy!

Bul jolǵy naýqan halyq arasynda jaı ǵana kóńil kóterý ǵana emes, úmit pen ádildiktiń merekesine aınalmaq.

Qatysý qıyn emes — bar bolǵany 5 000 teńgelik bılet alý jetkilikti. Bıletińiz onlaın da, qaǵaz túrinde de jaraıdy.
Sosyn YouTube-arnadaǵy tikeleı efırde utystyń ár sátin óz kózińizben kóresiz.

Birinshi utys — 31 qazan kúni, saǵat 22:00-de.
Ol kúni 33 adam 200 000 teńgeden ıelenedi.
Qatysý úshin 24 qazan 10:00 men 31 qazan 21:45 aralyǵynda bılet alý qajet.

Ekinshi kezeń — 7 qarasha kúni, saǵat 22:00-de.
Taǵy da 33 jeńimpaz óz syılyǵyn alady.
Bul joly 31 qazan men 7 qarasha aralyǵynda alynǵan bıletter qatysady.

Úshinshi utys — 14 qarasha kúni, saǵat 22:00-de.
Sońǵy kezeńde 34 adamǵa 200 000 teńgeden buıyrady.
Barlyǵy — 100 adam, jáne bireýi — jańa krosoverdiń ıesi atanady.
Temir tulpardyń kiltin ustaý — kimge de bolsa arman emes pe?

Lotereıanyń artyndaǵy úlken mısıa

LOTO 6/49 tek utys emes — qoǵam aldyndaǵy jaýapkershiliktiń kórinisi.Uıymdastyrýshylar áleýmettik jaýapkershilikti basty qaǵıda etip otyr. Ár utystan túsken operasıalyq tabystyń 10% — el sportynyń damýyna, taǵy 10% — «Qazaqstan Halqyna» qoǵamdyq qoryna jáne 3% «Kreatıvti ındýstrıany damytý qory» uıymyna baǵyttalady.

Demek, ár bılet — tek úmit emes, elge paıda ákeletin úles.
Bul — oıynnan asyp, qoǵamǵa qyzmet etýdiń jańa formasy.

LOTO 6/49 — búginde kezdeısoqtyqtyń emes, úmittiń brendine aınaldy. Álibektiń jeńisi sonyń aıǵaǵy. Alda taǵy júzdegen múmkindik tur. Kim biledi, kelesi joly dál sizdiń bılet nómirińiz jeńimpazdar qatarynan tabylar. El ishinde jıi aıtylatyn bir sóz bar:«Joly bolmaǵan adam joq, tek ózine senbegen adam bar.»

Sol senim bar jerde utys — ertegi emes, ómirdiń óz kórinisi.
Endeshe, altyn kúzdi qur tamashalap qana qoımaı, óz sátińizdi synap kórińiz.

Óıtkeni, LOTO 6/49 — bul jaı ǵana lotereıa emes,
úmit pen jaýapkershiliktiń utqyr sımvoly.

Qorytyndy ornyna

Biz ulys.kz oqyrmandaryna osy oqıǵadan bir ǵana oı túıemiz:
úmit bar jerde múmkindik bar. Senim bar jerde nátıje bar.
Kúndelikti tirshiliktiń arasynda adamdy ustap turatyn bir-aq nárse — úmit.
Sol úmit sónbese, jeńis keshikpeıdi.

Álibek sıaqty adamdar — ómirdiń naǵyz batyry.
Al taǵdyr keıde dál sondaılarǵa tosynnan baqyt usynady.

Jeńis — sońǵy aıaldama emes. Ol — jańa sapardyń bastamasy.
Sondyqtan, biz de Álibekke tabys, bereke jáne aq jol tileımiz.
Al siz, qadirli oqyrman, esińizde saqtańyz:

Úmit úzilgen kúni ǵana jeńis alystaıdy.

Suhbat

30 qyrkúıek 2024

«Jyraýlardyń kıesin tiriltý – bizdiń maqsatymyz»

QR eńbek sińirgen qaıratkeri, talantty jyrshy Elmura Jańabergenmen suhbat

- Elmura Manasqyzy, óner súıer qaýym sizdiń qazaq sahnasyn 35 jyldaı dástúrli ánińizben qatar jyrshylyq ónerińizben de terbep kele jatqanyńyzdy biledi. Áńgime basynda aıta ketińizshi, adamı qundylyqtar ózgeriske ushyrap jatqan qazirgi jahandaný dáýirinde jyrshylyq ónerge degen halyqtyń yqylasy qalaı?

- Kezinde ata-babalarymyz qandaı aýyr zaman, qandaı qıyn saıası tóńkerister bolyp jatqannyń ózinde jyraýlyq ónerdiń mártebesin bıik qoıǵan. Qazirgi tańda ózin qazaqpyn deıtin árbir azamat bul ónerdi joǵary baǵalap, erekshe yqylas-nıetterin bildirip jatady. Desek te, qazirgi jahandaný dáýirinde óskeleń urpaqtyń talǵamy ózgerip jatqanyn bárimiz de kórip-bilip júrmiz. Osy urpaqqa ulttyq qundylyǵymyz sanalatyn dástúrli jyrshylyq óneriniń mártebesiniń qashanda bıik ekenin sanalaryna sińirý úshin biraz nasıhattyń keregi ras. Men telearnalardan jyrshy, termeshilerge arnalǵan arnaıy baǵdarlamalar ashylsa eken deımin. Kóptegen konsertter uıymdastyrylyp, baıqaýlar da jıi ótkizilip turǵanyn qalar edim. Búginde ótkizilip júrgen jyrshy-termeshilerge arnalǵan baıqaýlardyń júldeleri mardymsyz. Shýmaq-shýmaq jyrlar jattap jyrlaıtyn olarǵa kólik, úı tikse de kóp bolmas edi. Jyraýlardyń kıesin tiriltý – bizdiń negizgi maqsatymyz bolýy kerek.

- Osy maqsatta naqty qandaı jumystar atqaryp jatyrsyzdar?

- Shamamyzdyń kelgeninshe jasap jatqan isterimiz kóp ǵoı. Sonyń birine toqtala keteıin. Elordadaǵy Ulttyq óner ýnıversıtetinde dástúrli án kafedrasynyń ishinde jyraýlyq dástúr mamandyǵy bar. Men uzaq jyldan beri osynda ustazdyq etip kelemin. Negizi jyraýlyq óner óz aldyna jeke kafedra bolatyndaı múmkindigi bar. Rektorymyz bıyl osyny qoldap, mınıstrlikke usynys jasady. Aldaǵy ýaqytta ol oń sheshimin taýyp, dástúrli jyr mamandyǵy óz aldyna úlken bir kafedra bolyp qalar degen úmitimiz bar. Negizi elimizde jyraýlyq akademıa ashylsa da artyq bolmas edi.

- 2015 jyly Astana qalasyndaǵy "Qazaqstan" konsert zalynda «Aralym aıdyn shalqarym» atty án-jyr keshińiz óte joǵary deńgeıde ótken edi. Ótken jyly da shyǵarmashylyǵyńyzdyń 35 jyldyǵyna oraıy biraz mádenı is sharalar ótkizildi. Osy týraly aıta ketseńiz?

- Bıyl meniń sahnada júrgenime 36 jyl tolyp otyr. Ony men 17 jasymnan bastap eseptedim. Byltyry shyǵarmashylyǵymnyń 35 jyldyǵyna oraı Óner ýnıversıteti «Ustaz taǵylymy» atty jyr keshimdi uıymdastyryp berdi. Oǵan respýblıkamyzdyń ár óńirinen QR Eńbek sińirgen qaıratkerleri S.Janpeıisova, A.Qosanova, A.Isataeva, A.Elshibaeva, K.Tólenbaeva, G.Sarına, A.Balajanovalar men QR Mádenıet qaıratkerleri R.Súleımenova, J.Dańylbaevalar syndy óner ıeleri shaqyrylyp, ánnen shashý shashty. Sonymen qatar, D.Jolymbetov, A.Táńirbergenov, M.Sársenbaeva, A.Noǵaıbaeva, M.Súgirbaev syndy jyrshy shákirtterim óz ónerlerin kórsetti. Elimizge belgili kúıshi B. Dúısenǵazıev maǵan arnaǵan "Elmura" kúıin tartý etti. Aqıyq aqyndar S.Turǵynbekov, Sh.Sarıev, Sh.Dildebaev, Q.Sarın, S.Dosjanovalardyń shyǵarmashylyǵyma arnalǵan óleńderi oqyldy. Bul konserttiń bir ereksheligi tórt saǵatqa sozylǵany. Sonyń ishinde Máýlimnıaz, Edige, Oraq Mamaı, Sartaı dastandarynan úzindiler oryndaldy. Men lyq toly zaldaǵy kórermenderdiń tórt saǵat boıy qozǵalmastan otyryp, jyr tyńdaǵandaryna rıza boldym. El-jurtymnyń meniń ánimdi saǵynyp qalǵanyn baıqadym. Osy «Ustaz taǵylymy» atty jyr keshimdi keıin Qyzylorda, Aqtaý qalalarynda ótkizdim.

Sonymen qatar osy keshte "Aral, Qazaly óńiriniń jyraýlyq dástúri" taqyrybynda jazylǵan ǵylymı monografıam jaryq kórip, tusaýkeserin jasadyq. Oǵan jan-jaqtan kelgen akademıkter men ǵalymdar qatysty. Akademıkter B.Omarov, O.Jolmurzaevtar men A.Shárip, Á.Bárik, J.Málibekov, A. Almatov, S.Elemenova, R.Nurtaza syndy ónertanýshy ǵalymdar boldy. Osylaı 2023 jyldyń 25-mamyrynda ótken keshimiz óte joǵary deńgeıde uıymdastyryldy.

- Qatelespesem, «Dúrlerdiń dúbirinen jetken daýys» atty shyǵarmashylyq konsertińiz de byltyry ótken edi ...

- Durys aıtasyz, ótken jyl meniń shyǵarmashylyǵym úshin óte tabysty jyl boldy. Ol konsertim 2023 jyldyń jeltoqsanynda "Kóshpendileri úni" halyqaralyq festıvaliniń aıasynda ótti. Halyqaralyq deńgeıde ótken "Dúrlerdiń dúbirinen jetken daýys" atty jeke shyǵarmashylyq keshim Mádenıet mınıstrliginiń qoldaýymen «Qazaqstan» ortalyq konsert zalynda boldy. Konsertke ulttyq óner ortalyǵynyń ártisteri, «Astana sazy» qazaq memlekettik fólklorlyq ansambli jáne QR MKQ Prezıdent orkestri, «HASSAK» etno-folklorlyq toby jáne shet eldik qonaqtar A.Sultanbekov (Túrkıa Respýblıkasy), Ferıal Bashel (Túrkıa Respýblıkasy), Alper Kyracha (Túrkıa Respýblıkasy), Roza Amanova (Qyrǵyz Respýblıkasy), Gúlnár Allambergenova (Qaraqalpaqstan Respýblıkasy) jáne fólklortanýshy ǵalym, epık jyrshy Berik Júsipov, ánshi Asqar Muqıat, Saltanat Ersultan syndy óner maıtalmandary qatysty. Maǵan arnalǵan "Elmura" kúıin orkestr, al dúnıeden ótken ata-anama arnaǵan ózimniń kúıimdi "Astan sazy" oryndady. Men kópten beri oryndalmaı kelgen shyǵarmalarymdy aıtyp, halqyma tartý ettim. Aqyn, shaıyr, ustaz Nurtýǵan Kenjeǵululynyń "Qanekeı sóıle, qyzyl til" shyǵarmasyn shet elden kelgen dostarymmen birge birigip oryndap, halyqty dúr silkindirip, kórermenderdi oryndarynan turǵyzdyq. Áserli mundaı konsertti elimizdiń ár qalasynda ótkizýge bolatyndaı edi, átteń oǵan qoldaý bolmady. Osy konsertti ótkizýge qoldaý kórsetken sol kezdegi Mádenıet mınıstri A.Raıymqulovaǵa jáne Roza Baǵlanova atyndaǵy "Qazaq konsert" ujymy men jetekshisi Taıyr Qarataıulyna myń da bir alǵysymdy bildiremin. Sózdiń reti kelip turǵanda aıta ketkenim durys bolar, men Ózbekstanda ótken Halyqaralyq «Bahshy» jyraýlar saıysynda ekinshi oryn aldym. Jaqynda Aral aýdanynyń Qurmetti azamaty atandym.

- Qazirgi tańda dástúrli jyrshylyq ónerdiń nasıhattalýy qalaı?

- Búginde jyrshylyq ónerdiń nasıhattalýy keremet nemese nashar dep aıta almaımyn. Biraq, olarǵa memlekettik turǵyda únemi qoldaý jasalynyp, nasıhattalyp turýy kerek. Dástúrli jyrshylyq ónerdi dáriptep, nasıhattap júrgen óner ıeleri óte azbyz. Osy ónerimiz erteńgi kúni tek qana murajaılarda turyp qalmasa eken deımin. Alda úlken tehnologıalyq damyǵan qoǵam kele jatyr. Osyndaı qoǵamdaǵy adamdardyń rýhanı oı-órisi, boıyndaǵy kúsh-qýatynyń bári robot tektes bolyp qalmasa eken. Adamzattyń óziniń damý jolynda rýhanı kúsh-qýaty óz boıynda bolyp, elin-jerin, otanyn súıetin úlken tulǵalar qalyptasyp, qazaqylyǵymyzdan aıyrylyp qalmasaq eken degen zarym bar.

Kezinde Tuńǵysh prezıdent bizdi ulttyq qundylyqty dáripteý maqsatynda Almatydan arnaıy shaqyrtýmen aldyrǵan edi. Táýelsiz elimizdiń qalyptasý jolyndaǵy qanshama mádenı is-sharalarda óner kórsettik. Ókinishtisi, sońǵy kezderi jyrshylyq-termeshilik ónerge degen nemquraılylyqty baıqaıtyndaımyn. Jaqynda ǵana "Kóshpendiler oıyny" halyqaralyq festıvaliniń birde-bir mádenı is-sharasyna biz shaqyrylmadyq. Basqa da memlekettik deńgeıde ótip jatqan mádenı sharalarǵa shaqyrtýlardy az alyp jatamyz. Ulttyǵymyzdy ulyqtaıtyn jyrshylyq ónerdiń mártebesi qashanda bıik bolyp kelgen. Ol qazaqtyń qanymen, janymen bite qaınasyp kele jatqan óner. Ol ómirimizden óshe bastasa qazaqılyǵymyzdan aıyrylyp, ulttyǵymyzdy joǵalta bastarymyz haq.

- Bir áńgimeńizde «qazirgi koých, trener, psıhologtardyń aıtyp júrgenderin kezinde jyrshylar aıtyp tastaǵan» dep edińiz...

- Bizdiń ulttyq qundylyǵymyzdyń bári - jyr-dastandarymyzda, terme-tolǵaýlarymyzda nasıhat, ósıet, qanshama aqylnama bolyp tunyp tur. Olardy jyraýlardyń shyǵarmalaryna úńilseńiz, keńinen taýyp alasyz. Jyraýlardyń shyǵarmasy – tunyp turǵan qazaq fılosofıasy. Onda adamdy tárbıeleýdiń nebir aqyl-keńesteri bar. Qazirgi psıholog, koých degenderdiń aıtyp júrgenderiniń bári, ıaǵnı adam tárbıeleýge qatysty aqyl-keńester onda tunyp tur. Jyrshylar qara halyq pen hannyń arasyndaǵy altyn kópir boldy. Qazir árkim aqylshy bolyp ketti. Árkim oıyna kelgendi aıtatyn dana bolýda. Bolmasyn emes, bári bolsyn. Alaıda qazirgi aıtylyp jatqan áńgimelerdiń bári shet eldiń jáne orys psıhologtarynyń jazǵandary men aıtqandary. Bizge olardyń keregi de joq. Kóre bilgen, túsine bilgenderge ózimizdiń jyraýlarymyzdyń sózderiniń ózi jetkilikti. Mysaly Nurtýǵan aqyn aıtady:

Dúnıe meken boldyń sen kimderge,

Ómir shat eńbek etseń bilgenderge,

Kelgen soń dúnıege aýa jutyp,

Bolady árkim qumar ár ónerge.

Ómirde bilim ıesi adamda bar,

Dúnıege rıza bolyp kelgenińe.

Arasy jaqsylyqtyń túrli-túrli,

Daýryǵyp jurt aıtqanǵa syrttaı senbe.

Ómirde jaqsy da bar, jaman da bar,

Juǵymsyz jorǵalaıdy keı jermen de,

Jaǵympaz jaǵynady jaramsaqtap,

Júkteıdi sýaıttyǵyn qyzyl tilge.

Qoınyna jylan salyp otyrady,

Syrty qas, ishi jylmań kóz kórgenge.

Ósekti óner-bilim pulsyz tasyp,

Júredi sóz arqalap birden birge.

Dos jekjat janyńnan da jaqynyraq

Zalym da eń asyldyń bári ózińde, - dep nasıhatty tógip-tógip, aqyl-keńesti aıtyp keledi de:

Eı adamda, adam bolsań sypaıy bol,

Adamnyń zil turmasyn minezinde, - deıdi. Bizdiń qazirgi aıtyp júrgen sózderimizdiń barlyǵynyń túıini osy. «Adamdar, adam bol, sypaıy bol» deıdi. Kórkem minez, sabyr, aqyl, jiger, kúsh eńbektiń bári – osy eki shýmaqta jatyr. Osyndaı jyraýlardyń árbir sózin tyńdasań kúsh, energıa, rýh alasyń. Júdep júrgen sanańdy, qulazyp júrgen kóńilińdi jyraýlar ǵana emdeıdi. Sondyqtan da jyraýlarǵa erekshe qoldaý jasalynyp, olarǵa kádýilgideı qorǵan bolý kerek.

- «Shákirtsiz ustaz tul» degendeı, qandaı úzdik shákirtterińizdiń ónerine, talantyna tánti bolyp otyrasyz?

- Qudaıǵa shúkir, meniń talantty shákirtterim óte kóp. Bıyl ǵana bitirip ketken shákirtim Nuraıym Ertalap segiz dastandy, qanshama terme-tolǵaýlardy jáne maqamdardy jatqa biledi. Oǵan biraz dúnıe úırettim. Men árbir shákirtime aıtyp otyrǵan jyr-termesindegi adamı qundylyqtardyń boılarynan da tabylýyn qadaǵalap aıtamyn. Áıtpese, kóp adamdar jattandy túrde aýyzy kól, istegen isi shól bolyp júredi. Jyraý ózi jyraý bolǵannan keıin sol jyrshy, termeshi degen atqa laıyqty bolýy kerek. Aýzynan shyqqan sózi, istegen isi, kıgen kıimine deıin úılesimdilikte, súıkimdi, sypaıy, jigerli, aqyldy, úlgi alatyndaı deńgeıde bolýy kerek. Eldi sońynan erte alatyndaı bolýǵa tárbıeleımin. Nuraıymym bıyl Astana fılarmonıasyna qyzmetke ornalasty. Sonymen qatar, meniń Álıhan Dúısenbaı esimdi ónerli shákirtim «Qazaq konsertte» jumys jasaýda. Aıta bersem, talantty shákirtterim kóp. Solardyń ishindegi Elvıra Esnazarova, Baǵdaýlat, Araılym Ómirbekova, Qasemhan Kishkeneev, Abylaıhan Bektasov jáne Aınur Qonysbaeva syndy shákirtterimniń jetistikterimen qýanyp júremin. Joǵary oqý ornynda da talantty shákirtterim ósip keledi. Allaǵa shúkir, babanyń murasyn amanat etip alyp júrgen shákirtterimniń baryna qýanamyn.

- Suhbat bergenińizge rahmet!

Avtory: Mara Keles

Suhbat

27 qarasha 2025

Qupıa sapar, jasyryn qýanysh: Ámınany Almatyǵajetelegen 15 mıllıon teńgelik múmkindik

Keıde adamnyń ómirin ózgertý úshin úlken daıyndyqtyńqajeti joq. Bir sát qana — taǵdyrdyń tylsymnan tartqanjeli, bir bılet, bir qońyraý… Shymkenttiń qarapaıymqyzy Ámına úshin dál sondaı kún 23 qarasha boldy. TeleBingo -nyń tikeleı efırinde oınatylǵan 15 mıllıon teńgelik páter dál sonyń mańdaıyna jazyldy.

Biraq bul — qurǵaq utys jańalyǵy emes. Bul — qýanyshynishine búgip, bar syryn júregine saqtaǵan jas áıeldiń únsizjeńisi. Taǵdyrly kúnniń ar jaǵynda úlken tolqý, jasyrynsapar jáne ózgeshe qýanysh jatyr.

«Alǵashynda ózim de túsinbeı qaldym…»

Ámına lotereıaǵa jańa ǵana qyzyǵa bastaǵandardyń biri. Keıde bılet alady, keıde múlde oılamaıdy. «Maǵan da birkúnde úlken utys buıyrar» degen oı basyna kelmegen. Biraqálsiz úmittiń artynda kúshti múmkindiktiń jasyrynypturatynyn adam kóbine keıin túsinedi.

Telefon shyr etip, TeleBingo mamandary páter utqanynaıtqanda, Ámına sasyp qalady.

«Alǵashynda túsinbedim. Ne bolyp jatqanyn uǵa almaıqaldym. Birtúrli basym aınalyp ketti…» — deıdi ol solsátti eske alyp.

Oqıǵa bolǵan sátte ol jumysta, áriptesteriniń ortasyndaedi.

– Ne boldy? Birdeńe estidiń be? – dep suraı bastaǵandarboldy.

Biraq Ámına eshkimge tis jarmaı, qýanyshyn jan dúnıesinejasyryp úlgerdi. Qýanysh úlken bolǵan saıyn, adam ony birden bólisýge qımaıdy.

Almatyǵa baratyn sapardy «komandırovka» dep túsindirdi

Utysty rásimdeý úshin Ámına Almatyǵa jol tartty. Biraqbul sapardyń shyn mánin eshkimge ashpaıdy. Úıdegilerge:

«Jumys boıynsha komandırovkaǵa bara jatyrmyn» — depaıtyp shyǵady.

Bul — saqtyq. Bul — qaýipsizdik. Bul — óz ómirindegi eńúlken qýanyshty áli eshkimmen bólispeı, jańa baspanaǵasenimdi túrde qadam basýdyń tásili.

Ámına kezdesken mamandarǵa:

* vıdeosemkaǵa túspeıtinin,

* sýretterde ózi kórinbeıtinin,

* jeke málimetterdi jarıalaǵysy kelmeıtinin

aldyn ala eskertken.

Túsinýge de bolady: bul – onyń eń alǵashqy menshiktipáteri. Jas, turmys qurmaǵan, keıterıng salasyndaturaqty jumys isteıtin qyz úshin bul qadam — jańaómirdiń esigi.

TeleBingo men LOTO 6/49: bir bılettiń artyndaǵy jańamúmkindik

TeleBingo bıyldyń ózinde 13-ret páter oınatty. Al buljolǵy basty júlde — Ámınaǵa buıyrǵan 15 mıllıon teńgelik baspana. Qatysý úshin kóp talap joq: bar bolǵany 3 500 teńgelik LotoJınaq satyp alý jetkilikti.

Ámına tek TeleBingo-men toqtap qalmaı, LOTO 6/49 da qatysady. Lotereıanyń bul túrinde de aı saıyn avtokólikıesi anyqtalady. Kelesi qosymsha utys — 28 qarasha kúni, saǵat 22:00-de Satty Zhuldyz YouTube-arnasynda ótedi.

Satyp alý da qıyn emes: 3 000 teńgelik LotoJınaq — satýnúktelerinde de, sz.kz saıtynda da bar.

Qazaq «nesibesi bardyń — nesibesi tartady» deıdi. Kimgeqandaı ıgilik buıyratynyn taǵdyrdyń ózi biledi. Bireýge – mańdaı terden, bireýge – osyndaı tosynnan kelgenmúmkindik arqyly.

«Meniń jolym boldy. Endi sizderge de tileımin»

Ámına alǵan áserimen bólisip:

«Áli kúnge deıin senbeı júrmin. Múmkin emes sıaqty. Biraqtaǵdyr osylaı kúlip qarady. Barsha qatysýshylarǵa sáttiliktileımin. Meniń jolym bolǵandaı, sizderge de jol bolsyn», — deıdi.

Bul — onyń jeke qýanyshy ǵana emes, myńdaǵanqazaqstandyqqa kelgen úmittiń jańǵyrýy. Óıtkeni bireýdińjoly bolyp jatsa, ekinshisiniń de joly ashylatynynasenim artady jurt.

ULYS túıini

Ámına — jaı ǵana TeleBingo jeńimpazy emes. Ol — birkúnde ómirin ózgertýge múmkindik bar ekenin dáleldegenqarapaıym qazaq qyzy.

15 mıllıon teńgelik baspana — onyń jańa bastamasy, jańatynysy, jańa belesi.

Bir bılet — bir múmkindik.

Bir qońyraý — bir taǵdyrdyń ózgerisi.

Bir sát — jańa ómirdiń esigi.

Qazaqtyń ár shańyraǵyna osyndaı qýanysh buıyrsyn.

Úmit úzilmesin. Nesibeniń joly toqtamasyn.

Jańalyqtar

25 qarasha 2025