Búgin QR Prezıdentiniń janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń otyrysynda jasóspirim qyzdarǵa medısınalyq qyzmet kórsetý jáne fertıldi jastaǵy áıeldermen akýsherlik-gınekologıalyq qyzmettiń jumysy máseleleri qaraldy. Erekshe nazarda - aýyldyq eldi mekenderdiń turǵyndary.
Otyrysqa oblys ákimderiniń orynbasarlary, ortalyq memlekettik organdardyń ókilderi qatysty.
Otyrysqa qatysýshylar aldynda sóılegen sózinde Ulttyq komısıa tóraǵasy Aıda Balaeva halyqtyń reprodýktıvti densaýlyǵyn qorǵaý memlekettik saıasattyń basym baǵyty bolyp qala beretinin atap ótti.
«Bul másele jalpyulttyq mańyzǵa ıe, óıtkeni biz salaýatty ult, eldiń bolashaǵy týraly aıtyp otyrmyz. Jasóspirim qyzdar men fertıldi jastaǵy áıelderdiń reprodýktıvti densaýlyǵyn saqtaý jáne nyǵaıtý, olardyń bala týý týraly aqparattandyrylǵan sheshim qabyldaý múmkindigin keńeıtý, júktilik jáne bosaný kezindegi táýekelderdi azaıtý maqsatynda áleýmettik-ekonomıkalyq jáne emdeý-profılaktıkalyq sharalar kesheni iske asyrylýda. Bizdiń sarapshylar medısınalyq ınfraqurylymnyń úzdiksiz jumysyn qamtamasyz etý, ana ólimin azaıtýǵa múmkindik beretin sharalar keshenin qabyldaý qajettigin atap ótti. Jalpy, barlyq ýákiletti organdardyń belsendi dáıekti jumysy qajet dep sanaımyn», - dep atap ótti mınıstr.
Densaýlyq saqtaý vıse-mınıstri Aıjan Esmaǵambetova osy saladaǵy aǵymdaǵy jaǵdaı men jumys júıesin jetildirý sharalary týraly habardar etti.
Senator Lázzat Qaltaeva otyrysqa qatysýshylardyń nazaryn múgedektigi bar áıelderge medısınalyq qyzmet kórsetýdiń problemalyq máselelerine aýdardy.
Ulttyq komısıanyń múshesi, qoǵam qaıratkeri Toǵjan Qojaly shalǵaıdaǵy aýyldardaǵy áıelderge kómek kórsetetin akýsherlik-gınekologıalyq qyzmet jumysyndaǵy birqatar problemalardy atap ótti.
Óńirlerdegi aýyldyq aýrýhanalarǵa, feldsherlik pýnktterge baryp osy máselelerdi egjeı-tegjeıli zerdelegen Ulttyq komısıa sarapshylary densaýlyq saqtaý menedjerlerimen, dárigerlermen jáne pasıenttermen kezdesýler barysynda áıelderdiń reprodýktıvti densaýlyǵyn qorǵaý úshin ınfraqurylymnyń úzdiksiz jumys isteý máselesine nazar aýdardy.
Áıelder konsýltasıalaryna, perzenthanalarǵa, otbasyn josparlaý kabınetterine, aýyldyq aýrýhanalarǵa, jastar densaýlyq ortalyqtaryna ádistemelik kómek kórsetý qajettiligi bar.
Otbasyn josparlaý kabınetteriniń jetkilikti sanyna qaramastan, júktiliktiń 40%-y josparlanbaǵan, al pregravıdarlyq daıyndyqtan ótken juptardyń úlesi 30%-dan aspaıdy. Osy turǵyda atalǵan jumysty uıymdastyrýdyń tásilderin qaıta qaraý usynyldy.
Azamattardyń óz densaýlyǵyn saqtaý jáne nyǵaıtý úshin birlesken jaýapkershiligi tómen bolýy osy proseske barlyq ýákiletti organdardy qosýdy talap etedi. Qoǵamdyq uıymdar, saraptamalyq jáne ǵylymı qoǵamdastyq halyq arasynda, maqsatty aýdıtorıalar arasynda túsindirý jumystaryn júrgizýi tıis.
Otyrysty qorytyndylaı kele, Ulttyq komısıa tóraǵasy Densaýlyq saqtaý mınıstrliginiń jergilikti atqarýshy organdarmen, oqý-aǵartý, ǵylym jáne joǵary bilim mınıstrlikterimen birlesip fertıldi jastaǵy qyzdar men áıelderdiń densaýlyǵyn saqtaý, jasóspirimderdiń reprodýktıvti densaýlyǵyn nyǵaıtý, sondaı-aq jastardy sanaly ata-ana bolýǵa daıyndaý jóninde sharalar keshenin qabyldaý qajettigin atap ótti.
Ulttyq komısıa jasóspirim qyzdarǵa medısınalyq qyzmet kórsetýdiń jáne akýsherlik-gınekologıalyq qyzmettiń óńirlik deńgeıde fertıldi jastaǵy áıeldermen jumysynyń egjeı-tegjeıli monıtorıńin jalǵastyrady.