Memleket basshysy Qasym-Jomart Toqaev Týrızm jáne sport mınıstri Ermek Marjyqpaevty qabyldady, dep habarlaıdy Ulys Aqordaǵa silteme jasap.

Ermek Marjyqpaev prezıdentke Qazaqstan quramasynyń HHHİİİ jazǵy Olımpıada oıyndaryna daıyndyǵy týraly esep bergen.

Derekkózge súıensek, Qazaqstan ulttyq quramasy sporttyń 25 túrinen 92 lısenzıa ıelengen. Parıjde barlyǵy 80 sportshy el namysyn qorǵaıdy.

«Memleket basshysy Olımpıada oıyndarynyń sportshylarymyzǵa zor jaýapkershilik júkteıtinin atap ótti. Sondaı-aq Qazaqstan quramasy álem aldynda mádenıetti, ustamdy ári ozyq úlgilerimen erekshelenýge tıis ekenine nazar aýdardy», - delingen habarlamada.

Qazaqstandyq Davıd Degtárev Parıjdegi Paralımpıada oıyndarynyń chempıony atandy, dep habarlaıdy Olympic.kz. 

Ol paýerlıftıngten 54 kelige deıingi salmaq dárejesinde top  jardy. Onyń eń úzdik nátıjesi – 188 keli. 

Aıta ketelik, Degtárev óz mansabynda ekinshi ret Paralımpıada oıyndarynda jeńiske jetip otyr. Buǵan deıin ol Tokıodaǵy para oıyndarda top jarǵan edi. 

Qazaqstan quramasynyń enshisinde eki medal bar. Buǵan deıin mergen Erkin Ǵabbasov kúmis júlde enshilegen.

Qazaqstan UOK bas hatshysyna qatysty resmı málimdeme jarıalandy, dep habarlaıdy Ulys.

Qazaqstan Ulttyq Olımpıadalyq komıteti prezıdentiniń buıryǵymen Bas hatshynyń senimhat negizinde berilgen ókilettigi joıyldy.

«Seniminiń joǵalýyna baılanysty Janar Óteshevany Bas hatshy retinde Atqarýshy komıtet quramynan shyǵarý máselesi Bas Assambleıa músheleriniń qaraýyna shyǵarylady», - delingen málimdemede.

Eske salsaq, Janar Óteshova Golovkın kásipqoı boks rıngine shyǵyp júrgende komandasynyń baspasóz hatshysy bolǵan. 2022 jyldyń ortasyna deıin UOK baspasóz jáne PR departamentin basqarǵan edi.