Jańaózenniń «Samal» shaǵyn aýdanynda 28 qarasha kúni keshke er adam sýısıd jasaǵan, dep habarlaıdy Lada basylymy.
Jelide taraǵan aqparattarǵa súıensek, bul adam aldymen áıelimen janjaldasyp qalǵan, sodan ekinshi qabattaǵy balkonǵa shyǵyp, tamaǵyn kesip jibergen. Keıin úıdiń tórtinshi qabatyna baryp, sekirip ketken. Eki aıaǵy synǵan turǵyn aýyr jaǵdaıda Jańaózen kópbeıindi aýrýhanasyna túsken.
Mańǵystaý oblystyq polısıa departamentiniń málimetinshe, osy derek boıynsha qylmystyq is qozǵalǵan.
Qostanaı oblysyndaǵy Jitiqara qalasynda qaıǵyly oqıǵa bolǵan. Úı shatyry opyrylyp qulaǵan kezde onda eresekterdiń qaraýynsyz qalǵan 2011, 2016, 2018, 2019, 2022, 2023 jyly týǵan balalar bolǵan. Ókinishke qaraı, úıindilerdi tazalaý kezinde bes balanyń denesi tabyldy. 2011 jyly týǵan balalardyń úlkeni zardap shekken joq. Bul týraly Ulys TJM silteme jasap habarlaıdy.
«Búgin saǵat 04:29-da Jitiqara qalasyndaǵy jeke sharýa qojalyǵynyń aýmaǵynda órt shyǵyp, saldarynan turǵyn úıdiń shatyry opyrylyp tústi. Qutqarýshylar oqıǵa ornyna 7 mınýt ishinde jetti, úı tolyǵymen órtke orandy. Jalyn saǵat 06:08-de aýyzdyqtalyp, tolyǵymen sóndirildi. Aldyn ala málimet boıynsha, balalardyń anasy keshkisin tanysyna ketken. Kúıeýi túrmede otyr», - dep habarlady oblystyq TJD.
Oqıǵanyń sebepteri anyqtalyp jatyr. Órt-tehnıkalyq zertteý taǵaıyndaldy. Apattar medısınasy ortalyǵy fılıalynyń psıhologtary týystaryna qajetti psıhologıalyq kómek kórsetip jatyr.
Qaraǵandy oblysy Qarqaraly aýdany aýmaǵynda bolǵan dala órtinen 33 jastaǵy órt sóndirýshi mert boldy. Aqparatty resmı organ rastady, dep habarlaıdy Ulys.
«6 qazan kúni Qaraǵandy oblysy Qarqaraly aýdanyndaǵy dala órtin sóndirý barysynda óz qyzmettik mindetin atqarý kezinde 24-órt sóndirý bóliminiń aǵa órt sóndirýshisi 1991 jyly týǵan Halı Haırat qaza tapty. Serjant azamattyq qorǵaý organdarynda 2014 jyldan bastap jumys istegen», - dedi Tótenshe jaǵdaılar mınıstirligi.
Aıta keteıik, órt Qaraǵandy oblysy Qarqaraly aýdany Qoıandy aýylynyń mańynda bolǵan. Bul órt Pavlodar oblysynyń aýmaǵyna ótken.
Ánshi Qaırat Nurtas Almaty-Astana baǵytyndaǵy ushaqta buzaqylyq kórsetip, jolaýshynyń densaýlyǵyna jeńil zıan keltirgen, dep habarlaıdy Ulys.
Jaqynda tanymal ánshi Qaırat Nurtas (Aıdarbekov) Almatydan Astanaǵa ushatyn ushaqtyń bortynda daý shyǵarǵan. Ánshi basqa jolaýshynyń densaýlyǵyna jeńil zıan keltirgen. Jábirlenýshiniń aty - Asylbek Bekqaıyrov. Bul jaǵdaıǵa baılanysty áýe kemesiniń komandıri polısıanyń kómegine júginýge májbúr boldy. Quqyq qorǵaý organdarynyń qyzmetkerleri ekeýin bólimshege alyp barady. Onda mýzykantqa eki ákimshilik quqyq buzýshylyq - densaýlyqqa qasaqana jeńil zıan keltirý jáne qaıta jasalǵan usaq buzaqylyq týraly hattama resimdeldi»,- dep jazdy Kozachkov telegram arnasy.
Buǵan deıin Nurtas sahnada beıádep sózder úshin aıyppul tólegen bolatyn, sondyqtan ol resıdıvıs bolyp shyqty. Asylbek Bekqaıyrovqa da hattama jasaldy.
Bul oqıǵaǵa qatysty Kóliktegi polısıanyń baspasóz qyzmeti habarlama jasady.
«Almaty-Astana» baǵytyndaǵy áýe reısiniń bortyndaǵy usaq buzaqylyq jáne densaýlyqqa qasaqana jeńil zıan keltirý faktisi boıynsha ákimshilik is qozǵalyp, materıaldar qaraý úshin sotqa joldandy»,- dep habarlady Kóliktegi polısıa departamentiniń baspasóz qyzmeti.
Qaıyrymdylyqqa bólingen aqshany jymqyrdy degen qoǵam belsendisiniń 1 sómkesi 25 mln teńge turady - agenttik
