Izraıl armıasy Lıvan aýmaǵyna kirip, qurlyqta operasıa bastady

Álem

Foto: x.com/orielishamiller 01 qazan 2024

Izraıl armıasy Lıvan aýmaǵyna kirip, qurlyqta operasıa bastady

Izraıl armıasy barlaý derekteri negizinde Lıvannyń ońtústigindegi "Hezbolla" nysandary men ınfraqurylymyna qarsy qurlyqta shekteýli reıd bastaǵanyn habarlady. Bul týraly BBC jazdy.

Izraıl málimetinshe, nysandar "shekaraǵa jaqyn aýyldarda ornalasqan, olar Izraıldiń eldi mekenderine tikeleı qaýip tóndirip tur".

Qurlyqtaǵy operasıa aldynda Izraıl armıasy Lıvan aýmaǵyndaǵy "Hezbolla" tobymen baılanysty nysandarǵa áýeden jappaı shabýyl jasady.
Operasıa jospary 30 qyrkúıek keshke Izraıl úkimeti otyrysynda maquldandy.

Keıbir derekkózder Lıvan armıasy ońtústiktegi shekaradan áskerin birneshe shaqyrymǵa shegindirgenin jazdy.

RELATED NEWS

Álem

27 tamyz 2024

Fransıa bıligi Pavel Dýrovqa 12 epızod boıynsha aıyp taqpaq

Fransıa prokýratýrasy Telegram negizin qalaýshy Pavel Dýrovtyń ótken senbide Parıjde ustalýyna baılanysty baspasóz málimdemesin taratty. Bul týraly VVS jazdy.

Parıj prokýratýrasy Pavel Dýrovqa taǵylýy múmkin 12 epızodty jarıalady. onyń ishinde quzyrly organdarǵa aqparat berýden bas tartý, alaıaqtyq pen esirtki satýǵa qatysynyń bolýy, balalardyń pornografıalyq vıdeolaryn saqtaýǵa, kıberqylmystarǵa, aqsha jylystatýǵa qatysýy jáne t. b. bar.

Prokýratýra 8 shildede ashylǵan isti Kıberqylmyspen kúres ortalyǵy men Ulttyq alaıaqtyqpen kúres basqarmasy (ONAF) tergep jatqanyn aıtty.

Álem

29 qyrkúıek 2024

Izraıldiń Lıvanǵa áýe shabýylynan 1000-nan asa adam kóz jumdy

16 qyrkúıekten beri Izraıldiń Lıvanǵa jasaǵan shabýylynan 1030 adam qaza taýyp, 6352 adam jaraqat aldy, dep jazady Anadoly agenttigi.

Agenttik taratqan málimetke qaraǵanda, 16-27 qyrkúıek aralyǵynda Izraıl shabýyldary 1030 adamnyń ómirin qıǵan. Sońǵy eki aptada qaza tapqandar arasynda 156 áıel men 87 bala bolǵanyn, sondaı-aq osy ýaqyt ishinde 6 352 adamnyń jaralanǵan.

Álem

17 qyrkúıek 2024

Álemge koronavırýstyń jańa qaýipti túri tarap jatyr - BAQ

Álemge koronavırýstyń jańa túri – HES tarap jatyr. Bul burynǵyǵa qaraǵanda qaýiptirek, dep habarlaıdy BBS..

«Kovıdtiń bul túri alǵash ret maýsym aıynda Germanıada paıda bolǵan. Keıin Ulybrıtanıa, AQSH, Danıa elderinen tabyldy», - dep jazdy Scripps Research ınstıtýtynyń dırektory, amerıkalyq ǵalym Erık Topol tvıtter paraqshasynda.

Onyń aıtýynsha, HES jańa ǵana bastalyp jatyr, birneshe apta men bir-eki aı ótken soń, kúshine minip, syrqattyń jańa tolqyny týady.

Mýtasıalanǵan HES ótken kovıd vırýsyna qaraǵanda tezirek taraıdy. Ǵalymdar qazirgi qoldanysta bar vaksınalar bul vırýstan keletin eń aýyr zardaptardyń aldyn alady dep otyr.

Ulybrıtanıa ǵalymy Fransýa Balýdyń sózinshe, aldaǵy qysta HES koronavırýstyń negizgi túrine aınalýy bek múmkin.

Jańalyqtar

20 jeltoqsan 2024