Reseı prezıdentiniń kómekshisi Iýrıı Ýshakov 2025 jyldyń 1 qańtarynan bastap Qazaqstan resmı túrde BRIKS-ke seriktes memleket mártebesin alady dedi. Bul týraly RIA Novostı habarlady.

Agenttiktiń aqparatyna qaraǵanda, Qazaqstanmen qatar taǵy segiz memleket BRIKS seriktesi bolýǵa shaqyrýdy qabyldady, onyń ishinde Belarýs, Indonezıa, Ózbekstan jáne Kýba bar.

«Samıttiń mańyzdy nátıjeleriniń biri (Qazan qalasynda) BRIKS seriktes elderiniń sanatyn belgileý jáne 13 memlekettiń tizimi týraly kelisim boldy. Bul memleketterge tıisti shaqyrýlar jiberildi. Búginge deıin BRIKS seriktes-memleketi bolýǵa daıyndyǵy týraly málimdemeler Belarýs, Bolıvıa, Indonezıa, Qazaqstan, Kýba, Malaızıa, Taıland, Ýganda jáne Ózbekstannan keldi», - dedi Ýshakov jýrnalıserge.

Aıta ketsek, ótken qazan aıynda Qazaqstan prezıdentiniń baspasóz hatshysy Berik Ýálı qazaqstandyq BAQ-tyń birine bergen suhbatynda Qazaqstan taıaý arada BRIKS uıymyna múshe bolýǵa ótinish bermeıdi, sebebi uıymǵa qosylý máselesin qaraý kóp satydan turatyn proses degen syńaıda pikir bergen bolatyn.

İs-shara Qazaqstan Prezıdentiniń 2024 jylǵy 22-24 qazan aralyǵynda ótip jatqan BRIKS memleket basshylarynyń XVI Samıtine qatysý úshin Qazan qalasyna jumys sapary aıasynda ótkizildi.

Ashylý saltanatyna Qazaqstan Respýblıkasynyń Mádenıet jáne aqparat mınıstri Aıda Balaeva, Tatarstan Respýblıkasynyń Mádenıet mınıstri Irada Aıýpova, Qazandaǵy QR Bas konsýly Erlan Ysqaqov, sondaı-aq Tatarstan Jazýshylar odaǵynyń tóraǵasy Rkaıl Zaıdýllın, sondaı-aq qala turǵyndary men qazaq ulttyq-mádenı avtonomıasynyń ókilderi qatysty. 

QR Mádenıet jáne aqparat mınıstri Aıda Balaeva Qazanda eskertkishtiń ashylýyn halyqtar arasyndaǵy dostyqtyń, ózara túsinistik pen rýhanı týystyqtyń úlgisi ekenin aıtty.

«Búgingi is-sharanyń BRIKS memleketteri yntymaqtastyǵy samıti aıasynda ótip jatqanynyń ózi is-sharaǵa erekshe sıpat berip tur. Bul eki el arasyndaǵy mádenı baılanysty nyǵaıtyp, tereńdete túseri sózsiz. Abaı – óz ultynyń rýhanı baılyǵyn boıyna sińire otyryp, jalpy adamzattyq oı-pikir deńgeıine kóterilgen tulǵa. Bizdiń halyqtar arasyndaǵy ózara mádenı qundylyǵymyz artyp, dostyǵymyz nyǵaıa bersin», – dedi Aıda Balaeva.

Uly oıshyldyń eskertkishi Qazan qalasynda Nazarbaev pen Kachalov kósheleriniń qıylysynda ornatyldy. Búst avtory – Qazaqstan Respýblıkasy Sýretshiler odaǵynyń múshesi, músinshi Nurbol Qalıev. 

«Qazaqstannyń Reseımen dostyq qatynasyn damytý aıasynda Tatarstanǵa, bizdiń mádenıetimizge shynaıy qyzyǵýshylyq tanytyp jatqany qýantady. 2018 jyly Qazaqstan tarapynan Qazan qalasyna qonaqjaılyq belgisi – «Taıqazan» músini syıǵa berildi. Búgin Abaıdyń eskertkishi de dál osy jerde, osy alańda ornatylýy kezdeısoq emes. Reseıde uly qazaq aqynyna degen qurmet erekshe. Elimizdiń astanasynda Abaıdyń eskertkishi ornatylǵan. Sondaı-aq Reseıdiń birqatar qalalarynda Abaı Qunanbaıulynyń atymen atalǵan kósheler bar. Búgingi is-shara – qazaq pen tatar halyqtarynyń rýhanı birligine negizdelgen uzaq jyldar boıǵy jemisti iskerlik pen mádenı baılanystardyń nátıjesi dep bilemiz», – dedi Tatarstan Respýblıkasynyń Mádenıet mınıstri Irada Aıýpova.

Saltanatty is-shara qazaq aqynynyń eskertkishine gúl shoqtaryn qoıý rásimimen qorytyndylandy.

QR Prezıdenti Qasym-Jomart Toqaevtyń shaqyrýymen 27 qarasha kúni elimizge Reseı Federasıasynyń Prezıdenti Vladımır Pýtın memlekettik saparmen keledi. Bul týraly Aqordanyń baspasóz qyzmeti habarlady.

Sapar aıasynda joǵary deńgeıdegi kelissózder júrgiziledi. Memleket basshylary Qazaqstan men Reseıdiń HH Óńiraralyq yntymaqtastyq forýmyna beınekonferensıa rejımi arqyly qatysady. 

28 qarasha kúni Qazaqstan Prezıdenti Qasym-Jomart Toqaevtyń tóraǵalyǵymen UQSHU Ujymdyq qaýipsizdik keńesiniń kezekti sesıasy ótedi. Jıynda aımaqtyq jáne halyqaralyq qaýipsizdiktiń negizgi máseleleri talqylanady. Otyrys qorytyndysy boıynsha birqatar qujatqa qol qoıylady.