Gennadıı Golovkın jańa qyzmetke taǵaıyndaldy

Taǵaıyndaý

Olympic.kz 30 mamyr 2024

Gennadıı Golovkın jańa qyzmetke taǵaıyndaldy

Qazaqstan Ulttyq Olımpıadalyq komıtetiniń prezıdenti Gennadıı Golovkın Halyqaralyq Olımpıada Komıteti Olympism 365 Komısıasynyń múshesi bolyp taǵaıyndaldy, dep habarlaıdy Olympic.kz.

Bul týraly HOK prezıdenti Tomas Bah myrza Qazaqstan UOK-ke resmı hat arqyly habarlady.

«Sizdi Komısıa múshesi etip taǵaıyndaý men úshin úlken mártebe. Komısıa jumysyna qosatyn úlken úlesińiz úshin Sizge aldyn ala alǵys bildiremin», - delingen hatta.

HOK komısıalaryn onyń prezıdenti Tomas Bah qurady jáne HOK-tyń qyzmetin úılestirip, strategıalaryn jasaqtap, sondaı-aq, sheshim qabyldaý úshin uıymnyń Atqarý komıteti men jumys sesıalaryna usynystar engizetin HOK-tyń jumys organdary bolyp tabylady.

Olympism 365 komısıasy BUU Turaqty damý maqsattaryna qol jetkizýdegi mańyzdy faktor retinde sporttyń rólin kúsheıtý úshin jumys isteıdi.

Olympism 365 strategıasy Olımpıadalyq qozǵatystyń ishindegi jáne odan tys kóptegen seriktestermen áriptestik ornatý jolymen júzege asady. Jobanyń basym baǵyttary halyqtyń densaýlyǵy men dene shynyqtyrý belsendiligin jaqsartý, ádilettilik, qaýipsizdik jáne ınklúzıvtilik qaǵıdattaryn nyǵaıtý, beıbitshilikti saqtaý jáne bilim berý arqyly sporttyń áleýmettik máni men olımpıada prınsıpterin kórsetedi.

Komısıa quramyna HOK músheleri, Olımpıadalyq qozǵalystaǵy tanymal fýnksıonerleri, sondaı-aq, Iordanıanyń taq murageri, hanzada Feızal Ál Hýsseın, Halyqaralyq jeńil atletıka federasıasynyń prezıdenti Sebastán Koe, Katar UOK prezıdenti, sheıh Djoan bın Hamad bın Halıfa Ál Tanı, sondaı-aq, belsendi sport qaıratkerleri men tanymal olımpıadashylar bar.

RELATED NEWS

Taǵaıyndaý

24 aqpan 2025

Arman Qyryqbaev Prezıdenttiń kómekshisi boldy

Memleket basshysynyń Jarlyǵymen Arman Qyryqbaev Prezıdenttiń ishki saıasat máseleleri jáne komýnıkasıalar jónindegi kómekshisi bolyp taǵaıyndaldy, dep habarlaıdy Aqorda.

Ol eńbek jolyn 1996 jyly Qazaqstan Respýblıkasy Syrtqy ister mınıstrliginiń referenti, attashesi bolyp bastaǵan. 1997-1999 jyldary - Qazaqstan Respýblıkasynyń Ózbekstandaǵy elshiliginiń attashesi, 1999-2000 jyldary-Qazaqstan Respýblıkasy Syrtqy ister mınıstrliginiń úshinshi hatshysy, keıin Qazaqstan Respýblıkasy Syrtqy ister mınıstrligi TMD isteri komıtetiniń ekinshi hatshysy. 2002-2004 jyldary – «ABE korporasıasy» JAQ Strategıa jáne marketıń departamentiniń dırektory, 2004-2005 jyldary – «K-MART» JSHS Bas dırektory.

2005 jyly Medeý aýdany ákiminiń orynbasary, 2005 jyldan 2006 jylǵa deıin Almaty qalasy jastar saıasatyn damytý memlekettik qorynyń dırektory, 2006 jyldyń sáýirinen 2008 jyldyń aqpanyna deıin Qazaqstan Respýblıkasy Mádenıet jáne aqparat mınıstrligi Qoǵamdyq-saıası jumys jáne jurtshylyqpen baılanys departamentiniń dırektory qyzmetterin atqarǵan.

2010 jyldyń qańtarynan 2012 jyldyń aqpanyna deıin Qazaqstan Respýblıkasy Mádenıet jáne aqparat Mınıstrligi Mádenıet komıtetiniń tóraǵasy, Qaraǵandy oblysy ákiminiń orynbasary qyzmetterin atqardy.

Arman Qyryqbaev 2012-2014 jyldary Qazaqstan Respýblıkasynyń Mádenıet jáne aqparat vıse-mınıstri laýazymynda boldy. 2014-2015 jyldary Nur Otan partıasy tóraǵasy birinshi orynbasarynyń keńesshisi bolǵan. Sondaı-aq, 2015 jyldyń qazanynan 2019 jyldyń shildesine deıin Almaty qalasy ákiminiń ishki saıasat, densaýlyq saqtaý, bilim berý, mádenıet, jastar saıasaty, tilderdi damytý jáne basqa da máseleler jónindegi orynbasary qyzmetin atqardy. Almaty qalasy ákiminiń orynbasary boldy.

2024 jyly Prezıdent Ákimshiliginiń Komýnıkasıalar bóliminiń meńgerýshisi laýazymyna taǵaıyndalǵan edi.

Taǵaıyndaý

24 aqpan 2025

Depýtat Rýslan Berdenov ákimniń orynbasary bolyp taǵaıyndaldy

Parlament Májilisiniń depýtaty Shymkent qalasy ákiminiń orynbasary boldy. Bul týraly aqparatty atalǵan qala ákimdigi habarlady.

Rýslan Berdenov Shymkent qalasynyń týmasy.

Bilimi joǵary, 2006 jyly menedjment mamandyǵy boıynsha ál-Farabı atyndaǵy Qazaq ulttyq ýnıversıtetin bitirgen. 2009 jyly KIMEP Ýnıversıtetin İskerlik basqarý magıstri (MBA) dárejesimen bitirdi.

Eńbek jolyn 2005 jyly «Almaty qus» AAQ («Seımar» toby) kompanıasynyń bólshek saýda dırektory qyzmetinen bastady.

2007 jylǵy aqpan-2010 jylǵy shilde-Procter & Gamble kompanıasynyń bas logıstıkalyq úılestirýshisi.

2010 jylǵy shilde-2012 jylǵy qarasha – «Eastcomtrans» JSHS jyljymaly quramdy jaldaý bóliminiń bastyǵy.

2012 jylǵy qarasha-2018 jylǵy mamyr – «Aq nıet» JSHS Bas dırektory.

2018 jylǵy qarasha-2019 jylǵy sáýir – «Aq nıet» JSHS Baıqaý keńesiniń múshesi.

2019 jylǵy sáýir-2023 jylǵy naýryz-Aq niet Group Baıqaý keńesi tóraǵasynyń orynbasary.

2023 jylǵy 29 naýryzdan bastap – «Respublica» partıasynyń partıalyq tizimi boıynsha VIII saılanǵan Qazaqstan Respýblıkasy Parlamenti Májilisiniń depýtaty.

Taǵaıyndaý

09 qazan 2024

Ulytaý oblysyna jańa ákim taǵaıyndaldy

Memleket basshysynyń Jarlyǵymen Dastan Adaıuly Ryspekov Ulytaý oblysynyń ákimi laýazymyna taǵaıyndaldy, dep habarlaıdy Aqorda.

Ulytaý oblysyn Berik Ábdiǵalıuly basqarǵan edi. Ol búgin Prezıdent jarlyǵymen qyzmetinen bosatyldy.

Dastan Ryspekov 1984 jyly 23 maýsymda Jezqazǵan qalasynda týǵan. Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademıasyn bitirgen.

Eńbek jolyn 2006 jyly Almatynyń Ekonomıka jáne búdjetti josparlaý departamentiniń boljamdaý jáne túsimder bóliminiń bas mamany bolyp bastaǵan.

2007-2016 jyldary Almaty qalasynda Ekonomıka jáne búdjettik josparlaý departamentinde, Almaty qalasy boıynsha Tekserý komısıasynda, Astana qalasy respýblıkalyq búdjettiń atqarylýyn baqylaý jónindegi esep komıtetinde basshylyq laýazymdarda jumys istedi.

Pavlodar oblysy Kásipkerlik, saýda jáne týrızm basqarmasynyń basshysy, «Astana EKSPO-2017» UK» AQ Ekonomıka jáne búdjetti josparlaý departamentiniń dırektory qyzmetin atqardy. Sodan keıin MSM Týrızm ındýstrıasy komıtetin basqardy.

Al 2023 jylǵy tamyzdan kúni búginge deıin Ulytaý oblysy ákiminiń orynbasary boldy.

Jańalyqtar

16 qyrkúıek 2025