Saýd Arabıasynyń Mekke jáne Mádına qalalary sý astynda qaldy, dep habarlaıdy Dailymail.

«Meteorologıalyq basqarma Mekke, Mádına jáne Djıdda qalalary úshin «qyzyl» deńgeıli qaýip jarıalady. Áleýmettik jelilerde taralǵan beınematerıaldardan qalalardyń kósheleri ózenge aınalǵanyn kórýge bolady. Kóptegen kólik sý astynda qalyp, kúshti aǵyndar kólikterdi aǵyzyp áketip jatty», — dep jazady basylym.

Keıbir kólikter men týrısik avtobýstar joldyń ortasyna tastalǵan. Úlken sý aǵyndary ádette qurǵaq bolatyn tasty aımaqtar arqyly tómenge túsip, jolyndaǵy aǵashtardy, qaldyqtardy, tipti ınfraqurylym nysandaryn shaıyp ketken.

Qatar astanasy Dohada Izraıl men HAMAS (AQSH pen Eýropa Odaǵy terorıstik uıym dep tanyǵan) Gaza sektoryndaǵy bitim týraly kelisimniń sońǵy nusqasyna qol qoıdy. Bul týraly VVS Izraıl premer-mınıstri Bınámın Netanáhýdyń keńsesine silteme jasap habarlady. 
AQSH pen Qatar ókilderi de Gaza sektoryndaǵy atysty toqtatý jáne kepilge alynǵan Izraıl azamattaryn bosatý týraly kelisimge qol qoıǵan.

 Netanáhýdyń keńsesi juma kúni Izraıldiń áskerı-saıası kabıneti "kelisimdi maquldaýǵa jınalady" dep habarlady. Keıin ony úkimet bekitýi kerek.

Sırıada Asad áýletiniń 50 jylǵa sozylǵan bıligi qulady. Bul týraly Reseıdiń SİM silteme jasap BBC habarlady.

24 jyl bılegen Bashar Asad elden ketti. Sırıa 2011 jyldan beri azamattyq soǵys jaǵdaıynda ómir súrip jatqan. «Islam memleketi» terrorlyq toby artqa shegingen soń Sırıada Asad bıligi kúsheıgendeı edi. 

Qazir Sırıa aýmaǵyn birneshe top baqylap otyr. Aldaǵy bir-eki aı Sırıa halqy úshin sheshýshi bolmaq. Ártúrli toptar eldi birneshe bólikke bólip bılikke talasýy múmkin. Kúrdter de bólinýge tyrysary anyq.