Qazirgi kezde Assambleıa ınstıtýty qazaqstandyq qoǵamnyń barlyq salalarynda belsendi jumys atqaratynyn baıqaýǵa bolady. Bul týraly QR Prezıdenti janyndaǵy QSZI Saıası zertteýler bóliminiń bas sarapshysy Dýlat Óteǵalı aıtty, dep habarlaıdy Ulys.

«Memleket basshysy Qasym-Jomart Toqaev Atyraý qalasynda ótken Ulttyq quryltaıda aıtylǵan gýmanıtarlyq-ıdeologıalyq doktrınasynyń tolyqtaı júzege asýy azamattyq qoǵamnyń negizgi ınstıtýttary tarapynan bolatyn qoldaýǵa tikeleı baılanysty ekenin atap ótti. Osyǵan oraı, Assambleıanyń jumysyn osy baǵytta úılestirýdiń mańyzdylyǵyna da erekshe nazar aýdaryldy. Qazirgi kezde Assambleıa ınstıtýty qazaqstandyq qoǵamnyń barlyq salalarynda belsendi jumys atqaratynyn baıqaýǵa bolady.  Máselen, otbasy ınstıtýtyn saqtaýǵa jáne urpaqaralyq, mádenıetaralyq baılanysty nyǵaıtý, rýhanı-adamgershilik qundylyqtarǵa tárbıeleýge, jastar arasynda quqyqbuzýshylyqtardyń aldyn alýǵa baǵytynda Assambleıa janynda «Aqsaqaldar keńesi» men Analar keńesiniń rólin erekshe atap ótýge bolady», - deıdi Dýlat Óteǵalı.

Onyń aıtýynsha búgingi kúnde elimizde QHA janynan 1119 Aqsaqaldar keńesi qurylyp, onyń quramyna belgili tulǵalar, qoǵamdyq pikir kóshbasshylary, etnomádenı, ardagerler birlestikteri jáne basqa da qoǵamdyq uıymdar qatarynan 7 myńnan astam adam múshe bolǵan.

«Byltyrǵy jylǵy derekter boıynsha Analar keńesi 252,5 myńnan astam adamnyń qatysýymen 6 myńnan astam is-shara ótkizgen. Sonymen birge, Qazaqstannyń barlyq óńirlerinde myńnan astam etnomádenı birlestikter jumys isteıdi jáne QHA jumysyn úılestiretin jáne qamtamasyz etetin 34 Dostyq úıi bar. Bul qazirgi kezde Assambleıa quryltaı barysynda aıqyndalǵan jalpyǵa ortaq qundylyqtardy, negizgi ıdeologemalardy qazaqstandyq qoǵamda keńinen nasıhattaý jáne taratý áleýetine ıe ekenin kórsetedi», - dedi sarapshy.

Atyraýda ótken Ulttyq quryltaıda Memleket basshysy Qasym-Jomart Toqaev óskeleń urpaqtyń densaýlyǵyna, jalpy ómirine qaýip tóndiretin veıp, nasybaı, esirtkige qumarlyq, qumarpazdyq sekildi keseldermen ymyrasyz kúres júrgizý qajettigin aıtqan bolatyn. Qazirgi qoǵamnyń ózekti problemasyna aınalǵan osynaý jat ádetterden urpaqty qorǵaý qajettigin elimizdegi úkimettik emes uıymdar da kóterip keledi. Solardyń biri – Qazaqstan halqy Assambleıasynyń «Analar» keńesi.

Osydan 10 jyl buryn, naqtyraq aıtqanda 2014 jyly qurylǵan keńestiń búginde oblystyq, aýdandyq, jergilikti deńgeıdegi, sonymen qatar etnomádenı birlestikter janyndaǵy 1 713 bólimshesi bar. Belsendi músheleri 13 myń adamnan asady. Keńes ótkeni jyly 250 myńnan astam adam qatysqan 6 myń is-shara ótkizdi.

«Maqsatymyz – otbasylyq qundylyqtardy, qazaqstandyq biregeılik pen jalpyulttyq birlikti saqtap, nyǵaıtý, adal azamat tárbıeleý. Osy baǵytta qazaqstandyq biregeılikti nyǵaıtý úshin memlekettik organdarǵa, azamattyq qoǵam ınstıtýttaryna járdemdesý, azamattardy qoǵamdyq kelisim men birlik mundylyqtaryna tóńiregine toptastyrýdy mindetimiz retinde belgilep aldyq. Respýblıkalyq jáne jergilikti deńgeıdegi máselelerdi talqylaý ári sheshim qabyldaý barysynda qoǵamdyq pikirdi eskerý, azamattyq qoǵam múddesin bildirý de mindetterimizdiń biri sanalady. Munan bólek, qoǵamdyq kelisimdi saqtaý, azamattyq biregeılikti qalyptastyrý jolyndaǵy Qazaqstan halqy Assambleıasy mindetteriniń tanymaldyǵyn arttyrý jáne ilgeriletý úshin de eńbek etip jatyrmyz», - dedi QR Prezıdenti janyndaǵy Áıelder isteri jáne otbasylyq-demografıalyq saıasaty jónindegi ulttyq komısıa múshesi, QHA «Analar» keńesiniń tóraǵasy Nazıpa Shanaı.

Búginde keńes birqatar jobany qolǵa alǵan. Olardyń qatarynda «Temekisiz» qoǵamdyq qorymen veıpter men elektrondy temeki aınalymyna tolyqtaı tyıym salýǵa baǵyttalǵan jumysyn ataýǵa bolady. Keńes uıytqy bolǵan «Veıpke tyıym salý» petısıasy áleýmettik jelige salynǵannan keıin qoldaýshylardyń 20 myńnan astam qolyn jınaǵan. Qazirgi ýaqytta osy baǵyttaǵy zań jobasy Senat qaraýynda.

«Esirtkisiz bolashaq» qoǵamdyq qorymen jasalǵan memorandým aıasynda «Jasyl sertıfıkat» jobasy júzege asyrylyp jatyr. Bul joba respýblıkalyq barlyq dárihanalarynda esirtki zattaryn tómendetýge baǵyttalǵan. Munan bólek, Mańǵystaý oblystyq sotymen «Otbasylyq sot» jobasy qolǵa alynǵan. Joba aıasynda «Analar keńesimen birge qolaıly quqyqtyq orta qalyptastyrýǵa baǵyttalǵan jumystar júrgiziledi. Osy jobanyń nátıjesinde ajyrasýǵa bel býǵa 20 obasynyń 11-i bastapqy nıetterin qaıtty jáne balalary tolyqqandy otbasynda tálim-tárbıe alyp jatyr. Astana, Almaty, Shymkent oblystarynyń bilim basqarmalarymen «Qaýipsizdik saǵaty» jobasyn da júzege asyryp jatyrmyz. Onyń aıasynda ata-analarmen kezdesip, ósip kele jatqan urpaqtyń, densaýlyǵyna, minez-qulqyna, tálim-tárbıesine keri áserin tıgizetin býllıng, lýdomanıa, esirtki men veıpterge táýeldilik sıaqty qoǵamdyq ózekti máselelerin talqylap, sheshý joldaryn birge qarastyramyz», - dedi Nazıpa Ydyrysqyzy.

Foto: QHA

Qazaqstan halqy Assambleıa músheleri sýdan zardap shekken oblystarǵa «Júrekten júrekke» aksıasy aıasynda 227 tonna gýmanıtarlyq kómek jiberdi, 277 mıllıon teńge jınap, qarjylaı kómek kórsetýde. Bul týraly Senat depýtaty Gennadıı Shıpovskıh  óziniń jelidegi paraqshasynda jazdy, dep habarlaıdy Ulys.

«Sońǵy kezde túrli beıne jáne jazba materıaldardy kórip ań-tań bolyp júrmin! Mysaly Qazaqstan halqy Assambleıasy sý tasqyny kezinde qaıda? Assambleıa ne istep jatyr? Assambleıa kerek emes, Assambleıa qandaı kómek beripti? Degen pikirler kóbeıipti! Ol durys emes aǵaıyn! Qazaqtyń jaqsy sózi bar “ Jaqsynyń jaqsylyǵyn aıt-nury tasysyn” degen! Elimizde qaıǵyly jaǵdaı oryn alǵan sátten bastap Qazaqstan halqy Assambleıasy sý tasqynynan zardap shekken azamattarǵa kómek berý úshin, arnaıy Respýblıkalyq shtab quryp, odan ári qaraı óńirlerde shtabtardy quryp gýmanıtarlyq kómek berý boıynsha jumysty úılestire bastady. Qazir bizdiń Assambleıa janyndaǵy “Assambleıa jastary” uıymynyń eriktileri barlyq sý basqan oblystarda kómekterin kórsetip jatyr! Egerde jalpylama aıtatyn bolsaq búgingi kúnge deıin Assambleıa músheleri sýdan zardap shekken oblystarǵa “Júrekten júrekke” aksıasy aıasynda 227 tonna gýmanıtarlyq kómek jiberdi, 277 mıllıon teńge jınap, qarjylaı kómek kórsetýde», - dedi senator.

Sonymen qatar ol óńirlerde 10 myńǵa jýyq eriktiler zardap shekken azamattarǵa,qutqarýshylarǵa, áskerı qyzmetkerlerge,qurylysshylarǵa óz kómekterin berip jatqany týraly aıtty.

«Qadirli aǵaıyn Assambleıa únsiz otyr, Assambleıa eshteme jasap jatqan joq dep aıtý durys emes degen oıdamyn. Aıtpaqshy áleýmettik jelide jalǵan aqparat óte kóp, mysaly Assambleıaǵa qyryp aqsha bólinedi, Assambleıa búdjetke qarap otyr dep. Dostar bul taza mıf! Barlyq kórsetilip jatqan, joǵaryda atalyp ótken Assambleıa tarapynan berilgen kómek jaıynda aıtatyn bolsaq, bul Assambleıa janyndaǵy túrli kásipkerler, mesenattar jáne etnomádenı birlestikterdiń kómegi! Aman bolaıyq dostar! Kúshimiz birlikte!», - dep tolyqtyrdy Gennadıı Shıpovskıh óz sózin.