Qazaqstan Respýblıkasynyń Tuńǵysh Prezıdenti – Elbasynyń Baspasóz qyzmetiniń habarlaýynsha, búgin Nursultan Nazarbaev Sooronbaı Jeenbekovpen kezdesý kezinde baýyrlas eldiń basshysynyń keýdesine «Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev» ordenin taqqan. Qazaqstannyń Tuńǵysh Prezıdenti baýyrlas eki halyq arasyndaǵy qatynastardyń joǵary deńgeıde ekenin atap ótti.
– Biz – bir-birimizge jaqyn, baýyrlas halyqpyz. Men Sizdiń elińizdi jaqsy bilemin. Qazaqstannyń aldaǵy ýaqytta da Sizdi qoldaıtynyna senimdimin, – dedi Elbasy.
Sooronbaı Jeenbekov joǵary marapat tapsyrǵany úshin Nursultan Nazarbaevqa alǵys aıtyp, Elbasynyń Ortalyq Azıa halyqtarynyń dostyǵyn nyǵaıtý isindegi erekshe rólin atap ótti.
– Siz Túrki áleminiń kóshbasshysy sanalasyz. Siz Ortalyq Azıa elderiniń dostyǵyn nyǵaıtý isine zor úles qostyńyz. Men úshin qazaq halqynyń Elbasysynan orden alý zor mártebe. Sizge shynaıy rızashylyǵymdy bildiremin, – dedi Qyrǵyz Respýblıkasynyń Prezıdenti.
sýretter akorda.kz saıtynan alyndy
