Qazaqstannyń birinshi raketkasy Elena Rybakına Olımpıada oıyndaryna qatyspaıdy. Bul jaıynda Sports.kz jazdy.
Tenısshi bul joly jarystan tys qalýdy jón dep sheshken.
Onyń esimin Olımpıadanyń resmı saıtynda jekeleı syndaǵy jáne mıkstegi setkadan alyp tastaǵan.
Bokstan Qazaqstan komandasynyń múshesi Nurbek Oralbaı Parıj Olımpıadasynyń kúmis medalin ıelendi, dep jazady Olympic.kz.
Erler arasynda 80 keli salmaqta fınalda judyryqtasqan Oralbaı fınalda ýkraınalyq Aleksandr Hıjnákqa ese jiberdi.
Osylaısha, qazaqstandyq boksshy ózi qatysqan alǵashqy Olımpıada oıyndarynda úzdikter qataryna enip otyr.
Bokstan Qazaqstan komandasynyń múshesi Nazym Qyzaıbaı el qorjynyna qola medal saldy, dep habarlaıdy Olympic.kz.
50 keli salmaqta synǵa túsken Qyzaıbaı jartylaı fınalda bokstan álem jáne Azıa oıyndarynyń chempıony, qytaılyq Vý Iýge ese jiberdi.
Osylaısha, Nazym Qyzaıbaı óz mansabynda tuńǵysh ret, ózi qatysqan alǵashqy Olımpıada oıyndarynda qola júldeger atanyp otyr.
Demeý Jadyraev grek-rım kúresinen Parıj Olımpıadasynyń kúmis júldegeri atandy, dep habarlaıdy Olympic.kz.
77 kelige deıingi salmaqta synǵa túsken Demeý fınalda japondyq Nao Kýssakıge ese jiberdi.
Araǵa jıyrma jyl salyp, grek-rım kúresinen Olımpıadanyń fınalynda beldesken Demeý Jadyraev otandyq sport tarıhyna esimin altyn áriptermen jazdy.
Buǵan deıin qazaq balýandary Olımpıadanyń fınalynan únemi syrt qalatyn.
Demeý Jadyraevty altynǵa para-par kúmis júldesimen quttyqtaımyz!
