QR Premer-Mınıstriniń orynbasary – ulttyq ekonomıka mınıstri Nurlan Baıbazarov Dúnıejúzilik bank tobynyń basqarýshy ári qarjy dırektory Anshýla Kantpen kezdesti, dep habarlaıdy Úkimettiń baspasóz qyzmeti.
Taraptar Qazaqstannyń ekonomıkalyq damýy jáne ınvestısıalar tartý jónindegi strategıalyq josparyn talqylady, ózara yntymaqtastyq týraly pikir almasty, buǵan qosa kólik, energetıka, sıfrlyq damý salasyndaǵy birlesken jobalar men áleýmettik jobalardy iske asyrý máselelerin pysyqtady.
Nurlan Baıbazarov Dúnıejúzilik bankpen ózara tıimdi yntymaqtastyqtyń oń dınamıkasyn atap ótip, Qazaqstanda neǵurlym ınklúzıvti ári ornyqty damýǵa qol jetkizý úshin júrgizilip jatqan reformalardy qoldaýǵa baǵyttalǵan banktiń elimizben seriktesigi odan ári jalǵasatynyna senim bildirdi.
Óz tarapynan Anshýla Kant Qazaqstanǵa, sondaı-aq ekologıalyq kún tártibine sáıkes keletin jáne búkil óńirdiń turaqty damýyna baǵyttalǵan memleketaralyq jobalarǵa qoldanylýy múmkin jańa qarjy quraldary men kepildikterdi usyndy.
Ol sondaı-aq Dúnıejúzilik banktiń Qazaqstanǵa qatysýy negizgi strategıalyq basymdyqtardy aıqyndaıtyn 2026-2030 jyldarǵa arnalǵan seriktestik strategıasy aıasynda keńeıetinin atap ótti.