Almatyda 2025 jyly uzyndyǵy 5,7 km, aýmaǵy 23,4 ga bolatyn Úlken Almaty ózeniniń jaǵalaýyn kóriktendirý jumystary bastalady.

2025–2027 jyldarǵa arnalǵan tıisti búdjet jobasy aldaǵy Máslıhat sesıasynda qaralady. Bul týraly qalalyq Máslıhattyń baspasóz qyzmeti habarlady.

Jobaǵa betondy tirek qurylymdaryn jańartý, jaıaý júrginshiler men velosıped joldaryn salý, kópirler ornatý, jaryqtandyrý tirekterin, beınebaqylaý kameralaryn, balalar men sport alańdaryn, demalys aımaqtaryn jáne modýldik qoǵamdyq dárethanalardy ornalastyrý kiredi. Sonymen qatar, aýmaqty kógaldandyrý jáne qaraý alańdaryn jasaý kózdelgen.

Aıta ketsek, 2024 jyly Almatynyń Alataý aýdanynda Boraldaı ózeni boıyndaǵy 24 gektar aýmaqty qamtıtyn jasyl aımaqty kóriktendirý aıaqtalǵan bolatyn. Bul jerde jaıaý júrginshilerge arnalǵan kópir, skeıtpark, balalar men sport alańdary, oryndyqtar, qoqys jáshikteri jáne modýldik dárethanalar ornatyldy. Mundaı jobalardyń tájirıbesi kórsetkendeı, kóriktendirilgen jaǵalaýlar men jasyl aımaqtar turǵyndardyń súıikti demalys ornyna aınalyp, qalalyq ortanyń sapasyn arttyrady.

Almaty oblysynyń ákimi Marat Sultanǵazıev Ortalyq komýnıkasıalar qyzmetinde ótken brıfıńte Sherzat Polattyń otbasyna úı salyp beretin mesenattar bar ekenin aıtty, dep habarlaıdy Ulys OKQ silteme jasap.

«Árıne, bul otbasynyń úı máselesi, kómek berý máselesine qatysty málimet bergenmin. Bizdiń aýdan, aýyl ákimdikteri, keıin ózimizdiń qurylymdar olarmen (Sherzat Polattyń otbasymen) tolyq baılanysta. Tıisti kómegin memlekettik emes uıymdar, mesenattar arqyly kórsettik. Qazir mesenattar men demeýshilerimiz úı salýǵa daıyn. Eger ıeleri artynan maquldap jatsa, jumysqa kirisýge daıynbyz. Qazir biz olarǵa usyndyq. Qys mezgili kezinde úıdiń tıisti qujattaryn daıyndap alaıyq degen», - deıdi Sultanǵazıev.

Osyǵan deıin oblys ákimi Talǵardaǵy jaǵdaıǵa baılanysty halyqty sabyrǵa shaqyrǵan bolatyn.

Buǵan deıin Sherzat Polattyń ákesi Qarjaýbaı Nurymovtyń ústinen Nurǵanat Ǵaıypbaevty jerleý rásimindegi áreketi úshin qylmystyq is qozǵalǵan edi.

Memleket basshysy Qasym-Jomart Toqaev Jetisý oblysyna sapary barysynda Úshtóbe qalasynda ornalasqan Kemel Toqaev atyndaǵy orta mektepke bardy, dep habarlaıdy Aqorda.

Qasym-Jomart Toqaevqa mektep dırektory Lázzat Ispanova oqýshylardyń jetistikteri týraly aıtyp, jazýshy murajaıymen tanystyrdy.

1997 jyly qurylǵan mýzeıge qalamgerdiń tutynǵan zattary, fotosýretteri, qujattary men kitaptary qoıylǵan. Prezıdentke jazýshynyń ómiri men shyǵarmashylyǵyna arnalǵan zıatkerlik oıyn jáne povesteriniń jelisi boıynsha shaǵyn qoıylym kórsetildi.

Sondaı-aq Memleket basshysyna «Kemel Toqaev atyndaǵy qaıyrymdylyq qory» atqarǵan jumystar jóninde baıandaldy. Bıyl Qordyń qurylǵanyna 15 jyl tolyp otyr.