Prezıdent İshki ister mınıstri Erjan Sádenovti qabyldady, dep habarlaıdy Aqorda.

Qasym-Jomart Toqaevqa elimizdegi krımınogendik ahýal týraly málimet berildi. Usynylǵan aqparatqa sáıkes jyl basynan beri qylmys deńgeıi tómendegen. Urlyq, tonaý, qaraqshylyq, buzaqylyq, sondaı-aq turmystyq zorlyq-zombylyq, mas kúıinde jáne kóshelerde jasalatyn quqyq buzýshylyqtardyń sany aıtarlyqtaı azaıǵan.

Mınıstr qylmyskerlerdi izdestirý jumysynyń nátıjesi týraly da baıandady. Atap aıtqanda, jyl basynan beri 782 adam, onyń ishinde 79 azamat shetelde ustaldy. İzdeýde júrgen 16 adam elge ekstradısıalandy.

Prezıdentke adam kóp jınalatyn jerlerde azamattardyń qaýipsizdigin qamtamasyz etý jóninde aqparat berildi. Terorıstik áreket turǵysynan alǵanda osal eki myńnan astam nysan, sonyń ishinde mektepter, joǵary oqý oryndary, saýda jáne oıyn-saýyq ortalyqtary, konsert zaldary men basqa da tarıhı-mádenı ǵımarattar tekserildi.

Sonymen qatar Erjan Sadenov kóshi-qon isin baqylaý jumystary jaıynda esep berdi. Jyl basynan beri elimizge 4,2 mıllıon shetel azamaty kelip, onyń 4 mıllıonǵa jýyǵy shekaradan keri shyqqan. Olardyń 90 paıyzy – TMD azamattary.

Memleket basshysyna uıymdasqan, kıber jáne esirtki qylmystaryna qarsy is-qımyl jónindegi, sondaı-aq quqyq buzýshylyqtardyń, onyń ishinde turmystyq zorlyq-zombylyqtyń aldyn alý, sý tasqyny saldaryn joıý, jol qaýipsizdigin qamtamasyz etý, kezekten tys attestasıalaý baǵyttaryndaǵy tapsyrmalarynyń oryndalý barysy tanystyryldy.

Budan bólek, mınıstr kóshelerdegi qaýipsizdik deńgeıin arttyrý jáne quqyq buzýshylyqtarǵa múlde tózbeýshilik qaǵıdatyn qamtamasyz etý úshin qabyldanyp jatqan sharalar týraly aıtty.

Kezdesý sońynda Qasym-Jomart Toqaev elimizdegi quqyqtyq tártip pen qoǵamdyq qaýipsizdik deńgeıin odan ári arttyrý jóninde birqatar tapsyrma berdi.