Valúta baǵamy
  • USD -

    476.3
  • EUR -

    522
  • RUB -

    5.39
Bıshimbaevqa qatysty is ózgerissiz qaldy
QR Joǵarǵy soty 26 maýsym 2024
Bıshimbaevqa qatysty is ózgerissiz qaldy

Apelásıalyq sot eks-sheneýnik Qýandyq Bıshimbaev pen onyń inisi Baqytjan Baıjanov úkimin ózerissiz qaldyrdy, dep habarlaıdy Ulys.

Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy. Qýandyq Bıshimbaev 24 jylǵa sottaldy.

RELATED NEWS
Qýandyq Bıshimbaev 24 jylǵa sottaldy
13 mamyr 2024
Qýandyq Bıshimbaev 24 jylǵa sottaldy

Áıelin óltirdi dep aıyptalǵan Qýandyq Bıshimbaevqa qatysty sot prosesi aıaqtaldy. Sýdıa Aıjan Qulbaeva Saltanat Núkenovany óltirdi dep aıyptalǵan eks-mınıstrge 24 jyl jaza kesti, dep habarlaıdy Ulys.

«Jaza mólsheri týraly máseleni sýdıa men alqabıler ashyq daýys berý arqyly sheshti. Sot úkimimen Bıshimbaev 24 jylǵa, Baıjanov 4 jylǵa bas bostandyǵynan aıyryldy», - dedi sýdıa.

Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy. Munan soń İshki ister mınıstrligi Qýandyq Bıshimbaevtyń ustalǵanyn rastady.

Túrkistanda pedofıl 25 jylǵa sottaldy
06 maýsym 2024
Túrkistanda pedofıl 25 jylǵa sottaldy

Túrkistanda úsh qyzdy zorlaǵan pedofılge sot úkimi shyqty. Jasóspirimderge azǵyndyq kórsetken sottalýshy 25 jylyn túrmede ótkizedi, dep habarlaıdy Ulys  OTYRAR-ǵa silteme jasap.

Sonymen qatar sot oǵan qatysty hımıalyq kastrasıalaý sharasyn taǵaıyndady.

Jaǵa ustatarlyq jaıt osydan eki jyl buryn Otyrar aýdany Arys aýylynda bolǵan. Sottalýshy aǵasynyń jasóspirim qyzymen birge oınaýǵa kelgen qurbylaryna qatysty birneshe ret jynystyq sıpattaǵy zorlyq-zombylyq jáne zorlaý áreketterin jasaǵan. Oqıǵanyń qalaı bolǵanyn jetkinshekterdiń ózderi aıtyp bergen.

«Qazaqstan Respýblıkasy Qylmystyq kodeksiniń 120-babynyń 4-bóligimen, 121-baby 4-bóligimin kináli dep tanylyp, oǵan túpkilikti pedagogıkalyq jáne kámeletke tolmaǵandarmen jumys isteýge baılanysty qyzmetpen aınalysý quqyǵynan ómir boıyna aıyra otyryp 25 jyl merzimge bas bostandyǵynan aıyrý jazasy, jazany qylmystyq-atqarý júıesiniń qaýipsizdigi ortasha mekemesinde óteý jazasy taǵaıyndalǵan», – deıdi Túrkistan oblystyq sotynyń baspasóz qyzmeti.

Astanada jas qyzdardy seksýaldy qyzmetke májbúrlegen qylmystyq top ustaldy
29 mamyr 2024
Astanada jas qyzdardy seksýaldy qyzmetke májbúrlegen qylmystyq top ustaldy

İshki ister mınıtsrligi 22-24 mamyr aralyǵynda «STOP-trafık» jedel aldyn alý sharasyn ótkizdi. Onyń barysynda adam saýdasynyń 49 faktisi, onyń ishinde kámeletke tolmaǵandarǵa qatysty toǵyz fakt anyqtaldy, dep habarlaıdy Polisia.kz.

Adamdar «trafıgimen» baılanysty zańǵa qaıshy áreketterdi júzege asyrǵan kúdiktilerge qatysty uıymdasqan qylmystyq top qurý jáne oǵan basshylyq etý derekteri boıynsha úsh tergeý bastaldy. 

Mysaly, Astana qalasynda toǵyz «elıtalyq» monsha kesheniniń aýmaǵynda jas qyzdardy seksýaldyq qanaý jáne májbúrleý boıynsha qylmystyq júıeni jolǵa qoıǵan 17 adamnan turatyn toptyń qylmystyq áreketiniń joly kesildi.

30-dan astam tintý kezinde aqsha jáne alty avtokólik tárkilendi.

Negizgi fıgýranttar qamaýǵa alyndy.

Shymkent qalasynda osyǵan uqsas uıymdasqan qylmystyq top áshkerelendi. Munda jalpy somasy 1 mln teńge jáne 16 myń AQSH dollarynan astam qarajat, 10 avtokólik tárkilendi.

Top jetekshileri men músheleri qamaýǵa alyndy.

— Petropavl qalasynda 2023 jyldan bastap zorlyq-zombylyq pen bopsalaý arqyly jas qyzdardy jynystyq qanaýǵa májbúrlep kelgen qylmystyq top áreket etken. Uıymdasqan qylmystyq top qurý, basqarý jáne oǵan qatysý deregi boıynsha qylmystyq is tergelýde, — dedi İİM uıymdasqan qylmysqa qarsy kúres departamentiniń ókili Qýandyq Alpys.

Birqatar óńirde áleýmettik osal toptardan shyqqan adamdardy qaıyr suraýǵa májbúrleý faktileri anyqtaldy. 

— Qaraǵandy qalasynda múmkindigi shekteýli jandarǵa qoqan-loqqy jáne kúsh kórsetip, olardy qaıyr suraýǵa májbúrlep, «bıznes» uıymdastyrǵan adamdar toby ustaldy. Qylmyskerler óz qurbandarynyń esebinen jylyna 10 mln teńgege deıin tabys taýyp otyrǵan. Osyǵan uqsas qylmystyq toptardyń áreketteri Aqtóbe, Almaty jáne Mańǵystaý oblystarynyń aýmaǵynda áshkerelendi. Onda múgedekter men jas balalardy bazarlar men vokzaldar aýmaǵynda paıdalanǵan. Barlyq qylmyskerler quryqtaldy. Bul baǵyttaǵy jumys júıeli túrde júrgiziledi, — dedi Qýandyq Alpys.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.