Premer-mınıstr Oljas Bektenov turǵyn úı qurylysyn odan ári damytý jáne baspana qoljetimdiligin arttyrý máseleleri boıynsha keńes ótkizdi. Bul týraly Úkimettiń baspasóz qyzmeti habarlady.

Memleket basshysynyń Ana tili gazetine bergen suhbatynda aıtqan tapsyrmalaryn oryndaý boıynsha jumys barysy qaraldy. Keńeske Ónerkásip jáne qurylys, Ulttyq ekonomıka, Qarjy mınıstrlikteriniń, «Otbasy bank» AQ, «Samuryq-Qazyna» UÁQ» AQ, «Báıterek» UBH» AQ basshylyǵy qatysty.

«Otbasy bankin» damý ınstıtýtyna aınaldyrý jáne salany odan ári damytý úshin jeke qarajatty tartý jónindegi jumysty jandandyrý tásilderi, sondaı-aq jeńildikti baǵdarlamalardy qarjylandyrý, onyń ishinde ónerkásip kásiporyndary qyzmetkerlerin qoldaý jáne jańa ónimderdi shyǵarý boıynsha usynystar talqylandy. Búginde «Qarajanbasmunaı», «Shubarkól kómir», «Eýroazıattyq energetıkalyq korporasıa», «SSKÓB», «Qazhrom» TUK», «Qazaqstan alúmınıi», «Qazaqstan elektrolız zaýyty» sıaqty iri kásiporyndar jáne basqa da uıymdarmen jumysshy kásip mamandary otbasylarynyń turmysyn jaqsartý jumystary bastaldy.

Premer-mınıstr Jumysshy mamandyqtary jyly aıasynda tehnıkalyq mamandarǵa arnalǵan ıpotekalyq jáne jalǵa beriletin jeńildikti turǵyn úı baǵdarlamasyn keńeıtý qajettigin atap ótti. Banktiń transformasıasy onyń «bir tereze» qaǵıdaty boıynsha muqtaj azamattardy baspanamen qamtamasyz etý jumysyn kúsheıtýge jáne jalpy alǵanda elimizdiń ekonomıkasyn damytýǵa baǵyttalǵan.

Ónerkásip jáne qurylys mınıstrliginiń derekteri boıynsha, 2024 jyldyń qorytyndysynda Qazaqstanda rekordtyq 18,9 mln sharshy metr turǵyn úı paıdalanýǵa berildi, bul ótken jylmen salystyrǵanda 6,4%-ǵa artyq. Salanyń naqty kólem ındeksi bir jylda 113,1%-dy qurady. 2029 jylǵa qaraı 111 mln sharshy metrge jetkizý jónindegi Prezıdent qoıǵan mindetterdi oryndaý boıynsha jumys júrgizilýde.

Memlekettik qoldaý sharalary sheńberinde azamattarǵa jalǵa beriletin, nesıelik baspanamen qamtamasyz etýi, «2-10-20», «5-10-20» jáne basqa da baǵdarlamalar iske asyrylýda. 2024 jyly «Otbasy banki» 1,29 trln teńge somasynda 71 452 nesıe berdi, onyń 39,8%-y bastapqy turǵyn úı satyp alýǵa arnalǵan. «Otaý» jáne «Naýryz» baǵdarlamalary boıynsha jalpy 251,9 mlrd teńgege 10 003 qaryz berildi.

Qazaqstannyń Ǵylym jáne joǵary bilim mınıstrligi jasandy ıntellekt boıynsha bilim baǵdarlamalary men kýrstar ázirlemek. Bul týraly Sıfrlyq Úkimettiń kóshpeli otyrysynda aıtyldy.

Atalǵan otyrysta Premer-Mınıstr Oljas Bektenov elimizde jasandy ıntellektini damytý baǵyttary týraly aıtty

«Sıfrlyq damý mınıstrligi óńir ákimderimen birge kelesi jyly memlekettik organdardyń qyzmetkerlerin jasandy ıntellekt quraldaryna oqytý jóninde sharalar qabyldaýdy tapsyramyn. Ǵylym jáne joǵary bilim mınıstrligi jasandy ıntellekt boıynsha bilim berý baǵdarlamalary men kýrstaryn daıyndasyn», - dedi Úkimet basshysy jıynda.

Bektenovtiń aıtýynsha, qazir azamattardyń kópshiligi jasandy ıntellekt týraly bile bermeıdi.

«Sıfrlyq qyzmetterdiń deni qarapaıym halyq úshin kúrdeli. Olardy barynsha ońaılatý kerek. Sıfrlyq damý mınıstrligine salalyq mınıstrliktermen birge qoldanystaǵy sıfrlyq sheshimderdi odan ári jetildirýdi tapsyramyn. Olardy qalaı paıdalaný kerek ekenin halyqqa keńinen túsindirý qajet», - dedi Bektenov.

Premer-mınıstr Oljas Bektenov QR Úkimeti janyndaǵy Quqyq buzýshylyqtyń aldyn alý jónindegi vedomstvoaralyq komısıa otyrysy sheńberinde kún tártibinen tys Premer-mınıstrdiń orynbasary Qanat Bozymbaevtyń Aqtaý qalasy mańyndaǵy ushaq apaty ornyndaǵy Úkimettik komısıanyń jumysy týraly esebi tyńdaldy. Bul týraly Úkimettiń baspasóz qyzmeti habarlady.

Qutqarý qyzmeti izdeý jumystaryn aıaqtady. Ushaq apaty saldarynan 29 adam aýrýhanaǵa jatqyzyldy, 38 adam qaza tapty. 

Pasıentter túrli jaraqattarmen, negizinen kóptegen jaraqatpen túsken. Jaǵdaı turaqtanǵannan keıin olar profılder boıynsha aýrýhanaǵa jatqyzyldy, tolyq kólemde em alyp jatyr. Sondaı-aq sanıtarlyq avıasıa jelisi arqyly Astanadan Ulttyq shuǵyl medısına ortalyǵy men jetekshi respýblıkalyq ortalyqtardyń joǵary bilikti mamandary keldi.

Qazaqstandyq mamandardan bólek RF TJM arnaıy keńesi men Ázerbaıjan Respýblıkasynyń sanıtarlyq avıasıa brıgadasy da keldi. Zardap shekkender men qaza tapqandardyń týystary keledi, olarǵa oblys ákimdigi transfert, ornalastyrý jáne tamaqtaný boıynsha qajetti kómek kórsetedi. Psıhologtar toby jumys istep jatyr. 

Kólik mınıstrligi Ázerbaıjan Respýblıkasy Úkimetimen birlesip jumys isteıdi. Erteń Brazılıanyń avıasıalyq bıligi men Embraer kompanıasy keledi dep josparlanǵan. Túpqaraǵan aýdanynda jergilikti tehnogendik sıpattaǵy tótenshe jaǵdaı rejımi jarıalandy.

Prezıdent Qasym-Jomart Toqaevtyń tapsyrmasy boıynsha zardap shekkenderge tolyq kólemde medısınalyq kómek kórsetilip qaza tapqandardyń týystary men jaqyndaryna qajetti qoldaý sharalary kórsetilip jatyr. Qazirgi ýaqytta jedel jeli jumys istep tur, oǵan myńnan astam qońyraý tústi.

- Birinshi kezekte qaza tapqandardyń týystary men jaqyndaryna kóńil aıtamyn. Qazaqstan Úkimeti men ýákiletti organdar zardap shekkenderge jáne qaıtys bolǵandardyń týystaryna barlyq qajetti kómekti kórsetip jatyr, - dep atap ótti Oljas Bektenov.

Premer-mınıstr avıasıalyq qaýipsizdikti kúsheıtý jóninde birqatar tapsyrma berdi. 

Qutqarý qyzmeti izdeý jumystaryn aıaqtady. Ushaq apaty saldarynan 29 adam aýrýhanaǵa jatqyzyldy, 38 adam qaza tapty.

Pasıentter túrli jaraqattarmen, negizinen kóptegen jaraqatpen túsken. Jaǵdaı turaqtanǵannan keıin olar profılder boıynsha aýrýhanaǵa jatqyzyldy, tolyq kólemde em alýda. Sondaı-aq sanıtarlyq avıasıa jelisi arqyly Astanadan Ulttyq shuǵyl medısına ortalyǵy men jetekshi respýblıkalyq ortalyqtardyń joǵary bilikti mamandary keldi.

Qazaqstandyq mamandardan bólek RF TJM arnaıy keńesi men Ázerbaıjan Respýblıkasynyń sanıtarlyq avıasıa brıgadasy da keldi.

Zardap shekkender men qaza tapqandardyń týystary keledi, olarǵa oblys ákimdigi transfert, ornalastyrý jáne tamaqtaný boıynsha qajetti kómek kórsetedi. Psıhologtar toby jumys istep jatyr.