Abaı oblysyna jańa ákim bolyp Berik Ýálı taǵaıyndaldy. Bul týraly Aqorda habarlaıdy.
«Memleket basshysynyń jarlyǵymen Berik Ýálı Abaı oblysynyń ákimi bolyp taǵaıyndaldy, ol burynǵy atqarǵan laýazymynan bosatyldy», - delingen Aqorda habarlamasynda.
Aıta keteıik, 1977 jyly Semeı oblysynda dúnıege kelgen.
T.Júrgenov atyndaǵy Qazaq memlekettik teatr jáne kıno ınstıtýtyn «Kınotanýshy», Ál-Farabı atyndaǵy Qazaq ulttyq ýnıversıtetin «Jýrnalısıka» (magıstratýra), sondaı-aq Qazaq ınovasıalyq gýmanıtarlyq-zań ýnıversıtetin «Quqyqtaný» mamandyqtary boıynsha bitirgen.
Eńbek jolyn 1997 jyly «Tań» telekompanıasynda «Almaty jańalyqtary» aqparattyq baǵdarlamasynyń tilshisi bolyp bastaǵan.
1998-1999 jyldary – «NTK» telearnasynda «Jańalyqtar» aqparattyq baǵdarlamasynyń shyǵarýshy redaktory.
2000-2007 jyldary – «31 kanal» teleradıokompanıasynda» «Informbúro» aqparattyq baǵdarlamasynyń bas redaktory, «Erkin sóz» baǵdarlamasynyń avtory ári júrgizýshisi, «Doda» saıası tok-shoýynyń bas redaktory ári júrgizýshisi.
2007-2012 jyldary – «Habar» Agenttigi» AQ Aqparattyq baǵdarlamalar dıreksıasy jańalyqtar qyzmetiniń tilshisi,
«Betpe-bet» aqparattyq-saraptamalyq baǵdarlamasynyń júrgizýshisi.
2009-2012 jyldary – «Nur Otan» partıasy «Nur-Medıa» JSHS Jemqorlyqqa qarsy medıa-ortalyǵynyń basshysy.
2012-2015 jyldary – Ońtústik Qazaqstan oblysy ákimi apparat basshysynyń orynbasary – baspasóz qyzmetiniń jetekshisi, İshki saıasat jáne din isteri basqarmasynyń basshysy.
2015-2016 jyldary – «Nur-Otan» partıasy tóraǵasy birinshi orynbasarynyń keńesshisi.
2016-2018 jyldary – Qazaqstan Respýblıkasy Investısıalar jáne damý mınıstriniń keńesshisi, Aqparattyq qamtamasyz etý departamentiniń dırektory.
2017-2018 jyldary – «Qazaqstan» ulttyq telearnasy «1-stýdıa» qoǵamdyq-saıası tok-shoýynyń júrgizýshisi.
2018-2019 jyldary – Jambyl oblysy ákimdigi İshki saıasat basqarmasynyń basshysy.
2019-2022 jyldary – Qazaqstan Respýblıkasy prezıdentiniń baspasóz hatshysy.
2022-2023 jyldary – «Habar» Agenttigi» AQ basqarma tóraǵasy.
2023 jylǵy 12 qyrkúıekte memleket basshysynyń ókimimen Qazaqstan Respýblıkasy prezıdentiniń keńesshisi – prezıdenttiń baspasóz hatshysy laýazymyna taǵaıyndaldy.