Konstıtýsıa kúnine oraı tuńǵysh ret BAQ ókilderi arasynda Qazaqstan Respýblıkasy Prezıdentiniń júldesi úshin shaǵyn fýtboldan respýblıkalyq týrnır bolyp ótti.
Týrnırdiń ashylý saltanatyna QR Mádenıet jáne sport mınıstri Aqtoty Raıymqulova, Nur-Sultan qalasynyń ákimi Altaı Kúlginov pen QR Prezıdentiniń baspasóz-hatshysy Berik Ýálı qatysyp, jarysqa qatysýshylardy Ata Zań merekesimen quttyqtap, sáttilik tiledi. «Astana-Arena» stadıonynda ótken jarysqa elimiz boıynsha 32 komanda qatysty. Tartysty ótken dodada bas júldeni aqtyq synda qarsylastary "Qazsport " komandasyn 5-1 esebimen utqan «Habar» arnasy jeńimpaz atanyp, 1,5 mln teńgeni qanjyǵaǵa baılady. Ekinshi oryn alǵan "Qazsport" 700 myń teńge, al úshinsh oryn alǵan «Habar24» komandasyna 300 myń teńge buıyrdy. Sonymen qatar, «úzdik qaqpashy», «úzdik shabýylshy», «úzdik qorǵaýshy», «úzdik surmergen» jáne «úzdik oıynshy» atalymdary boıynsha daralanǵandar 100 myń teńge kólemindegi aqshalaı syılyqpen marapattaldy. Jalpy jarystyń júlde qory- 3 500 000tg boldy.
