Búgin Bakýde Túrkitildes elder Parlamenttik Assambleıasynyń IX plenarlyq keńesi ótedi dep habarlaıdy trend.az saıty. Onda jazylǵan aqparatqa qaraǵanda, alqaly jıynnyń aldynda Túrkıa Uly Ulttyq Májilisi uıymnyń tóraǵalyǵyn Ázerbaıjannyń Parlamentine saltanatty túrde tabys etedi.
Sharaǵa TúrikPA-ǵa múshe elderdiń Parlament tóraǵalary bastaǵan delegasıalary men túrkilik uıymdardyń ókilderi qatysady. Plenarlyq májiliste TúrikPA-nyń turaqty komısıasynyń esebi men usynystary qaralady, modeldik zańdardy qabyldaý jaıy pysyqtalyp, Qazaqstanda bıyl ótken kezekten tys prezıdenttik saılaýǵa túrkilik qurylymdar tarapynan baqylaýshy bolǵan halyqaralyq mısıanyń esebi tyńdalyp, zańdyq qujattardyń qabyldaný máseleleri qaralady. Jıyn sońynda Baký deklarasıasy qabyldanady dep josparlanyp otyr.
