Baǵdat Mýsın «Qazaqtelekom» AQ basqarma tóraǵasy bolyp taǵaıyndaldy, dep habarlaıdy Ulys «Samuryq-Qazyna» qoryna silteme jasap.
Aıta keteıik kompanıanyń burynǵy basshysy Qýanyshbek Esekeev búgin Prezıdenttiń keńesshisi qyzmetine taǵaıyndaldy.
«Baǵdat Mýsınge qordyń eń mańyzdy aktıvteriniń birin basqarýda úlken tabys tileımin. Sondaı-aq, Qýanyshbek Esekeevke elimizdiń eń iri telekomýnıkasıalyq kompanıasyn 14 jyldan astam tabysty basqarǵany úshin alǵys aıtamyn. Qordyń negizgi kompanıalarynyń biri — „Qazaqtelekom“ AQ-nyń damýyna birinshi basshy retinde qosqan úlesińiz sheksiz», — dep atap ótti qordyń basqarma tóraǵasy Nurlan Jaqypov.
Baǵdat Mýsın 2004 jyly Súleımen Demırel atyndaǵy ýnıversıtetinde «Esepteý tehnıkasyn baǵdarlamalyq jáne tehnıkalyq qamtamasyz etý» mamandyǵyn alyp shyqqan.
2006 jyly Qazaq quqyq jáne halyqaralyq qatynastar ınstıtýtyn zańger mamandyǵy boıynsha támamdaıdy.
Eńbek jolyn 2004 jyly «Ulttyq aqparattyq tehnologıalar» AQ-da baǵdarlamalyq qamtamasyz etý jónindegi bas ınjener bolyp bastady.
2007 jyldan 2020 jylǵa deıin QR Ádilet mınıstrliginde, QR Baılanys jáne aqparat mınıstrliginde, Qazaqstan Respýblıkasynyń Bas prokýratýrasynda túrli memlekettik qyzmetterdi atqardy.
Sondaı-aq Qazaqstan Respýblıkasy Prezıdentiniń Qazaqstan Respýblıkasy sıfrlandyrý jáne ınovasıalyq tehnologıalar boıynsha keńesshisi boldy. Basqa da memlekettik laýazymdarda qyzmet atqardy.
Sońǵy birneshe jylda — 2020 jyldan 2024 jylǵa deıin — Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstri qyzmetin atqardy.
Sonymen qatar jeke kompanıalarda, onyń ishinde korporatıvtik venchýrlyq qorlardyń basshysy boldy.
2014-2016 jyldar aralyǵynda Baǵdat Mýsın «Qazposhta» kompanıasyn basqardy.
Eske sala keteıik, bir aı buryn Baǵdat Mýsın Memleket basshysynyń jarlyǵymen laýazymynan bosatylǵan edi.
