Ázirbaıjan men Qazaqstannyń týrızm salasyndaǵy yntymaqtastyǵy artady

Ázerbaıjan

15 sáýir 2019

Ázirbaıjan men Qazaqstannyń týrızm salasyndaǵy yntymaqtastyǵy artady

Búgin Almaty qalasynda «İİ Qazaqstan-Ázirbaıjan týrısik forýmy» bolyp ótti. Sharanyń ashylýynda «Kazakh Tourism» ulttyq kompanıasy basqarma tóraǵasynyń orynbasary Tımýr Dúısenǵalıev, Ázirbaıjan Respýblıkasynyń Qazaqstandaǵy elshiliginiń Almatydaǵy ókili Ramıl Rzaev, sonymen qatar "Rayda Tour Operator" týrızm kompanıasynyń jetekshisi Veronıka Lúbchenko sóz aldy.

Qazaqstannyń týrısik salasy týraly sóz qozǵaǵan Tımýr Dúısenǵalıev baýyrlas elder arasyndaǵy jańa áýe reıstiń ashylýyna qatysty týrızmniń de jańa múmkindikteri ashylǵanyna aıryqsha toqtaldy. Kaspıı teńizi týrlarynyń uıymdastyrylý áleýeti máselesine de mán berdi. Sondaı-aq ol Qazaqstan men Ázirbaıjan azamattarynyń barys-kelisin arttyrý «Kazakh Tourism» ulttyq kompanıasynyń da nazaryndaǵy máselelerdiń biri ekenine toqtaldy. Bunyń syrtynda ol 2017 jyldyń 3 sáýirinde Qazaqstannyń birinshi prezıdenti N.Nazarbaev men Ázirbaıjannyń prezıdenti Ilham Álıevtiń kezdesýinde de baýyrlas elder baılanysyn jańa deńgeıge shyǵarý týraly aıtylǵanyn eske salyp ótti. 2018-2020 jyldarǵa arnalǵan eki eldiń saýda-ekonomıkalyq baılanysyn damytýǵa arnalǵan jol kartasynda da basym baǵyttardyń belgilengenin mysalǵa keltirgen ol týrızm de sondaı mańyzy sala bolǵandyqtan basa mán berip, belsendilikti arttyratyn ýaqyt kelgenin eskertti.

Odan soń sóz alǵan Ázirbaıjan Respýblıkasynyń Qazaqstandaǵy elshiliginiń Almatydaǵy ókili Ramıl Rzaev Ázirbaıjan Respýblıkasynyń Qazaqstandaǵy elshisi Rashad Mammadovtyń quttyqtaý hatyn oqyp berdi. Quttyqtaý hatta baýyrlas elderge ásirese, týrızm salasynda yntymaqtastyqty arttyrý ýaqyt talaby ekeni aıtylady. Ózara týrızmdi damytýǵa ortaq tarıh, til men mádenıet múmkindik beretinine, baılanysymyzdy arttyra túsýge týrızmniń de mańyzdy ról oınaıtynyna toqtalǵan. Elshiniń oıynsha, Qazaqstan da Ázirbaıjan da úlken týrısik áláýetke ıe. Elder arasynda atalǵan salany birigip damytýǵa barlyq jaǵdaı bar. Sonymen qatar, mundaı forýmdar baılanysty arttyrýga jaqsy múmkindik beredi. Elshiniń quttyqtaý hatynda, sonymen qatar, 2 sáýirde Ázirbaıjan ulttyq áý kompanıasy “AZAL”-dyń Baký-Almaty-Baký reısin ashqany, onyń alda eki el ıgiligine qyzmet etetinine senetini de jazylǵan.

Forým barysynda sala mamandary sóz alyp, taqyrypty jan-jaqty talqylap, jańa múmkindikter máselesin qarastyrdy. Mundaı jıyn baýyrlas elderdiń týrısik baılanysyn jandandyryp, bir-birimizge saıahat jasaýǵa sony serpin bereri sózsiz.

RELATED NEWS

Ázerbaıjan

30 jeltoqsan 2024

Azerbaijan Airlines ushaǵyn jerden atqylaǵan - Ázerbaıjan prezıdenti

“Azamattyq ushaq Reseı aýmaǵynda, Groznyı qalasynyń mańynda syrttan zaqymdanyp, is júzinde basqarýdan aıyrylǵan. Biz sonymen birge ushaqty radıoelektrondy kúres quraldary arqyly basqara almaıtyndaı jaǵdaıǵa jetkizgenin de bilemiz. Bul ushaqqa keltirilgen alǵashqy zaqym” dedi Álıev ázerbaıjan telearnasyna bergen suhbatynda.

Ol atqylaýdyń saldarynan ushaqtyń artqy bóligi qatty zaqymdanǵanyn aıtty.

Onyń sózinshe, túpkilikti qorytyndy qara jáshikti ashqannan keıin belgili bolady. Ázerbaıjan prezıdentiniń sózinshe, ushaqty qasaqana atqylamaǵan.

Álıev sonymen birge "qandaı da bir gaz balony jaryldy" dep málimdegen Reseı bıligi kinásin moıyndap, Ázerbaıjannan keshirim suraýdyń ornyna "máseleni jasyrýǵa" tyrysty dedi.

“Reseıdiń resmı qurylymdarynyń qandaı da bir gaz balony jarylǵany jóninde boljamdy alǵa tartýy bizdiń kóńilimizdi qaldyrdy ári tańǵaldyrdy. Iaǵnı, Reseı jaǵy máseleni jasyrǵysy keletinin aıqyn kórsetti jáne bul árıne, abyroı ákeletin nárse emes” dedi Álıev.

Ázerbaıjan

25 jeltoqsan 2024

Ázerbaıjanda aza tutý kúni jarıalandy

Baký-Groznyı reısin oryndaǵan Embraer 190 jolaýshylar ushaǵynyń apatqa ushyraýyna baılanysty 26 jeltoqsanda Ázerbaıjanda aza tutý kúni jarıalandy, dep habarlaıdy Azertag agenttigi.

Ázerbaıjan Respýblıkasynyń Prezıdenti Ilham Álıev tıisti jarlyqqa qol qoıdy.

Eske salaıyq, búgin Bakýden Groznyıǵa bet alǵan «Ázerbaıjan áýe baǵyttary» kompanıasyna tıesili ushaq Aqtaý mańynda qulap tústi. Bortta 37 Ázirbaıjan, 6 Qazaqstan, 3 Qyrǵyzstan, 16 RF azamaty bolǵan. Ázirge 28 adam aman qalǵany aıtylýda.

Ázerbaıjan

26 qyrkúıek 2024

Ázerbaıjannyń Qazaqstandaǵy mádenıet kúnderi aýqymdy ótti

Ázerbaıjannyń Qazaqstandaǵy mádenıet kúnderine oraı ótken gala-konsertke myńǵa jýyq adam qatysty, dep habarlaıdy Ulys Mádenıet jáne aqparat mınıstrligine silteme jasap.

Ázerbaıjannyń Qazaqstandaǵy mádenıet kúnderi Q.Qýanyshbaev atyndaǵy memlekettik akademıalyq qazaq mýzykalyq-drama teatrynda ótken gala-konsertpen qorytyndylandy. Aýqymdy is-sharaǵa myńǵa jýyq kórermen - shyǵarmashylyq zıaly qaýym, vedimistik baǵynysty uıymdar ókilderi, sondaı-aq elorda turǵyndary men qonaqtary jınaldy.

Sondaı-aq konsertke QR Mádenıet jáne aqparat mınıstri Aıda Balaeva men Ázerbaıjan Respýblıkasynyń Mádenıet mınıstri Adıl Kerımlı qatysty.

Sahnada Ázerbaıjannyń Halyq ártisteri Samır Djafarov, Alıhan Samedov, Týnzalá Agaeva, Azer Zeınalov, Gýláz Mamedova, Ázerbaıjannyń eńbek sińirgen ártisteri Rashad Ilásov, Lala Mamedova jáne basqa da tanymal ónerpazdar óner kórsetti. İs-sharada Qazaqstan mádenıetin Qazaqstannyń eńbek sińirgen ártisi Álisher Kárimov pen halyqaralyq jáne respýblıkalyq baıqaýlardyń laýreaty Aıaýlym Qajymuhanqyzy Jýmkenova tanystyrdy.

Konsert barlyq qatysýshylardyń Qazaqstan men Ázerbaıjan arasyndaǵy mádenı birlik pen dostyqtyń sımvolyna aınalǵan Mýslım Magomaevtyń áıgili «Ázerbaıjan» ánin oryndaýymen aıaqtaldy.

Aıta keteıik, 24-26 qyrkúıek aralyǵynda Qazaqstanda Ázerbaıjannyń mádenıet kúnderi ótti. Onyń aıasynda Astanada kitaptardyń tusaýkeseri, etno-djaz konserti, eki eldiń Ulttyq kitaphanalary arasyndaǵy memorandýmǵa qol qoıý, sondaı-aq «Ázerbaıjan óneriniń injý-marjandary» kórmesiniń ashylýy jáne Ázerbaıjan memlekettik bı ansambliniń konserti ótti.

2023 jyldyń jeltoqsan aıynda Bakýde Qazaqstannyń Ázerbaıjandaǵy Mádenıet kúnderi joǵarǵy deńgeıde ótip, eki memleket arasyndaǵy mádenı baılanysty nyǵaıtýdaǵy mańyzdy qadam bolǵan edi.