Májilistiń jalpy otyrysynyń kýlýaryndaTótenshe jaǵdaılar mınıstri Shyńǵys Árinov sý tasqyny qaýpi bar aımaqta 23 eldi meken bar ekenin aıtty, dep habarlaıdy Ulys.

«Bul statısıkany mamandar beredi. Keıbir depýtattar osy óńirdiń barlyǵyn sý basady dep shoshyp jatyr eken. Olaı bolmaıdy. Belgili bir jumys júrgizemiz. Keıbir óńirden ol qaýipter joıyldy. Al óńirler boıynsha sý tasqyny qaýpi tónip turǵan TOP-5 aımaqty aıtatyn bolsaq, BQO, Qaraǵandy, Aqmola, Shyǵys Qazaqstan jáne Soltústik Qazaqstan oblystary bolyp otyr», - dedi Shyńǵys Árinov

Parlament palatalarynyń birlesken otyrysy barysynda QR Premer-Mınıstri Oljas Bektenov aýqymdy sý tasqynynyń saldaryn joıý jónindegi qalpyna keltirý jumystarynyń barysyna túsinikteme berdi. Bul týraly Úkimettiń baspasóz qyzmeti habarlady.

Úkimet basshysy sý tasqyny myńdaǵan azamatqa, sondaı-aq ınfraqurylymǵa, ekonomıkaǵa jáne jalpy elimizge aıtarlyqtaı zıan keltirgenin atap ótti.

120 myńnan astam adam óz úıinen evakýasıalandy. Olardyń 67 570-i úılerine oraldy. Bul rette búgin tańerteńgi málimet boıynsha 3 952 adam evakýasıalyq pýnktterde qalyp otyr. Barlyǵy 12 myń turǵyn úı (JTQ) jáne 26 myń saıajaı ýchaskeleri sý astynda qaldy. Sý astynda qalyp otyrǵan úıdiń sany — 98.

«Kómek kórsetý boıynsha aýqymdy jumys atqarylýda. Memleket basshysynyń úndeýine jaýap bere otyryp, iri bıznes eleýli qoldaý kórsetti, búdjettik resýrstar da tartyldy. Búgingi tańda 33 141 otbasy 100 AEK kóleminde ótemaqy aldy. Osy maqsatqa búdjetten 12 mlrd teńgeden astam qarjy bólindi», — dedi Oljas Bektenov.   

Onyń aıtýynsha, zardap shekken 17 982 úı boıynsha tekserý júrgizildi, 15 685 úıdi baǵalaý aıaqtaldy. Úılerdiń jartysyna jýyǵy jóndeý men qalpyna keltirýdi qajet etedi. Osy maqsattarǵa oraı 5823 otbasy ótemaqy aldy. Oǵan 38,6 mlrd teńge bólindi.

8 myńnan astam úı apatty jaǵdaıda dep tanyldy. Olar úshin zıandy óteýdiń 2 nusqasy bar:

1. páterlerdi nemese úılerdi qaıtalama naryqta satyp alý;

2. úı salý.

«Biz Prezıdenttiń tapsyrmasyna sáıkes zardap shekken azamattardyń talap-tilegin oryndaımyz. Búgingi tańda 3155 otbasy jańa baspana aldy. Túrli óńirlerde 2049 úıdiń qurylysy belsendi júrgizilip jatyr. Jalpy turǵyn úıdi qalpyna keltirýge jáne salýǵa 251 mlrd teńge baǵyttaldy», — dep atap ótti QR Premer-Mınıstri.

Sonymen qatar ınjenerlik jáne áleýmettik ınfraqurylymǵa, joldar zzıyn keldi. Atap aıtqanda, 2,3 myńnan astam energıamen jabdyqtaý tirekteri qırap, 54 km jeli úzildi. Búgingi tańda 40% qalpyna keltirildi, jaz aılarynda jumys belsendi jalǵasatyn bolady.

Respýblıkalyq jáne jergilikti joldardyń 290 ýchaskesinde avtomobıl qatynasy úzildi. Búginde Atyraý oblysynda bir ýchaskeni qospaǵanda, barlyq ýchaskeler boıynsha qozǵalys qalpyna keltirildi. Atalǵan ýchaskedegi qozǵalys sý ketken kezde ashylady.

Sonymen qatar, 39 bilim berý nysany sý astynda qaldy. Onyń 18-i aǵymdaǵy jóndeýdi, 11-i kúrdeli jóndeýdi qajet etedi, 9 bilim berý nysany odan ári paıdalanýǵa múldem jaramsyz jáne jańadan salynady. Bir bilim berý nysanynda áli de tekserý rásimi júrgizilip jatyr.

«Prezıdenttiń tapsyrmasyna sáıkes, kún sýytqanǵa deıin barlyq azamat jańa turǵynúıge qonystanyp, barlyq ınfraqurylym nysandary qalpyna keltiriletin bolady», — dep túıindedi Oljas Bektenov.

Soltústik Qazaqstan oblysyndaǵy s tasqynynan zardap sheken otbasylyr jańa úılerge yn jalastyrýda. Petropavl qalasyndaǵy «Birlık» shaǵyn aýdany jańa turǵyndarmen tolyqty. Búgingi tańda, sý tasqynynan zardap shekken otbasylır úshin 700 úıdiń qurylysy josparlanyp, 200 jańa turǵyn úı kiltteri tabys etildi.

Ónerkásip jáne qurylys mınıstri Qanat Sharlapaev jańa Birlik shaǵyn aýdanynda sý tasqynynan zardap shekkenderge salynyp jatqan úılerdiń qurylys barysymen tanysty. Sáıkesinshe, mınıstr zardap shekkenderge keltirilgen shyǵyndy óteý jónindegi jumystarmen, turǵyn úılerdiń jaı-kúıimen, keltirilgen zalaldyń nátıjelerimen jáne qajetti qosymsha q urylys jumystaryn barlap qaıtty.

QR Ónerkásip jáne qurylys mınıstrliginiń Ahýaldyq ortalyǵynyń málimetinshe, Soltústik Qazaqstan oblysynda barlyǵy 3 993 obektige tehnıkılyq tekserý júrgizildi, onıń boıynsha:
✅700 úı salý - 200 aıaqtaldy;
✅1329 úı satyp alý - 836 satyp alındy;
✅1964 úıge jóndeý jumystaryn júrgizý - 1001 aıaqtaldy.