Jabaı ózenindegi sýdyń deńgeıi 5 metrden asyp, Atbasar qalasyn sý aldy. Qalada tótenshe jaǵdaı jarıalandy, dep habarlaıdy Ulys TJM silteme jasap.
«Bıylǵy jyldyń 11 sáýirinde Jabaı ózeninde sý deńgeıiniń kúrt ósýine baılanysty saǵat 04:43-te topyraqpen qorshalǵan bógetiń alty ýchaskesi buzylyp, sý qalaǵa kirdi. Sý deńgeıi tez kóterilip, qaýipti deńgeı 5,95 metrge jetti. Osyǵan baılanysty sý tasqyny qaýpi bar aımaqtyń barlyq turǵyndary úılerin bosatýy kerek. Qazirgi ýaqytta aýdanda tótenshe jaǵdaı rejımi jarıalandy», - dedi Atbasar aýdan basshysy Amanbek Qaljanov turǵyndarǵa.
Sonymen birge, aýdan ákimi turǵyndardy dúrbeleńge túspeýge shaqyrdy.
Sonymen qatar, Atbasar qalasynda № 2, 3, 5, 6, 7 orta mektepter jáne «Olımp» DSK, Balalardyń mýzyka mektebinde evakýasıa pýnktteri uıymdastyrylǵan.