Memleket basshysy Malaızıa Premer-mınıstri Anýar Ibragımmen kezdesti, dep habarlaıdy Aqorda.
«Aqorda» rezıdensıasynda Premer-mınıstr Anýar Ibragım bastaǵan Malaızıa Úkimetiniń delegasıasyn saltanatty túrde qarsy alý rásimi ótti.
Memleket basshysy shaǵyn formattaǵy kezdesý barysynda Malaızıany Qazaqstannyń Ońtústik-SHyǵys Azıadaǵy mańyzdy ári senimdi seriktesteriniń biri retinde atady.
– Qazaqstan men Malaızıany uzaq jylǵy dostyq pen ózara yntymaqtastyq arqaýy baılanystyrady. Bizde bul baǵytta jaqsy dástúr qalyptasqan. Sondyqtan Sizdiń saparyńyz eki el arasyndaǵy baılanystardy odan ári damytýǵa tyń serpin beredi dep senemin. Biz kóptegen mańyzdy salalarda ózara yqpaldastyǵymyz ben yntymaqtastyǵymyzdy odan ári nyǵaıtý úshin qosymsha kúsh jumsaýǵa daıynbyz, – dedi Qasym-Jomart Toqaev.
Prezıdenttiń aıtýynsha, dıplomatıalyq qatynastar ornaǵan otyz jyl ishinde eki el arasynda ózara tıimdi yntymaqtastyqtyń berik negizi qalyptasty. Qazirgi geosaıası jáne ekonomıkalyq ahýalǵa baılanysty memleketterdiń qarym-qatynasyn odan ári nyǵaıtýdyń mańyzy arta tústi.
Óz kezeginde Anýar Ibragım qurmet kórsetkeni úshin Memleket basshysyna alǵys aıtyp, bul saparǵa zor mán berip otyrǵanyn atap ótti. Astanaǵa ózimen birge úlken quramda kelgen Malaızıa delegasıasy sonyń aıqyn dáleli bolady.
Áńgimelesý barysynda Qasym-Jomart Toqaev pen Anýar Ibragım saıası, saýda-ekonomıkalyq, ınvestısıalyq jáne gýmanıtarlyq salalardaǵy yqpaldastyqty keńeıtý joldaryn qarastyrdy. Sondaı-aq taraptar óńirlik jáne halyqaralyq kún tártibindegi ózekti máseleler jóninde pikir almasty.
Budan keıin kelissózder keńeıtilgen quramda jalǵasty.
