Astanadaǵy órtten 4 bala kóz jumdy

Oqıǵa

Foto: TJM 17 qarasha 2024

Astanadaǵy órtten 4 bala kóz jumdy

Astanada jeke turǵyn úıde bolǵan órt saldarynan balalardyń qaza tabýyna baılanysty qylmystyq is qozǵaldy, dep habarlaıdy Ulys.

Qalalyq TJD tergeý bólimi oqıǵany tergeýmen aınalysady.

«Eki qabatty turǵyn úıde órttiń bolýyna jáne onyń saldarynan balalardyń qaza tabýyna baılanysty órt qaýipsizdigi talaptarynyń buzylýy faktisi boıynsha TJD tergeý bólimi QR Qylmystyq kodeksiniń 292-babynyń 3-bóligine sáıkes qylmystyq is qozǵady. Bul bap órt qaýipsizdigi talaptaryn buzǵany úshin bes jyldan on jylǵa deıingi merzimge bas bostandyǵynan aıyrýdy qarastyrady, sondaı-aq úsh jylǵa deıinbelgili bir qyzmetpen aınalysý quqyǵynan aıyrý múmkindigin qamtıdy», – dep habarlady Astana TJD baspasóz qyzmeti.

Quqyq qorǵaý organdary tergeý aıaqtalǵannan keıin oqıǵa boıynsha nátıjelerdi jarıalaıtynyn málimdedi.

Esterińizge sala ketsek, órt 2024 jyldyń 17 qarashasynda Astana qalasyndaǵy jeke eki qabatty turǵyn úıde bolǵan. Órt úıdiń shatyryn qamtyp, onyń bir bóligi qulap ketken. Oqıǵa saldarynan 2 jastan 13 jasqa deıingi tórt bala qaza tapty. Ákimdiktiń málimetinshe, órt bolǵan úıde eki otbasy turǵan. Qaıǵyly oqıǵa bolǵan otbasyǵa psıhologıalyq, materıaldyq, turǵyn úı jáne basqa da qajetti kómek kórsetiledi.

RELATED NEWS

Oqıǵa

13 naýryz 2025

Túrkistanda 50-den astam adam sýshı men pıssadan ýlandy

Túrkistanda 57 adam tamaqtan ýlanyp, kómekke júgingen, dep habarlaıdy Ulys.

Túrkistan qalasynda dámhanadan pıssa, sýshı, chıken taǵamyn satyp alyp, ýlanǵandar sany 57 adamǵa jetti. Olardyń 28-i - kámelet jasqa tolmaǵan balalar. Barlyǵy 22 adam aýrýhanaǵa jatqyzylǵan, qalǵany ambýlatorlyq em qabyldap jatyr. Buǵan deıin jan saqtaý bólimine jatqyzylǵan úsh adam jalpy bólimge aýystyrylǵan.

Polısıa qaýlysymen atalǵan dámhana jabylyp, qylmystyq is qozǵaldy.

Resmı aqparatqa qaraǵanda, ýlanǵandardyń bári Túrkistan qalasyndaǵy dámhanadan pıssa, sýshı, chıken taǵamyn úıine tapsyryspen alyp, tamaqtanǵan. Kóp ótpeı olardyń ishi ótip, qusyp, basy aınalyp, kózi kirtıip, aıaq-qoly muzdap, erni kógergen. Barlyǵy jedel járdemmen aýrýhanaǵa jetkizilgen.

Oqıǵa

14 aqpan 2025

Astanada poıyz jolynda jarylys boldy

14 aqpanǵa qaraǵan túni Astanadaǵy temirjol vokzalyna poıyz arqyly jetkizilgen konteıner jaryldy, dep habarlaıdy Ulys.

Jarylys túngi saǵat 00:25-te Astana stansasyndaǵy irikteý alańynyń 12-jolaǵynda boldy. Elordaǵa poıyz arqyly jetkizilgen júk konteıneri jarylǵan. Bir adam qolynan jeńil jaraqat aldy, alaıda aýrýhanaǵa jatqyzýdy qajet etpedi.

Polıseıler jolaýshylar men jaqyn mańdaǵy turǵyndarǵa qaýip tónbegenin habarlady.

«Kóliktegi polısıa departamenti bul oqıǵa boıynsha «Temir jol kóligin paıdalaný nemese qozǵalys qaýipsizdigi erejelerin buzý» baby boıynsha qylmystyq is qozǵady. Oqıǵa ornyna dereý departament basshylyǵy jetken. Arnaıy jedel top quryldy, olar oqıǵanyń barlyq mán-jaıyn anyqtaýǵa kirisip ketti», - dep habarlady Kóliktegi PD.

QTJ jarylǵan konteınerdiń jeke kompanıaǵa tıesili ekenin habarlady. Aldyn ala málimet boıynsha ishinde elektr jabdyqtary – transformatorlar men generatorlar bolǵan.

Oqıǵa

27 naýryz 2025

Koreıada jol apatynan Qazaqstannyń 4 azamaty mert boldy

Ońtústik Koreıanyń Sohean avtomagıstralinde Qazaqstannyń 4 azamaty mingen kólik jardan qulap, salonda bolǵan barlyǵy mert boldy. Bul jaıynda Korea JoongAng Daily basylymy habarlaıdy.

Ońtústikkoreılik basylymnyń jazýynsha, 4 adam otyrǵan Mercedes-Benz kóligi jergilikti ýaqyt boıynsha shamamen 00:30-da Kengıdo ólkesiniń Hvason qalasynda joldyń oń jaq betindegi qorshaýǵa soǵylǵan. Sodan keıin kólik birneshe metr tómen qulap, órtengen.

Jol-kólik oqıǵasy týraly habar alysymen órt sóndirýshiler sol jerge shuǵyl attanǵan. Olar apattan keıingi 30 mınýttyń ishinde órtti sóndirgen. Qıraǵan kólikten 4 adamnyń máıiti tabylǵan.

Mert bolǵandardyń aty-jóni ázirge belgisiz. Polısıa apattyń naqty neden bolǵanyn anyqtap jatyr.

Jańalyqtar

01 mamyr 2025