"Astana-Zelenstroıdyń" burynǵy basshysy jemqorlyq kúdigimen ustaldy

Sybaılas jemqorlyq

skrınshot 17 maýsym 2024

"Astana-Zelenstroıdyń" burynǵy basshysy jemqorlyq kúdigimen ustaldy

"Astana-Zelenstroı" JSHS-niń burynǵy bas dırektory jemqorlyq qylmystar jasady degen kúdikke ilindi, dep habarlaıdy Ulys Antıkorǵa silteme jasap.

Astana boıynsha Sybaılas jemqorlyqqa qarsy qyzmet "Astana-Zelenstroı" JSHS burynǵy bas dırektoryna qatysty sotaldy tergeý júrgizip jatyr.

"Ol qylmystyq isti toqtatý úshin quqyq qorǵaý organdarynyń laýazymdy adamdaryna alaıaqtyq jasaýǵa jáne 15 mln teńge somasynda para berýge ıtermeleýge oqtalǵany úshin kúdikti.

Budan basqa, tapsyrys berýshileri Astana jergilikti atqarýshy organdary bolyp tabylatyn kópjyldyq butalardy otyrǵyzý boıynsha oryndalǵan jumystardyń qunyn arttyrý jolymen óziniń laýazymdyq ókiletin teris paıdalanǵany úshin kúdikti", - delingen habarlamada.

RELATED NEWS

Sybaılas jemqorlyq

11 aqpan 2025

Jemqorlyqpen kúres: Álemdik reıtıńte Qazaqstan neshinshi orynda

Transparency International «Sybaılas jemqorlyqty qabyldaý ındeksi» halyqaralyq reıtıńinde 2024 jyly Qazaqstan nátıjelerin taǵy da jaqsartty, dep habarlaıdy Ulys Antıkorǵa silteme jasap.

Álem boıynsha ortasha bal – 43, al «Shyǵys Eýropa jáne Ortalyq Azıa» aımaǵynda (19 el) 35 boldy.

Qazaqstan reıtıńiniń 2016 jyldan bastap aıtarlyqtaı ósken el retinde atap ótildi – 11 balǵa (29 baldan) ósý.

«Ortalyq Azıa óńiri elderiniń ishinde Qazaqstan eń joǵary pozısıany ıelenedi jáne reıtıńti jaqsartqan jalǵyz el bolyp sanalady. Indekste Qazaqstannan keıin Úndistan (38), Indonezıa (37), Argentına (37), Serbıa (35), Ýkraına (35), Brazılıa (34), Taıland (34), Túrkıa (34), Belarýs (33), Reseı (22) jáne t.b. elder ornalasqan. Jemqorlyqty qabyldaý ındeksi Qazaqstannyń reıtıńin shyǵarý úshin 9 túrli uıymnyń derekteri paıdalanylǵan kompozıttik ındeks bolyp sanalady. Reıtıń memlekettik sektordaǵy sybaılas jemqorlyqty qabyldaýdyń saraptamalyq jáne bıznes-baǵalaýlaryna negizdelgen», - delingen Antıkor habarlamasynda.

Sybaılas jemqorlyq

04 naýryz 2025

Fýtbol federasıasynyń burynǵy basshysyna qatysty tergeý bastaldy

Qazaqstan fýtbol federasıasynyń burynǵy basshylyǵyna qatysty tergeý júrip jatyr, dep habarlaıdy Ulys.

Qarjy monıtorıńi agenttigi Barmenqulovqa, sondaı-aq federasıanyń birqatar burynǵy qyzmetkerlerine qatysty tergeý áreketteri men tintý jumystaryn júrgizip jatyr.

Barmenqulov 2021-2024 jyldar aralyǵynda QFF basshysy qyzmetin atqarǵan.19 qarashada uıymnyń kezekten tys otyrysynda ol qyzmetinen ketti.

BAQ tarapynan kelip túsken suranystarǵa baılanysty, QMA Qazaqstan fýtbol federasıasynyń buryńǵy basshylyǵyna qatysty sotqa deıingi tergeýdi bastaǵanyn rastaıdy,- delingen Qarjy monıtorıńi agenttigi habarlamasynda.

Sybaılas jemqorlyq

21 aqpan 2025

Perızat Qaırat múgedek balalarǵa jınalǵan qarajatty jumsap jibergen – agenttik

Biz Birgemiz qorynyń burynǵy basshysy Perızat Qaırat taǵy bir is boıynsha alaıaqtyq jasady degen kúdikke ilindi, dep habarlaıdy Ulys Qarjylyq monıtorıń agenttigine silteme jasap.

P.Qaırat 2021 jyldyń qarasha aıynda Aqmola oblysynda «Batyr» qoǵamdyq birlestigine ońaltý ortalyǵyn salý úshin aqsha jınaý maqsatynda qaıyrymdylyq aýksıonyn uıymdastyrǵan. Jurttyń senimin arttyrý úshin ońaltý ortalyǵyna muqtaj múgedek balalar men olardyń ata-analaryn is-sharaǵa tartqan.

«P.Qaırat tarapynan taratylǵan jalǵan derekter boıynsha 48 mıllıon teńge jınalyp, quny 100 mıllıon teńge ǵımarat syıǵa tartylǵan. Alaıda, aýksıon kezinde shyn máninde 22 mıllıon teńge túsken, osy aqshany ol óziniń jeke qajetine jaratqan.

Sonymen qatar, P.Qaırat «Batyr» qoǵamdyq birlestigi úshin quny 30 mıllıon teńge jer telimin satyp alǵanyn málimdegen, alaıda bul ýchastokty 2019 jyly birlestik ózi satyp alǵan.

Ońaltý ortalyǵynyń qurylysy áli bastalmaǵan qalpynda tur. Ortalyqtyń qajettiligine berildi degen ǵımarat múldem joq bolyp shyqty.

Sotqa deıingi tergeý jalǵasýda. Tergeý múddesine baılanysty basqa aqparat jarıalanbaıdy», - delingen QMA habarlamasynda.

Jańalyqtar

28 sáýir 2025