Astanada 2024 jylǵy 8-13 qyrkúıek aralyǵynda 5-shi Dúnıejúzilik kóshpendiler oıyndary ótedi. Jarysqa álemniń 89 elinen 2 myńnan astam adam qatysady. Astananyń barlyq aýdanynda aldaǵy Dúnıejúzilik kóshpendiler oıyndaryna qyzý daıyndyq júrip jatyr, dep habarlaıdy elorda ákimdiginiń resmı saıty.
Daıyndyq aıasynda elorda aýqymdy is-sharanyń ereksheligin beıneleıtin shaǵyn sáýlet nysandarymen bezendirilgen.
Qalanyń túrli aýmaǵynda músinder, sándik qurylymdar men qondyrǵylardy qamtıtyn shaǵyn arhıtektýralyq formalar ornatylǵan. Bul elementter kóshpeli halyqtardyń mádenı murasyn, olardyń dástúrleri men ádet-ǵuryptaryn kórsetedi. Kıiz úıler, jylqylar, sondaı-aq tarıhı jáne mıfologıalyq beıneler sıaqty kóshpeli mádenıetke tán sımvolızmge erekshe nazar aýdarylady.
Túrli ınstallásıalar Nura aýdanyndaǵy ortalyq saıabaqta, Ǵashyqtar saıabaǵynda, «Azıa parki» SOO janynda, «Qazanat» ıpodromynyń aýmaǵynda ornatylady, onda birqatar jarys ótkiziledi.
Saryarqa aýdanynda temirjol vokzalynda, «Teatr» alańynda jáne «Radisson» qonaq úıiniń janynda arnaıy taqyryptaǵy shaǵyn sáýlet nysandary ornatylǵan.
Almaty aýdanynda «Nurly jol» vokzalynyń aýmaǵynda ınstallásıa ornatyldy.
Esil aýdanynda shaǵyn sáýlet nysandary «Astana-Báıterek» monýmentiniń janynda, Trıýmf arkasynyń janynda, Botanıkalyq baqta, jelekjolda jáne halyqaralyq áýejaıda ornalasqan.
Baıqońyr aýdanynda bes shaǵyn sáýlet nysany ornatyldy, taǵy ekeýiniń ornatylýy josparlanýda.
Sport jarystary men mádenı is-sharalarǵa 100 myńnan astam týrıs keledi dep kútilip otyr.
Memleket basshysy Qasym-Jomart Toqaev Týrızm jáne sport mınıstri Ermek Marjyqpaevty qabyldady, dep habarlaıdy Ulys Aqordaǵa silteme jasap.
Ermek Marjyqpaev prezıdentke Qazaqstan quramasynyń HHHİİİ jazǵy Olımpıada oıyndaryna daıyndyǵy týraly esep bergen.
Derekkózge súıensek, Qazaqstan ulttyq quramasy sporttyń 25 túrinen 92 lısenzıa ıelengen. Parıjde barlyǵy 80 sportshy el namysyn qorǵaıdy.
«Memleket basshysy Olımpıada oıyndarynyń sportshylarymyzǵa zor jaýapkershilik júkteıtinin atap ótti. Sondaı-aq Qazaqstan quramasy álem aldynda mádenıetti, ustamdy ári ozyq úlgilerimen erekshelenýge tıis ekenine nazar aýdardy», - delingen habarlamada.
Qazaqstandyq para sportshy Erkin Ǵabbasov Paralımpıada oıyndarynyń kúmis júlde aldy, dep habarlaıdy Ulys Paralımpıadalyq komıtetke silteme jasap.
Fınalda R1 klassynda vıntovkamen 10 metrge para nysana kózdeýden synǵa túsken otandasymyz 247.7 upaı jınap, kúmis júlde jeńip aldy.
Altyn medaldy 249.4 upaı jınaǵan Koreıa sportshysy Park Dj, al qola medal 226 upaı jınaǵan Danıa eliniń sportshysy enshiledi.
Qazaqstandyq Davıd Degtárev Parıjdegi Paralımpıada oıyndarynyń chempıony atandy, dep habarlaıdy Olympic.kz.
Ol paýerlıftıngten 54 kelige deıingi salmaq dárejesinde top jardy. Onyń eń úzdik nátıjesi – 188 keli.
Aıta ketelik, Degtárev óz mansabynda ekinshi ret Paralımpıada oıyndarynda jeńiske jetip otyr. Buǵan deıin ol Tokıodaǵy para oıyndarda top jarǵan edi.
Qazaqstan quramasynyń enshisinde eki medal bar. Buǵan deıin mergen Erkin Ǵabbasov kúmis júlde enshilegen.
