Aqtóbe oblysynda bir otbasynyń tórt adamy sýǵa batyp ketti, dep habarlaıdy Ulys «Dıapazonǵa» silteme jasap.
Qaıǵyly oqıǵa 3 tamyzda Áıteke bı aýdany Júrgenov aýylynda bolǵan. Yrǵyz ózenine birden tórt adam sýǵa batyp ketti: 13, 11 jáne 7 jastaǵy balalar, sondaı-aq olardy qutqarýǵa tyrysqan 39 jastaǵy er adam. Sýǵa batqan eki adam onyń balalary, úshinshi bala týysynyń qyzy eken.
Aqtóbe oblysy Tótenshe jaǵdaılar departamentiniń baspasóz qyzmeti bolǵan oqıǵanyń egjeı-tegjeıin baıandady.
«3 tamyzda Áıteke bı aýdanynda Temirbek Júrgenov aýylynda 4 adam sýǵa batyp ketti – 13, 11, 7 jastaǵy balalar jáne 1985 jyly týǵan er adam. 112-ge qońyraý 15:39-da tústi. Qutqarýshylar, polıseıler men jergilikti turǵyndar izdeý jumystaryna qatysty. 4 máıit 19:55 pen 21:55 aralyǵynda tabyldy. 39 jastaǵy er adam 13 jastaǵy ulymen jáne 11 jastaǵy qyzymen Atyraý oblysynan týysyna qonaqqa kelgeni anyqtaldy. 3 tamyzda týysy, onyń 7 jastaǵy qyzymen jáne balalarymen birge olar aýyldan 2 shaqyrym jerdegi Yrǵyz ózenine demalýǵa barǵan. Balalar jaǵanyń arǵy jaǵynda júzip júrgen jabaıy úırekterdi kórip, solarǵa qaraı barǵan», - dedi Aqtóbe oblysy TJD basshysy Isa Baıtursynov.
