Aqtaýda qulaǵan ushaq: Ázerbaıjan mamandary Qazaqstanǵa keledi

Oqıǵa

Foto: Azamat Sársenbaev 25 jeltoqsan 2024

Aqtaýda qulaǵan ushaq: Ázerbaıjan mamandary Qazaqstanǵa keledi

Ázerbaıjan prezıdenti Ilham Álıevtiń tapsyrmasy boıynsha atalǵan eldiń memlekettik organdardyń ókilderi ushaq apatyna baılanysty tergeý jumystaryn júrgizý úshin Qazaqstanǵa ketti, dep habarlaıdy ázerbaıjandyq Azertag agenttigi.

«Prezıdent Ilham Álıevtiń tapsyrmasy boıynsha sıfrlyq damý jáne kólik mınıstri, tótenshe jaǵdaılar mınıstri, Bas prokýrordyń orynbasary, densaýlyq saqtaý mınıstriniń orynbasary, azamattyq avıasıa memlekettik agenttigi dırektorynyń orynbasary, «AZAL» áýekompanıasynyń vıse-prezıdenti jáne basqa da tıisti memlekettik organdardyń ókilderi tergeý júrgizý maqsatynda oqıǵa ornyna - Qazaqstannyń Aqtaý qalasyna ketti», - delingen habarlamada.

RELATED NEWS

Oqıǵa

14 aqpan 2025

Astanada poıyz jolynda jarylys boldy

14 aqpanǵa qaraǵan túni Astanadaǵy temirjol vokzalyna poıyz arqyly jetkizilgen konteıner jaryldy, dep habarlaıdy Ulys.

Jarylys túngi saǵat 00:25-te Astana stansasyndaǵy irikteý alańynyń 12-jolaǵynda boldy. Elordaǵa poıyz arqyly jetkizilgen júk konteıneri jarylǵan. Bir adam qolynan jeńil jaraqat aldy, alaıda aýrýhanaǵa jatqyzýdy qajet etpedi.

Polıseıler jolaýshylar men jaqyn mańdaǵy turǵyndarǵa qaýip tónbegenin habarlady.

«Kóliktegi polısıa departamenti bul oqıǵa boıynsha «Temir jol kóligin paıdalaný nemese qozǵalys qaýipsizdigi erejelerin buzý» baby boıynsha qylmystyq is qozǵady. Oqıǵa ornyna dereý departament basshylyǵy jetken. Arnaıy jedel top quryldy, olar oqıǵanyń barlyq mán-jaıyn anyqtaýǵa kirisip ketti», - dep habarlady Kóliktegi PD.

QTJ jarylǵan konteınerdiń jeke kompanıaǵa tıesili ekenin habarlady. Aldyn ala málimet boıynsha ishinde elektr jabdyqtary – transformatorlar men generatorlar bolǵan.

Oqıǵa

26 jeltoqsan 2024

Aqtaý mańynda qulaǵan ushaqty reseılik zymyran zaqymdaǵan - Euronews

Aqtaý mańynda qulaǵan Azerbaijan Airlines áýe kompanıasynyń ushaǵyn reseılik «zemlá-vozdýh» zymyrany atyp túsirgen. Bul týraly Euronews Ázirbaıjan úkimetindegi derekkózge silteme jasap habarlady.

Euronews taratqan habarlamaǵa qaraǵanda, ushaq Groznyıǵa qonbaq bolǵan kezde zymyran ushyrylǵan, sol kezde olar dronnyń shabýylyn toıtaryp jatqan.

Boljam boıynsha, zymyran ushaqtyń janynda jarylyp, onyń synyqtary ushaqty zaqymdaǵan.

Euronews aqparat kózderine silteme jasaı otyryp, ushqyshtardyń apatty jaǵdaıda qoný týraly ótinish bildirgenin málimdedi. Alaıda ushaqtyń zaqymdanǵanyna qaramastan Reseıdiń eshbir áýejaıy qonýǵa ruqsat bermegen.

Eske salsaq, keshe Aqtaý mańynda ushaq qulap, 40-qa jýyq adam kóz jumdy. Onyń ishinde qazaqstandyq 6 adam boldy.

Oqıǵa

09 qyrkúıek 2024

Aqtaýda sarbaz kóz jumdy

Aqtaýda áskerde júrgen taǵy bir sarbaz kóz jumdy. Bas áskerı prokýratýra Aqtaýdaǵy sarbaz ólimine qatysty aqparat taratty, dep habarlaıdy Ulys.

2024 jylǵy 7 qyrkúıekte saǵat 17:10 shamasynda Aqtaý qalasyndaǵy Qorǵanys mınıstrligi áskerı bólimderiniń biriniń vzvod komandıri «Oımasha» polıgonynyń aýmaǵynda PM tabeldik tapanshasynan qatardaǵy B-ǵa oq atyp, ol kóz jumdy. Sol kúni Batys óńirlik áskerı-tergeý basqarmasy qasaqana kisi óltirý faktisi boıynsha sotqa deıingi tergeýdi bastady (QK 99-babynyń 1-bóligi), delingen áskerı prokýratýra málimdemesinde.

Málimdemege qaraǵanda, tergeý organy kúdiktini QPK-niń 128-baby tártibimen ustap, Aqtaý qalasynyń ýaqytsha ustaý ızolátoryna qamaýǵa alǵan.

İs boıynsha prosestik prokýror taǵaıyndalǵan.

Jańalyqtar

20 naýryz 2025