AQPARATQA QOL JETKİZÝ MÁSELELERİ JÓNİNDEGİ KOMISIA JYLDY QORYTYNDYLADY

Saıasat

26 jeltoqsan 2019

AQPARATQA QOL JETKİZÝ MÁSELELERİ JÓNİNDEGİ KOMISIA JYLDY QORYTYNDYLADY

Búgin elordada Aqparatqa qol jetkizý máseleleri jónindegi Komısıanyń 2019 jylǵy qorytyndy otyrysy ótti.

Aqparat jáne qoǵamdyq damý mınıstrligi saıtynda jarıalanǵan aqparatqa qaraǵanda, Aqparatqa qol jetkizý máseleleri jónindegi komısıanyń 2019 jylǵy qorytyndy otyrysy Aqparat jáne qoǵamdyq damý mınıstri Dáýren Abaevtyń tóraǵalyǵymen ótti. Oǵan Parlament Senaty men Májilisiniń depýtattary, ortalyq memlekettik jáne jergilikti atqarýshy organdardyń, IT-kompanıalardyń, ÚEU men aqparatqa qol jetkizý salasyndaǵy saraptamalyq qaýymdastyqtyń ókilderi qatysty.

Komısıa otyrysynda data-jýrnalıstıkany damytý perspektıvalarymen baılanysty máselelerdi, Jergilikti atqarýshy organdar ashyqtyǵynyń etalondyq úlgisiniń jobasyn, memlekettik organdardyń aqparattyq júıeleriniń derekterin taldaý nátıjelerin, sondaı-aq qujat aınalymyn tómendetý boıynsha memlekettik organdar qabyldaıtyn sharalar talqylandy.

Otyrys barysynda jergilikti atqarýshy organdar ashyqtyǵynyń etalondyq úlgisi jáne ákimdikterdiń ashyqtyǵyn qamtamasyz etý boıynsha oń tájirıbeni barlyq aımaqtarǵa taratý týraly Aqparatqa qol jetkizý salasyndaǵy memlekettik saıasat departamentiniń dırektory Raqymov Bekzat Raqymuly baıandama jasady.

Departament dırektory Bekzat Raqymov, óz sózinde 2018 jylǵy memlekettik organdar qyzmetiniń tıimdiligin baǵalaý qorytyndysy boıynsha Prezıdent Ákimshiliginiń ákimdikter ashyqtyǵynyń etalondyq úligisin ázirleý jónindegi tapsyrmasynyń júzege asyrylǵanyn atap óti.

«Aǵymdaǵy jyldyń 24 maýsymynda jergilikti atqarýshy organdardyń ashyqtyǵy máseleleri boıynsha respýblıkalyq semınar-keńes ótkizildi. Onyń jumysyna komısıa músheleri tikeleı qatysty. Semınar-keńes barysynda Nur-sultan jáne Almaty qalalary, Pavlodar jáne Batys Qazaqstan oblystary ákimdikteriniń qyzmetiniń ashyqtyǵyn qamtamasyz etýdiń úzdik tájirıbeleri tyńdaldy, İT-tehnologıalar men BAQ-pen komýnıkasıalardy qoldaný máseleleri, sondaı-aq múgedekterdiń aqparat alý kezindegi qajettilikteri talqylandy»- dedi Bekzat Raqymov.

Sondaı-aq ol bul baǵyttaǵy jumystarǵa «Rýhanı jańǵyrý» qazaqstandyq qoǵamdyq damý ınstıtýty» komersıalyq emes aksıonerlik qoǵamy tartylǵanyn aıtty. Atalǵan uıym turǵyndardy sheshimder qabyldaý prosesine tartý boıynsha ekonomıkalyq yntymaqtastyq jáne damý uıymy elderiniń ozyq tájirıbelerine taldaý júrgizgen.

«Rýhanı Jańǵyrý» QQDI QEAQ Basqarma Tóraǵasy óz baıandamasynda qazirgi ýaqytta JAO ashyqtyǵynyń tıptik modeli ázirlengenin jáne ol 17 óńirdiń ákimdikteriniń ókilderine tanystyrylǵanyn atap ótti.

Kemelbek Baqtuǵululynyń sózinshe, atalǵan tıptik model 7 baǵyttan turady. Naqtyraq aıtqanda 1 qadam –aqparat jınaqtaý, 2 qadam–problemany aıqyndaý, 3 qadam–daıyndaý prosesi, 4 qadam – sheshim, 5 qadam–azamattyq qoǵam ókilderimen kelisý, 6 qadam– oryndaý jáne monıtorıń, 7 qadam –baǵalaý.

Óz kezeginde, Aqparat jáne qoǵamdyq damý mınıstri Dáýren Abaev qoǵamnyń pikiri mindetti túrde memlekettik basqarý sheshimderin qabyldaý kezinde ár túrli deńgeıde anyqtalýǵa jáne eskerilýge tıis ekenin atap ótti.

Sondaı-aq, otyrysta Komısıa múshesi, «Internews Kazakhstan» uıymynyń zańgeri Olga Dıdenko Qazaqstanda data-jýrnalıstıkany damytý máselesin ortaǵa saldy.

Budan bólek, Komısıa otyrsynda «Zerde» UAH» AQ Ashyq úkimet jáne derekter departamentiniń dırektory G.D. Abdyǵalıeva memlekettik organdardyń aqparattyq júıeleriniń derekterin taldaý týraly, PMK Baqylaý jáne qujattamalyq qamtamasyz etý bólimi meńgerýshisiniń orynbasary B.A. Tileýov, MSM, BǴM, EHÁQM ókilderi Qujat aınalymdy qysqartý boıynsha memlekettik organdarmen iske asyrylǵan sharalar týraly báandama jasady.

Otyrys sońynda Komısıanyń 2020 jylǵy jumysynyń jospary tanystyryldy.

photo:qogam.gov.kz

RELATED NEWS

Saıasat

12 sáýir 2025

Qazaqstannyń úsh qalasyna erekshe mártebe berilmek

TMD Syrtqy ister mınıstrleri keńesiniń otyrysynda Astana, Almaty, Qaraǵandy «1941-1945 jj. Eńbek dańqy qalasy» qurmetti ataǵyn berý týraly sheshim kelisildi, dep habarlaıdy Bul týraly SİM habarlady.

Kezdesýde Qazaqstan premer-mınıstriniń orynbasary – syrtqy ister mınıstri Murat Nurtileý TMD uıymyn odan ári damytýǵa baǵyttalǵan birqatar usynysty ortaǵa saldy. Osy turǵyda Qazaqstan bastamalaryn júzege asyrýda Dostastyq boıynsha seriktesterdiń qoldaýy erekshe atalyp ótti.

«Elimizdiń usynysy boıynsha búgingi tańda Volontórler forýmy, Dostastyq jármeńkesi, TMD Akademıalyq astanasy jáne basqa da kóptegen joba birlesken kúsh-jigerdiń arqasynda iske asyrylyp jatyr nemese jaqyn bolashaqta ótkizýge josparlanǵan», – dep málimdedi syrtqy ister mınıstri.

Jeńistiń 80 jyldyǵy qarsańynda TMD elderiniń birqatar qalasyna, sonyń ishinde Astana, Almaty, Qaraǵandy jáne basqa da qalalarǵa «1941-1945 jj. Eńbek dańqy qalasy» qurmetti ataǵyn berý týraly sheshim kelisildi.

Syrtqy ister mınıstrleri keńesiniń kelesi otyrysy 2025 jylǵy qazan aıynda TMD Memleket basshylary samıti qarsańynda Dýshanbe qalasynda ótedi.

Saıasat

30 qyrkúıek 2024

Toqaev: Prezıdent – halyq jaldaǵan memlekettik qyzmetker

QR Prezıdenti Qasym-Jomart Toqaev «Eýrazıa keńistigindegi ornyqty damý jáne qaýipsizdik» konferensıasyna qatysty, dep habarlaıdy Aqorda.

Prezıdent óz sózinde buryn-sońdy bolmaǵan geosaıası turaqsyzdyq jaǵdaıynda dıplomatıa sheshýshi rólge ıe bolǵanyn atap ótti.

– Geosaıasat pen geoekonomıkadaǵy túbegeıli ózgerister, jahandyq deńgeıdegi klımattyq jáne demografıalyq syn-qaterler, pandemıanyń jańa qaýpi, qarýlaný básekesiniń órshı túsýi, tehnologıalyq progres, sonyń ishinde jasandy ıntellektini engizý jaǵdaıynda strategıalyq turaqtylyq pen ornyqty damý máseleleri barshamyz úshin ózekti bola tústi. Budan shyǵatyn qorytyndy anyq: halyqaralyq qoǵamdastyq syndarly dıalogqa tyń serpin berýi úshin kún tártibine oń ózgeris jasaýy qajet. Sondyqtan birtutas eýrazıalyq qaýipsizdik ıdeıasy kóppolárly, ádiletti jáne ornyqty álemdik tártipti qalyptastyrýǵa tujyrymdamalyq negiz bola alady, – dedi Qasym-Jomart Toqaev.

Memleket basshysy konferensıa qatysýshylaryna qoǵamdyq ómirdiń barlyq salasynda júzege asyrylyp jatqan Qazaqstandaǵy aýqymdy ózgerister jóninde málimet berdi.

Qasym-Jomart Toqaevtyń pikirinshe, saıası reformalardyń eń basty jańalyǵy – Konstıtýsıada Prezıdent mandatyn 7 jyldyq bir merzimmen shekteý týraly erejeniń bekitilýi.

– Mundaı norma postkeńestik elderdiń, tipti odan tysqary memleketterdiń eshqaısysynda joq. Meniń oıymsha, Prezıdentti bir ret jeti jylǵa saılaý – onyń saılaýaldy baǵdarlamasy men reformalaryn júzege asyrýǵa jetkilikti ýaqyt. Oǵan qosa Prezıdent – halyq jaldaǵan memlekettik qyzmetker. Elimizde Zań men Tártip ústemdik qurýǵa tıis ekenine senimdimin. Tek sonda ǵana reformalardy júzege asyrýǵa, sondaı-aq Qazaqstan ekonomıkasyna ınvestısıa tartýǵa qajetti jaǵdaı jasaı alamyz. Zań men Tártip – Ádiletti Qazaqstannyń negizi. Ádildikke qashan da, qaı jerde de muqtajdyq bar. Bizdiń elde de solaı. Qolǵa alǵan reformalardy iske asyrý qanshalyqty qıyn bolsa da, dittegen maqsatymyzǵa jetpeı qoımaımyz. Ony eshkim toqtatpaq turmaq, baǵytynan jańyldyra almaıdy, – dedi Memleket basshysy.

Qasym-Jomart Toqaev Qazaqstan men Reseı halyqtary arasyndaǵy dostyq baılanystardy nyǵaıtýda bilim salasynyń mańyzy zor ekenin atap ótti. Prezıdenttiń aıtýynsha, qazir Reseıde 60 myńnan astam qazaqstandyq stýdent oqıdy.

– Búginde elimizde Reseıdiń tanymal joǵary oqý oryndarynyń fılıaldary tabysty jumys istep keledi. Qazaqstanda Máskeý memlekettik halyqaralyq qatynastar ınstıtýtynyń fılıalyn ashý josparlanyp otyr, – dedi Qasym-Jomart Toqaev.

Plenarlyq otyrysta Reseı Prezıdentiniń kómekshisi Vladımır Medınskıı konferensıa qatysýshylaryna Vladımır Pýtınniń sálemin jetkizdi.

Máskeý memlekettik halyqaralyq qatynastar ınstıtýtynyń rektory Anatolıı Torkýnov oqý ornynyń 80 jyldyǵyna oraı osynaý is-sharany uıymdastyrǵany úshin Qazaqstan tarapyna alǵys aıtty.

– Biz konferensıa taqyrybyn kezdeısoq tańdaǵan joqpyz. Munyń aıasynda ekonomıka jáne qaýipsizdik salasyndaǵy kópjaqty yntymaqtastyqtyń dástúrli máseleleri klımattyq kún tártibindegi jańa syn-qaterlermen, sondaı-aq Eýrazıa keńistiginde energetıka jáne kólik ınfraqurylymyn damytýdyń jaı-japsarymen birge qaraldy, – dedi Anatolıı Torkýnov.

Jıynǵa Qazaqstan men Reseıdiń kórnekti ǵalymdary, dıplomatıalyq qyzmet ardagerleri, memlekettik organdar men mekemelerdiń basshylary, saıasattanýshylar jáne jastar uıymdarynyń ókilderi qatysty.

Saıasat

28 sáýir 2025

Aqordada Qonaev jáne Alataý qalalaryn damytý máseleleri aıtyldy

Memleket basshysy Almaty oblysynyń ákimi Marat Sultanǵazıevti qabyldady. Qasym-Jomart Toqaevqa Almaty oblysynyń 2025 jyldyń birinshi toqsanyndaǵy áleýmettik-ekonomıkalyq damýy týraly esep berildi. Bul týraly Aqorda habarlaıdy.

Marat Sultanǵazıev ekonomıkanyń negizgi sektorlarynda ósim baıqalatynyn baıandady. Atap aıtqanda, ónerkásiptik óndiris kólemi 507,9 mıllıard teńgeni, aýyl sharýashylyǵy ónimi 97,4 mıllıard teńgeni quraǵan. Shaǵyn jáne orta bıznes sýbektileriniń sany 146,2 myńǵa jetip, 7,7 paıyzǵa artqan.

Prezıdentke jyl basynan beri 12 jańa ónerkásip jobasynyń iske qosylǵany týraly málimet berildi. Onyń ishinde «GALANZ bottlers» óndiris alańynyń keńeıýi, «Bartoǵaı GES-28» jáne Sharyn ózenindegi shaǵyn GES kaskadynyń qurylystary sıaqty aýqymdy jobalar bar. Jalpy, óńirde quny 2,4 trıllıon teńgeni quraıtyn 122 joba júzege asyrylyp jatyr. Nátıjesinde 36 776 jumys orny ashylady.

Memleket basshysyna Qonaev jáne Alataý qalalaryn damytý barysy jóninde aıtyldy. Jańa bas josparǵa sáıkes, oblys ortalyǵynda «Smart Qonaev» qalany basqarýdyń biryńǵaı júıesi engizilýde. Alataý qalasynyń bas josparyna túzetýler jasaý jáne kólik-ınjenerlik ınfraqurylymdy jobalaý jumystary bastaldy.

Oblys ákiminiń aıtýynsha, «Jaıly mektep» ulttyq jobasy aıasynda 17 bilim ordasynyń qurylysy qolǵa alynǵan. Budan bólek, óńirdegi úsh aýysymdy oqý máselesin sheshý úshin memleket-jekemenshik áriptestik negizinde 19 mektep salý josparlanǵan. 2025-2027 jyldary 91 oqý oshaǵynda kúrdeli jóndeý jumystary júrgiziledi.

Memleket basshysy Qonaev jáne Alataý qalalaryn, jalpy Almaty aglomerasıasyn damytýǵa qatysty barlyq belgilengen maqsattardy sapaly ári ýaqtyly oryndaýdyń mańyzyn atap ótti. Prezıdent ındýstrıaldy aımaqtar men Alatau AEA-nyń áleýetin nyǵaıtýǵa, sondaı-aq komýnaldyq jáne eldi mekenderdegi joldardyń qurylysyna basa mán berýdi tapsyrdy.

Jańalyqtar

25 qarasha 2025