Ánshi Qaırat Nurtas ushaqta tóbeles shyǵardy

Oqıǵa

ánshiniń paraqshasynan aldyndy 05 shilde 2024

Ánshi Qaırat Nurtas ushaqta tóbeles shyǵardy

Ánshi Qaırat Nurtas Almaty-Astana baǵytyndaǵy ushaqta buzaqylyq kórsetip, jolaýshynyń densaýlyǵyna jeńil zıan keltirgen, dep habarlaıdy Ulys.

Jaqynda tanymal ánshi Qaırat Nurtas (Aıdarbekov) Almatydan Astanaǵa ushatyn ushaqtyń bortynda daý shyǵarǵan. Ánshi basqa jolaýshynyń densaýlyǵyna jeńil zıan keltirgen. Jábirlenýshiniń aty - Asylbek Bekqaıyrov. Bul jaǵdaıǵa baılanysty áýe kemesiniń komandıri polısıanyń kómegine júginýge májbúr boldy. Quqyq qorǵaý organdarynyń qyzmetkerleri ekeýin bólimshege alyp barady. Onda mýzykantqa eki ákimshilik quqyq buzýshylyq - densaýlyqqa qasaqana jeńil zıan keltirý jáne qaıta jasalǵan usaq buzaqylyq týraly hattama resimdeldi»,- dep jazdy Kozachkov telegram arnasy.

Buǵan deıin Nurtas sahnada beıádep sózder úshin aıyppul tólegen bolatyn, sondyqtan ol resıdıvıs bolyp shyqty. Asylbek Bekqaıyrovqa da hattama jasaldy.

Bul oqıǵaǵa qatysty Kóliktegi polısıanyń baspasóz qyzmeti habarlama jasady.

«Almaty-Astana» baǵytyndaǵy áýe reısiniń bortyndaǵy usaq buzaqylyq jáne densaýlyqqa qasaqana jeńil zıan keltirý faktisi boıynsha ákimshilik is qozǵalyp, materıaldar qaraý úshin sotqa joldandy»,- dep habarlady Kóliktegi polısıa departamentiniń baspasóz qyzmeti.

RELATED NEWS

Oqıǵa

27 naýryz 2025

Koreıada jol apatynan Qazaqstannyń 4 azamaty mert boldy

Ońtústik Koreıanyń Sohean avtomagıstralinde Qazaqstannyń 4 azamaty mingen kólik jardan qulap, salonda bolǵan barlyǵy mert boldy. Bul jaıynda Korea JoongAng Daily basylymy habarlaıdy.

Ońtústikkoreılik basylymnyń jazýynsha, 4 adam otyrǵan Mercedes-Benz kóligi jergilikti ýaqyt boıynsha shamamen 00:30-da Kengıdo ólkesiniń Hvason qalasynda joldyń oń jaq betindegi qorshaýǵa soǵylǵan. Sodan keıin kólik birneshe metr tómen qulap, órtengen.

Jol-kólik oqıǵasy týraly habar alysymen órt sóndirýshiler sol jerge shuǵyl attanǵan. Olar apattan keıingi 30 mınýttyń ishinde órtti sóndirgen. Qıraǵan kólikten 4 adamnyń máıiti tabylǵan.

Mert bolǵandardyń aty-jóni ázirge belgisiz. Polısıa apattyń naqty neden bolǵanyn anyqtap jatyr.

Oqıǵa

13 naýryz 2025

Túrkistanda 50-den astam adam sýshı men pıssadan ýlandy

Túrkistanda 57 adam tamaqtan ýlanyp, kómekke júgingen, dep habarlaıdy Ulys.

Túrkistan qalasynda dámhanadan pıssa, sýshı, chıken taǵamyn satyp alyp, ýlanǵandar sany 57 adamǵa jetti. Olardyń 28-i - kámelet jasqa tolmaǵan balalar. Barlyǵy 22 adam aýrýhanaǵa jatqyzylǵan, qalǵany ambýlatorlyq em qabyldap jatyr. Buǵan deıin jan saqtaý bólimine jatqyzylǵan úsh adam jalpy bólimge aýystyrylǵan.

Polısıa qaýlysymen atalǵan dámhana jabylyp, qylmystyq is qozǵaldy.

Resmı aqparatqa qaraǵanda, ýlanǵandardyń bári Túrkistan qalasyndaǵy dámhanadan pıssa, sýshı, chıken taǵamyn úıine tapsyryspen alyp, tamaqtanǵan. Kóp ótpeı olardyń ishi ótip, qusyp, basy aınalyp, kózi kirtıip, aıaq-qoly muzdap, erni kógergen. Barlyǵy jedel járdemmen aýrýhanaǵa jetkizilgen.

Oqıǵa

14 aqpan 2025

Astanada poıyz jolynda jarylys boldy

14 aqpanǵa qaraǵan túni Astanadaǵy temirjol vokzalyna poıyz arqyly jetkizilgen konteıner jaryldy, dep habarlaıdy Ulys.

Jarylys túngi saǵat 00:25-te Astana stansasyndaǵy irikteý alańynyń 12-jolaǵynda boldy. Elordaǵa poıyz arqyly jetkizilgen júk konteıneri jarylǵan. Bir adam qolynan jeńil jaraqat aldy, alaıda aýrýhanaǵa jatqyzýdy qajet etpedi.

Polıseıler jolaýshylar men jaqyn mańdaǵy turǵyndarǵa qaýip tónbegenin habarlady.

«Kóliktegi polısıa departamenti bul oqıǵa boıynsha «Temir jol kóligin paıdalaný nemese qozǵalys qaýipsizdigi erejelerin buzý» baby boıynsha qylmystyq is qozǵady. Oqıǵa ornyna dereý departament basshylyǵy jetken. Arnaıy jedel top quryldy, olar oqıǵanyń barlyq mán-jaıyn anyqtaýǵa kirisip ketti», - dep habarlady Kóliktegi PD.

QTJ jarylǵan konteınerdiń jeke kompanıaǵa tıesili ekenin habarlady. Aldyn ala málimet boıynsha ishinde elektr jabdyqtary – transformatorlar men generatorlar bolǵan.

Jańalyqtar

24 maýsym 2025