Almaty polısıa departamentiniń málimetine sáıkes, Naýryzbaı̆ aýdanyndaǵy jeke úı̆lerdiń birinde sıntetıkalyq esirtki jasalǵan. Tintý kezinde turǵyn úı̆diń jertólesinde qabattary bar shyny ydystar, prekýrsorlar, hımıalyq zattar men sıntez qaldyqtary salynǵan kanıstrler, tarazylar, aralastyrǵysh, sıntez kamerasy, qoıý-sary tústi suı̆yqtyq salynǵan ydystar, tynys alý organdaryna arnalǵan maskalar, hımıalyq jumystarǵa arnalǵan kombınezon jáne basqa da jabdyqtar anyqtalyp, tárkilengen.
Esirtki jasaǵan kúdiktige taǵy eki adam kómektesken. Olar qalanyń basqa aımaqtarynda ustaldy.
«Sot-hımıalyq saraptamasynyń qorytyndysyna sáı̆kes, tárkilengen zattar sıntetıkalyq psıhotroptyq zat «mefedron» ekendigi belgili boldy, prekýrsordyń jalpy salmaǵy 7 keliden asty. Atalǵan derek boı̆ynsha Naýryzbaı̆ aýdandyq PB-da sotqa deı̆ingi tergeý amaldary júrgizilip jatyr. Kúdiktiler qamaýǵa alyndy», - PD habarlamasynda.
