Almatyda “Jas saqshy” komandalary arasynda shaǵyn fýtboldan týrnır ótti, – dep habarlaıdy Polisia.kz.
Buryn habarlanǵandaı, qazaq mektepterinde “Jas saqshy” polısıa synyptary birtindep ashylýda.
Bul – İshki ister mınıstrliginiń basym jobasy jáne eń aldymen patrıotızm men Otanǵa degen súıispenshilikti tárbıeleýge, mektep jaǵdaıynda quqyq buzýshylyqtyń aldyn alýǵa jáne mamandyq tańdaýda kómek kórsetýge baǵyttalǵan. Bul bastama İİM úshin polısıanyń kásibı ózegin saqtaýdyń, urpaqtar sabaqtastyǵyn qamtamasyz etýdiń, ýaqyt ótken saıyn qalyptasqan ozyq dástúrlerdi nasıhattaýdyń erekshe mańyzdylyǵyn kórsetedi.
Almatyda jas polıseıler bas qosty. Ótken demalys kúnderi jasóspirimder arasynda shaǵyn fýtboldan týrnır ótti. İshki ister mınıstriniń kýbogy úshin 21 komandadan 200 bala baq synady. Týrnırge qatysýshylar sharanyń saltanatty ashylýy ótken QR İİM M.Esbýlatov atyndaǵy Almaty akademıasyna ornalastyryldy. Balalarǵa Almaty polısıasynyń arnaıy tehnıkasy men JQAJ sarbazdarynyń tamasha qoıylymy kórsetildi. Oıynnyń ózi “Dınamo” stadıonynda “Qaırat” fýtbol klýby ókilderiniń belsendi qatysýymen ótti. Eki kúnge sozylǵan oıyndardyń qorytyndysy boıynsha týrnırlik keste kelesideı boldy: Shymkent qalasynyń komandasy 1 oryndy ıelendi; Túrkistan oblysynyń ókilderine 2 oryn; Jetisý óńiriniń komandasy 3-shi orynmen marapattaldy.
QR İshki ister mınıstriniń kýbogy úshin shaǵyn fýtboldan ótken týrnırdiń qatysýshylary men jeńimpazdary kýboktarmen, maqtaý qaǵazdarymen jáne estelik syılyqtarmen marapattaldy.
