Almatydaǵy Ortalyq mádenıet jáne demalys saıabaǵyndaǵy áıel kishkentaı qyzyn tunshyqtyryp óltirip, sosyn ózine qol salǵan, dep habarlaıdy Ulys.
Almatyda aınalmaly sheńberden qulap mert bolǵan jas kelinshek, óz-ózine qol jumsamas buryn kishkentaı qyzyn óltirgen.
Almaty oblysynyń polısıasy aqparatty rastady.
«Kámeletke tolmaǵan balanyń ólimine qatysty tergeý amaldary júrgizilip jatyr. Tergeý múddesi úshin basqa málimetter jarıa etilmeıdi», – dep atap ótti vedomstvodan.
Aqtaý mańynda qulaǵan Azerbaijan Airlines áýe kompanıasynyń ushaǵyn reseılik «zemlá-vozdýh» zymyrany atyp túsirgen. Bul týraly Euronews Ázirbaıjan úkimetindegi derekkózge silteme jasap habarlady.
Euronews taratqan habarlamaǵa qaraǵanda, ushaq Groznyıǵa qonbaq bolǵan kezde zymyran ushyrylǵan, sol kezde olar dronnyń shabýylyn toıtaryp jatqan.
Boljam boıynsha, zymyran ushaqtyń janynda jarylyp, onyń synyqtary ushaqty zaqymdaǵan.
Euronews aqparat kózderine silteme jasaı otyryp, ushqyshtardyń apatty jaǵdaıda qoný týraly ótinish bildirgenin málimdedi. Alaıda ushaqtyń zaqymdanǵanyna qaramastan Reseıdiń eshbir áýejaıy qonýǵa ruqsat bermegen.
Eske salsaq, keshe Aqtaý mańynda ushaq qulap, 40-qa jýyq adam kóz jumdy. Onyń ishinde qazaqstandyq 6 adam boldy.
Qostanaı oblysyndaǵy Jitiqara qalasynda qaıǵyly oqıǵa bolǵan. Úı shatyry opyrylyp qulaǵan kezde onda eresekterdiń qaraýynsyz qalǵan 2011, 2016, 2018, 2019, 2022, 2023 jyly týǵan balalar bolǵan. Ókinishke qaraı, úıindilerdi tazalaý kezinde bes balanyń denesi tabyldy. 2011 jyly týǵan balalardyń úlkeni zardap shekken joq. Bul týraly Ulys TJM silteme jasap habarlaıdy.
«Búgin saǵat 04:29-da Jitiqara qalasyndaǵy jeke sharýa qojalyǵynyń aýmaǵynda órt shyǵyp, saldarynan turǵyn úıdiń shatyry opyrylyp tústi. Qutqarýshylar oqıǵa ornyna 7 mınýt ishinde jetti, úı tolyǵymen órtke orandy. Jalyn saǵat 06:08-de aýyzdyqtalyp, tolyǵymen sóndirildi. Aldyn ala málimet boıynsha, balalardyń anasy keshkisin tanysyna ketken. Kúıeýi túrmede otyr», - dep habarlady oblystyq TJD.
Oqıǵanyń sebepteri anyqtalyp jatyr. Órt-tehnıkalyq zertteý taǵaıyndaldy. Apattar medısınasy ortalyǵy fılıalynyń psıhologtary týystaryna qajetti psıhologıalyq kómek kórsetip jatyr.
Tótenshe jaǵdaılar mınıstrligi Aqtaý qalasy mańyndaǵy áýe apatynan mert bolǵan qazaqstandyqtardyń aty-jónin jarıalady.
Ushaq apaty kezinde mert bolǵan Qazaqstan Respýblıkasynyń azamattary týraly aqparat:
— Tólesinov Sándibek Ekibaıuly, 16.11.1988 jyly týǵan, týǵan jeri: Mańǵystaý oblysy, Jańaózen qalasy;
— Jumaǵulov Baýyrjan Jumabaıuly, 30.09.1985 jyly týǵan, týǵan jeri: Mańǵystaý oblysy, Jańaózen qalasy;
— Mahsýdova Galına Rastambekovna, 12.01.1978 jyly týǵan, týǵan jeri: Mańǵystaý oblysy, Aqtaý qalasy;
— Shaımerdenova Gaýhar Jumaǵatqyzy, 17.07.1975 jyly týǵan, týǵan jeri: Almaty qalasy, Astana qalasynyń turǵyny;
— Jumaǵat Eldar 23.08.2013 jyly týǵan, Astana qalasynyń turǵyny;
— Djýtaeva Salıma Amanjolqyzy, 21.02.1995 jyly týǵan, týǵan jeri: Qostanaı oblysynyń týmasy, turǵan jeri Qaraǵandy qalasy.
Eske salsaq, Bakýden Reseıdiń Groznyı qalasyna baǵyt alǵan áýe kemesi Qazaqstan aýmaǵynda apatqa ushyrady.
