Almaty oblysy polısıa departamentinde aýys-túıis boldy

Taǵaıyndaý

Foto: İİM 19 qazan 2024

Almaty oblysy polısıa departamentinde aýys-túıis boldy

İshki ister mınıstri Erjan Sadenov 2024 jyldyń toǵyz aıyndaǵy jedel qyzmettiń qorytyndylary boıynsha jıyn ótkizip, jańa basshylyqty tanystyrdy, dep habarlaıdy Ulys IIM silteme jasap.

Jıynda Erjan Sadenov oblystyq PD-nyń jańa basshysyn tanystyryp, QR Prezıdenti Ákimshiliginiń kelisimimen, İshki ister mınıstriniń buıryǵymen Almaty oblystyq polısıa departamentiniń bastyǵy bolyp Meıram Ábikeev taǵaıyndalǵanyn aıtty. Ábikeev buǵan deıin Soltústik Qazaqstan oblysy PD bastyǵynyń orynbasary qyzmetin atqarǵan. Sondaı-aq, oblystyq PD bastyǵynyń birinshi orynbasary bolyp Baǵdat Áshimov taǵaıyndaldy.

Mınıstrdiń buıryǵymen birneshe laýazymdy tulǵa qyzmetterinen bosatyldy:

• PD bastyǵynyń birinshi orynbasary Serik Shalharov;

• Talǵar aýdandyq polısıa basqarmasynyń bastyǵy Nurjan Kúntúnov;

• PD ekstremızmge qarsy is-qımyl basqarmasynyń bastyǵy Ulan Baıtaqov;

• PD krımınaldyq polısıa basqarmasynyń bastyǵy Rýslan Smaǵulov;

• PD uıymdasqan qylmysqa qarsy kúres basqarmasynyń bastyǵy Dýlat Qaıyr jáne onyń orynbasary Janat Omarov.

Jıyn sońynda mınıstr óńirdegi quqyqtyq tártip pen qoǵamdyq qaýipsizdikti qamtamasyz etý boıynsha naqty tapsyrmalar berdi.

RELATED NEWS

Taǵaıyndaý

09 qazan 2024

Ulytaý oblysyna jańa ákim taǵaıyndaldy

Memleket basshysynyń Jarlyǵymen Dastan Adaıuly Ryspekov Ulytaý oblysynyń ákimi laýazymyna taǵaıyndaldy, dep habarlaıdy Aqorda.

Ulytaý oblysyn Berik Ábdiǵalıuly basqarǵan edi. Ol búgin Prezıdent jarlyǵymen qyzmetinen bosatyldy.

Dastan Ryspekov 1984 jyly 23 maýsymda Jezqazǵan qalasynda týǵan. Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademıasyn bitirgen.

Eńbek jolyn 2006 jyly Almatynyń Ekonomıka jáne búdjetti josparlaý departamentiniń boljamdaý jáne túsimder bóliminiń bas mamany bolyp bastaǵan.

2007-2016 jyldary Almaty qalasynda Ekonomıka jáne búdjettik josparlaý departamentinde, Almaty qalasy boıynsha Tekserý komısıasynda, Astana qalasy respýblıkalyq búdjettiń atqarylýyn baqylaý jónindegi esep komıtetinde basshylyq laýazymdarda jumys istedi.

Pavlodar oblysy Kásipkerlik, saýda jáne týrızm basqarmasynyń basshysy, «Astana EKSPO-2017» UK» AQ Ekonomıka jáne búdjetti josparlaý departamentiniń dırektory qyzmetin atqardy. Sodan keıin MSM Týrızm ındýstrıasy komıtetin basqardy.

Al 2023 jylǵy tamyzdan kúni búginge deıin Ulytaý oblysy ákiminiń orynbasary boldy.

Taǵaıyndaý

16 mamyr 2024

Memleket basshysy syrtqy saıasattaǵy birqatar kadrdy aýystyrdy

QR Prezıdenti birqar aýys-túıis jasady, dep habarlaıdy Ulys Aqordaǵa silteme jasap.

Memleket basshysynyń Jarlyǵymen Janar Seıdaqmetqyzy Aıtjan Dúnıejúzilik saýda uıymy men halyqaralyq ekonomıkalyq uıymdar janyndaǵy Qazaqstan Respýblıkasynyń Turaqty ókili laýazymynan bosatyldy. Al onyń ornyna Qaırat Omarov taǵaıyndaldy.

«Memleket basshysynyń Jarlyǵymen Qaırat Ermekuly Omarov Qazaqstan Respýblıkasynyń Birikken Ulttar Uıymy janyndaǵy Turaqty ókili bolyp taǵaıyndaldy, ol burynǵy atqarǵan laýazymynan bosatyldy», - delingen habarlamada.

Sonymen qatar Memleket basshysynyń ókimimen Aqan Aqasuly Rahmetýllın Qazaqstan Respýblıkasy Syrtqy ister mınıstriniń birinshi orynbasary laýazymyna taǵaıyndaldy. Prezıdenttiń taǵy bir Jarlyǵymen Tımýr Qaldybaıuly Tilegenov Halyqaralyq azamattyq avıasıa uıymy janyndaǵy Qazaqstan Respýblıkasynyń Turaqty ókili laýazymyna taǵaıyndaldy.

Budan bólek Áset Armanuly Erǵalıev Dúnıejúzilik saýda uıymy men halyqaralyq ekonomıkalyq uıymdar janyndaǵy Qazaqstan Respýblıkasynyń Turaqty ókili bolyp taǵaıyndaldy, ol burynǵy atqarǵan laýazymynan bosatyldy.

Taǵaıyndaý

04 qazan 2024

Marat Qojaev Senat depýtaty bolyp taǵaıyndaldy

İshki ister mınıstriniń burynǵy birinshi orynbasary Marat Qojaev endi senatta depýtat bolady.Tıisti Jarlyqqa prezıdent Qasym-Jomart Toqaev qol qoıdy, dep habarlaıdy Ulys.

«Memleket basshysynyń ókimimen Marat Shádethanuly Qojaev Qazaqstan Respýblıkasy İshki ister mınıstriniń birinshi orynbasary laýazymynan bosatyldy. Memleket basshysynyń Jarlyǵymen Marat Shádethanuly Qojaev Qazaqstan Respýblıkasy Parlamenti Senatynyń depýtaty bolyp taǵaıyndaldy», - dep habarlady búgin, 4 qazan kúni Aqorda.

Aıta keteıik, prezıdent búgin Senat depýtaty Lázzat Qaltaevanyń ókilettiligin toqtatqan bolatyn.

Jańalyqtar

20 jeltoqsan 2024